پارشێو بەو ژەمە دەوترێت کە موسوڵمانان پێش خۆرھەڵاتن و پێش دەستپێکی بەڕۆژووبوون دەیخۆن، لە ماوەی مانگی رەمەزاندا، یان ھەر کاتێکی دیکەی ساڵ کە تێیدا بەڕۆژوو ببن. کاتی ئەم ژەمە کۆتاییی دێت لەگەڵ بانگی نوێژی بەیانی، چەند خواردنێک هەن کە باشترین خواردنن بۆ پارشێو و هەندێکی تریش باشترە لە خواردنیان دووربکەویتەوە.

مەزڵوم عەبدی دەڵێت، لەپێناو زامنکردنی سەقامگیریی ناوچەکە هەسەدە پابەندی رێککەوتنەکەیەتی لەگەڵ دیمەشق و لە چەند رۆژی داهاتوودا پڕۆسەی تێکەڵکردنی هێزەکانیان دەستپێدەکات.

کۆبوونەوەی نێوان روسیا و ئۆکرانیا و ئەمریکا لە شاری جنێفی سویسرا کۆتاییهات، سکرتێری گشتیی ئەنجومەنی ئاسایش و بەرگری ئۆکراینا دەڵێت، بڕیارە سبەینێ بەردەوامی بە کۆبوونەوەکانی نێوانیان بدات.

هۆشیار زێباری دەڵێت، پێکهێنانی کابینەی نوێی حکومەتی هەرێم لە پێشینەی کارەکانیان دەبێت و بڕیاریان لەسەر دروستکردنی ئەنجومەنێکی سیاسی داوە لەگەڵ یەکێتی بەمەبەستی یەکلاییکردنەوەی پرسە ستراتیژی و هەستیارەکان.

١٥ ساڵ پێش ئێستا ناڕەزایەتی هاوڵاتیان دژی دەسەڵاتی یەکێتی و پارتی، لە رۆژی ١٧ـی شوباتی ٢٠١١ـدا گەیشتە لوتکە و لە دوا نیوەڕۆی ئەو رۆژەدا بە مەبەستىی دەربڕینی پشتیوانی بۆ خۆپیشاندانەکانى بەهارى عەرەبی، سەدان کەس لە شاری سلێمانى لە بەردەرکیسەرا خۆپیشاندانێکیان رێکخست و خۆپیشاندەران داوای گۆڕانی بنەرەتییان دەکرد و تێگەشتن لەوەی کە پارتی و یەکێتی توانا و ویستی چاکسازیان نیە.

کۆبوونەوەی نێوان ئێران و ئەمریکا لە سویسرا کۆتاییهات و وەزیری دەرەوەی ئێرانیش دەڵێت، لەگەڵ ئەمریکا گەیشتوونەتە لێکتێگەیشتن سەبارەت بە بنەما سەرەکییەکان و پێشکەوتنی ئەرێنی لە وتووێژەکانی ئێستادا هەن.

لە نوێترین پێشهاتدا، بەپێی زانیارییەکان شیعەکان داوایانکردووە مۆڵەتیان پێبدرێت بۆ رازیکردنی مالیکی بە کشانەوە لە کاندیدبوون بۆ پۆستی سەرۆک وەزیران.

ئەوقافی هەرێم دەڵێت، سبەینێ یەکەم رۆژی مانگی رەمەزانە لە هەرێمی کوردستان.

ئەوقافی هەرێم دەڵێت، بۆ دیاریکردنی یەکەمین رۆژی رەمەزانی پیرۆز چاوەڕێی بڕیاری فەرمی لێژنەی باڵای بینینی مانگ بکەن لەھەرێم.

ئەوقافی سعودیە دەڵێت، سبەینێ یەکەم رۆژی مانگی رەمەزانە و وەقفی سوننی عێراقیش دەڵێت، پێنجشەممە یەکەم رۆژی مانگی رەمەزانە.

سەرۆکی جوڵانەوەی نەوەی نوێ دەڵێت، پیرۆزبای ١٥ ساڵی دامەزراندنی کەناڵی ئێن ئاڕ تی دەکات، دەشڵێت، کەناڵێکی راگەیاندنە کە هەر لە سەرەتای دەستپێکردنیەوە رووبەرووی ئاستەنگ و بارودۆخی نەخوازراو بووەتەوە، کە زۆرێک لە دامەزراوەکانی تر ئەزموونیان نەکردووە ئەمەش لە ئەنجامی پابەندبوونە بە پیشەیبوونی و گەیاندنی راستیەکانە بە شێوازێکی شەفافانە.

پەیامنێری ئێن ئاڕ تی رایگەیاند، رووداوێکی سەختی هاتووچۆ لەسەر رێگەی کەرکوک – تکریت روویدا و بەهۆیەوە چوار کەس گیانیان لەدەستدا.

هەر دوای کۆبوونەوەی لەگەڵ بافڵ تاڵەبانی و شاندی یەکێتی، شاسوار عەبدولواحید بانگەوازی بۆ هێزە سیاسییەکان کرد و وتی "ئەگەر ئێوە حەز دەکەن خەڵک لەم مەینەتییە رزگاری بێت و سەرۆکی حکومەت بگۆڕن، لەگەڵ یەکێتی و هێزەکانی دیکە ٥٠+١ـی کورسییەکانمان دەبێت و دەتوانین حکومەت پێکبهێنین و سەرۆک وەزیرانێکی نوێ دابنێین، هەر لایەکمان دانوستان لەگەڵ پارتی بکەین بە ٣٨ کورسییەوە دانوستان دەکەین".

ئیدارەی سەربەخۆی سۆران دەڵێت، لەپێناو بەرژەوەندیی گشتی و رەچاوکردنی دۆخی فەرمانبەران و هاوڵاتیانی بەڕۆژوو لە مانگی پیرۆزی رەمەزان بریار درا بە کەمکردنەوەی دەوامی فەرمانبەران.

بەڕێوەبەری گشتیی رێگەوبانی هەولێر دەڵێت، حکومەت پلانێکی هەیە بۆ ئەوەی رێگە سەرەکییەکان "بکرێتە پارە" و داهاتەکەشی بۆ نۆژەنکردنەوەیان بەکاربهێنێتەوە.

وتەبێژی هاوپەیمانی دەوڵەتی یاسا دەڵێت، مەحاڵە نوری مالیكی پاشەكشە لە كاندیدبوون بكات بۆ پۆستی سەرۆک وەزیران و وتیشی، پرسی کشانەوەی مالیکی لە ناو چوارچێوەی هەماهەنگی باسی لێوە نەکراوە.

کۆمپانیای ئاسیاسێڵ بە مەبەستی پشتگیری کردنی خوێندکاران لەگەڵ وەزارەتی دەرەوە و کۆمۆنوێڵس و گەشەپێدانی بەریتانیا رێکەوتنێکی هەماهەنگی ئەکادیمی لە عێراق واژۆ دەکەن لە چوارچێوەی پڕۆگرامی سکۆلەرشیپی چیڤنینگ "Chevening".

بەڕێوەبەرایەتیی هاتووچۆی سلێمانی دەڵێت، دوو كامێرایی تۆماركردنی خێرایی لەسەر شەقامی سەرەكی هەواری شار دەكەونەكار و دەڵێت، لەیەكشەممەی داهاتووەوە سەرپێچی تۆمار دەكەن.

کۆبوونەوەی شاندی یەکێتی بە سەرۆکایەتی بافڵ تاڵەبانی لەگەڵ سەرۆکی جوڵانەوەی نەوەی نوێ کۆتایی هات و لە دوای کۆبوونەوەکە شاسوار عەبدولواحید رایگەیاند، "کۆبوونەوەکەمان لەگەڵ یەکێتی زۆر باش بوو" و دەشڵێت، "رێککەوتنەکەمان لەسەر شێوازی حکومڕانییە لە هەرێم و ئەگەر رێککەوتنەکە جێبەجێ بکرێت لە بەرژەوەندی خەڵک دەبێت".

راوێژكاری دارایی سه‌رۆك وه‌زیرانی عێراق دڵنیایی دەداتە مووچەخۆران و دەڵێت، "ماده‌ی ٢٩ـی به‌ڕێوه‌بردنی دارایی فیدڕاڵی، گه‌ره‌نتی به‌رده‌وامبوونی پاره‌ی پێویست بۆ مووچه‌ی فه‌رمانبه‌ران ده‌كات و نابڕدرێت".

جوتیارانی کەرکوک دژی پێنەدانی پارەی گەنمەکانیان لە بەردەم سایلۆی شارەکە گردبوونەوە و دەڵێن، "وا بۆ وەرزی دووەم دەچێت هێشتا پارەی بەرهەمەکانیان وەرنەگرتووە، لە کاتێکدا زۆربەیان بە قەرز پەین و پێداویستی کشتوکاڵییان کڕیوە".

وته‌بێژی حكومه‌تی عێراق دەڵێت، ئەسیکۆدا سیستمێکی جیهانییە و لە ١٠٢ وڵات بۆ رووبەڕووبوونەوەی سپیکردنەوەی پارە و راستکردنەوەی رێڕەوی بازرگانی کاری پێدەکرێت.

شاندێکی یەکێتی بە سەرۆکایەتی بافڵ تاڵەبانی سەردانی شاسوار عەبدولواحیدیان کرد و لەگەڵ نەوەی نوێ لە کۆبوونەوەدان.

کەشناسی هەرێم دەڵێت، لەمشەوەوە شەپۆلێکی بارانبارین ناوچەکانی هەرێم دەگرێتەوە و تا ئێوارەی رۆژی چوارشەممە شەپۆلەکە بەردەوام دەبێت و پلەکانی گەرماش بەرزدەبێتەوە.

١٥ ساڵ لەمەپێش و لە رۆژی ١٧ـی شوباتی ٢٠١١ـدا، ئێن ئاڕ تی وەک یەکەم کەناڵی ئەهلی بێلایەن دەستی بە پەخشکرد و ئێستاش سەرەڕای رووبەڕووبوونەوەی چەندان جار سوتان و داخستن و فشار بە دروشمەکانی "راستگۆیی، هاوسەنگیی، بوێریی" بەردەوامە لە گەیاندنی دەنگی خەڵک.

ئەمڕۆ پەرلەمانی عێراق کۆدەبێتەوە و جارێکی تر پرسی سەرۆک کۆمار لە کارنامەی دانیشتنەکەدا نییە و بەپێی راگەیاندنی پەرلەمان لە دانیشتنەکەدا دەنگ لەسەر ناوی لیژنەکان و ئەرکەکانیان دەدرێت.

نرخی زێڕ دابەزی و ئەمڕۆ ئۆنسەیەک لەو کانزا زەردە بە چوار هەزار و ٨٩٤ دۆلار مامەڵەی پێوەکرا و بەراورد بە دوێنێ نزیکەی ١٠٠ دۆلار لە نرخەکەی دابەزی و مسقاڵێک زێڕی عەیارە ٢١ـیش بە ملیۆنێک و ٥٤ هەزار دینارە.

بڕیارە ئەمڕۆ لیژنەكانی بینینی مانگ لە ناوچە جیاوازەکانی هەرێم، چاودێریی بینینی مانگ بكەن و یەكەم رۆژی مانگی رەمەزان دیاری بكەن.

بڕیارە ئەمڕۆ شاندی یەکێتی بە سەرۆکایەتی بافڵ تاڵەبانی سەردانی شاسوار عەبدولواحید بکات و لەگەڵ نەوەی نوێ کۆببنەوە.

بڕیارە ئەمڕۆ بە نێوەندگیری عومان، گەڕێکی دیکەی دانوستانی ناڕاستەوخۆ لەنێوان ئەمریکا و ئێران، لە سویسرا بەڕێوەبچێت و سەرۆکی ئەمریکاش دەڵێت، "بە ناڕاستەوخۆ لە دانوستانەكە بەشدار دەبم".

ئه‌ندامێکی شاندی ئیمڕاڵی له‌ دوای دیداره‌كه‌ی ئه‌مڕۆیان له‌گه‌ڵ عەبدوڵا ئۆجه‌لان رایگەیاند، ئۆجه‌لان جه‌ختیكردووەته‌وه‌ كه‌ "قۆناغی یه‌كه‌می پرۆسه‌ی چاره‌سه‌ری له‌ توركیا كۆتاییهاتووه‌ و ده‌چنه‌ قۆناغی دووه‌مه‌وه‌، داواشیكردووه‌، ئه‌و ده‌رفه‌ت و بارودۆخانه‌ی بۆ بڕه‌خسێنرێت تا پرۆسه‌كه‌ بگه‌یه‌نێته‌ ئه‌نجام".

سعودیە چەند رێنماییەکی بۆ مانگی رەمەزان دەرکرد و رایگەیاند، تۆمارکردنی ڤیدیۆ و وێنەگرتنی پێشنوێژ و نوێژخوێنان قەدەغەیە و کامێراکان تەنها بۆ مەبەستی ئەمنی و رێکخستنن.

نرخی نەوت لە بازاڕەکانی جیهاندا کەمێک دابەزی و نرخی بەرمیلێک نەوتی خاوی برێنت بە ٦٨ دۆلار و ٣٣ سەنت مامەڵەی پێوە دەکرێت.

ئەنجوومەنی باڵای دادوەریی عێراق دەڵێت، قۆناغی لێکۆڵینەوەی سەرەتایی بۆ زیاتر لە ٥٠٠ زیندانی داعش تەواو بووە، کە پێشتر لە زیندانەکانی سووریاوە بۆ عێراق گواستراونەتەوە.

وەزارەتی بازرگانی عێراق دابەشکردنی سێ ملیۆن فەردە ئاردی بەسەر بریکارەکاندا راگەیاند و دەڵێت، چاودێرییەکان چر دەکرێنەوە.

ده‌زگای ئاسایشی هه‌رێم ده‌ستگیركردنی ئه‌ندامی باندێكی ساغكردنه‌وه‌ی دراوی ساخته‌ی راگەیاند كه‌ به‌نیازبوون ٤٠ هه‌زار دۆلار له‌ بازاڕه‌كانی سلێمانی ساغ بكه‌نه‌وه‌.

بەڕێوەبەرایەتیی تەندروستیی کۆیە دەڵێت، دروستکردنی شەربەت لە ماڵان و فرۆشتنی قەدەغەیە، هەر کەسێکیش سەرپێچی بکات، دەست بەسەر کاڵاکەیدا دەگیرێت و رووبەڕووی سزای یاسایی دەبێتەوە.

پەرلەمانتارێکی نەوەی نوێ لە پەرلەمانی کوردستان دەڵێت، دوای هەوڵی زۆریان توانیان کێشەی وەرگرتنی قوتابییانی قوتابخانە ئایینییەكانی سەر بە وەزارەتی ئەوقاف لە زانكۆكانی كوردستان چارەسەربکەن.

بەڕێوەبەرایەتی کارەبای سەیدسادق دەڵێت، بەمەبەستی ئامادەکاری بۆ دانانی پڕۆژەی رووناکی بۆ ماوەی هەفتەیەک کارەبا دەکوژێنرێتەوە و دەشڵێت، وادەی کوژانەوەی کارەبا لە هەشت و نیوی بەیانیەوە تاوەکو پێنجی ئێوارە دەبێت.

بڕیاره‌ سبه‌ی سێشه‌ممه‌ په‌رله‌مانی عێراق كۆببێته‌وه‌و به‌رنامه‌ی كاری دانیشتنه‌كه‌ جارێكی دیكه‌ هه‌ڵبژاردنی سه‌رۆك كۆماری تێدا نییه‌.

دانا ئه‌حمه‌د مه‌جید، به‌ رێكخه‌ری گشتی بزوتنه‌وه‌ی گۆڕان هه‌ڵبژێردرا و دوای هەڵبژاردنیشی له‌ لێدوانێكدا رایگه‌یاند، له‌ كۆنفرانسی ئه‌مڕۆ هیچ گرژییه‌ك رووینه‌داوه‌ و "گۆڕان یه‌ك ئاڕاسته‌یه‌".

وەزارەتی ئەوقاف و کاروباری ئایینی هەرێمی کوردستان دەڵێت، سبەینێ سێشەممە، لیژنەی بینینی مانگ چاودێری بینینی مانگ دەکەن.

قائیمقامییەتی سلێمانی دەڵێت، لەمانگی رەمەزاندا خواردنگە و چێشتخانەکانی شار كراوە دەبن، بەو مەرجەی رەچاوی دۆخی رۆژووەوانان بكرێت و خواردن و خواردنەوە لەو شوێنانە بە ئاشكرا نەبێت.

هەرچەندە مووچەی کارمەندانی پۆلیسی گرێبەست لەسەر داهاتی ناوخۆی هەرێمە و پەیوەندی بە بەغداوە نیە، بەڵام تا ئێستا مووچەیان وەرنەگرتووە و پێیان وتوون بە هیچ شێوەیەک پارە نیە و چاوەروانی مووچە مەکەن.

سەرۆکی فراکسیۆنی نەوەی نوێ لە پەرلەمانی عێراق داوای لە سەرۆکایەتی پەرلەمان کرد، لیژنەیەک پێکبهێنرێت بۆ دۆزینەوەی چارەسەری ریشەیی بۆ کێشەی مووچەی مووچەخۆرانی هەرێم پێش هاتنی بودجە بۆ ناو پەرلەمان، هاوکات داواشیکرد، دۆسیەی نەوت و غاز لەنێوان هەرێم و بەغدا یەکلابکرێتەوە بە دەرچواندنی یاسای نەوت و غاز و هەروەها بەپێی مادەی ١١٢ی دەستوری عێراقی.

نرخی زێڕ ناجێگیرە و ئەمڕۆ ئۆنسەیەک لەو کانزا زەردە بە پێنج هەزار دۆلار مامەڵەی پێوەکرا و مسقاڵێک زێڕی عەیارە ٢١ـیش بە ملیۆنێک و ٧٨ هەزار دینارە.

بەپێی نووسراوێکی وەزارەتی پەروەردەی هەرێم، لە مانگی پیرۆزی رەمەزان ماوەی هەر بەشە وانەیەک لە ٤٠ خولەکەوە بۆ ٣٥ خولەک کەم دەکرێتەوە.

بەرەبەیانی ئەمڕۆ عومرەکارێکی کورد لە شاری مەدینەی وڵاتی سعودیە کۆچی دوایی کرد و بڕیارە هەر لەو شارە بەخاک بسپێردرێت.

بانکی ناوەندیی عێراق، له‌باره‌ی چاپی كۆن و نوێی دۆلاری ئه‌مریكی رێنمایی ئاڕاسته‌ی بانکەکان و دامەزراوە داراییەکان دەکات كه‌ جیاكاری له‌ نرخه‌كانیاندا نه‌كه‌ن، هۆشداری ده‌دات له‌وه‌ی هه‌ر كارێكی له‌وجۆره‌ له‌ ده‌ره‌وه‌ی رێسا و یاساكاندایه‌.

راوێژکاری ئاسایشی نیشتیمانی عێراق رایگەیاند، حکومەت رەزامەندیی دەربڕیوە لەسەر گواستنەوەی زیندانیانی داعش بۆ بۆ عێراق بە مەبەستی تەواوکردنی رێکارە یاساییەکان بەرامبەریان و داواش لە کۆمەڵگەی نێودەوڵەتی دەکات بەرپرسیارێتییەکانیان لە ئەستۆ بگرن و هاوڵاتییانی خۆیان بگوازنەوە.

پێشبینی ده‌كرێت له‌ سبه‌ینێ دووشه‌ممه‌وه‌ پله‌كانی گه‌رما كه‌مێك به‌رز ببنه‌وه‌ و به‌هۆیه‌وه‌ كه‌شێكی به‌هاری له‌ هه‌رێمی كوردستان دروست ببێت.

جێگری سه‌رۆكی حکومەتی ماوەبەسەرچوو دەڵێت، ئه‌و پاره‌یه‌ی له‌ قه‌ره‌بووكردنه‌وه‌ی زیانلێكه‌وتوانی لافاوه‌كه‌ی چه‌مچه‌ماڵ ماوه‌ته‌وه‌، بۆ جێبه‌جێكردنی پڕۆژه‌ی خزمه‌تگوزاری خه‌رجده‌كرێت و ده‌شڵێت، "له‌م قۆناغه‌دا لە پێشینەی کارەکانیان ته‌واوكردنی پڕۆژه‌ی ستراتیژیی ئاوی گۆپته‌په‌یه‌.

بە بڕیاری وەزیری ناوخۆی عێراق، لەمانگی پیرۆزی رەمەزاندا، سەرجەم دووکان و کۆگاو یانەکانی خواردنەوە کحولییەکان دادەخرێن.

سەرۆكی ئەمریكا ئاشكرای دەكات، كۆمەڵگەی نێودەوڵەتی پێنج ملیار دۆلار و هەزاران سەربازی بۆ ئاوەدانكردنەوە و سەقامگیریی غەززە تەرخان كردووە.

بەرگری شارستانی هەولێر، ئاماری رووداوەکانی خستە روو و رایگەیاند، لە ساڵی ٢٠٢٥ـدا بەراورد بە ساڵی ٢٠٢٤ رووداوەکان بە رێژەی ٦٧٪ کەمبوونەتەوە.

میدیاکانی نزیک لە دەمپارتی رایانگەیاند، سبەی شاندێکی دەم پارتی بە مەبەستی کۆبوونەوە لەگەڵ ئۆجەلان سەردانی دورگەی ئیمڕالی دەکەن.

وەزارەتی کارەبا دەڵێت، ٨٠٪ـی ماڵان لەسەر دوایین پسوولەی کارەبا کەمتر لە ١٦٠ هەزار دینارییان بۆ هاتووەتەوە و دەشڵێت، بە هیچ شێوەیەک نرخەکانی کارەبا نەگۆڕاون هەر گۆڕانکارییەک کە دەکرێت پێویستە لەلایەن ئەنجومەنی وەزیرانەوە پەسەند بکرێت.

جێگری سەرۆکی حکومەتی ماوەبەسەرچوو بە گەنجانی حزبەکەی وت، چاویان لە ئەوەیە ببنە پردی پەیوەندیی نێوان نەوەی رابردوو و ئێستای حزبەكەیان و زۆر كێشە و تەحەدی هەیە، كە دەبێت چارەسەری بكەن.

دادگای باڵای سعوودیە داوا لە هاوڵاتیان دەکات لە ئێوارەی سێ شەممەوە چاودێری بینینی مانگی یەکەم شەوی مانگی رەمەزان بکەن، ئەگەر مانگ بینرا، یەکەم رۆژی رەمەزان دەبێتە چوار شەممە، ١٨ـی شوبات.

کارەبای سلێمانی رایگەیاند، کارەبای چەند شوێنێکیان بڕیوە کە هەندێکیان بە هۆی قەرزەوە کارەباکانیان بڕدراوە.

لەبارەی قەدەغەكردنی بردنی مادەی خۆراكی لەگەڵ عومرەكاران بۆ سعوودیە، دەستەی باڵای حەج و عومرەی عێراق دەڵێت، بڕیارەكە پابەندبوونە بە رێنماییە فەڕمییەكانی سعودیە و لەپێناو پاراستنی سەلامەتی و تەندروستی عومرەكارانە.

نێچیرڤان بارزانی دەڵێت، کۆبوونەوەکەی نێوان مەسعود بارزانی و بافڵ تاڵەبانی زۆر باش بوو، بەڵام تا ئێستا لەسەر هیچ خاڵێک لەگەڵ یەکێتی رێکنەکەوتوون.

١٥ـی شوباتی ئەمساڵ، ٢٧ ساڵ تێدەپەڕێت بەسەر دەستگیرکردنی عەبدوڵا ئۆجەلان، کە لە ئۆپەراسیۆنێکی نێودەوڵەتیی ئاڵۆزدا، لەلایەن کۆمەڵێک دەزگای هەواڵگری جیهانییەوە لە نایرۆبیی پایتەختی کینیا دەستگیرکرا و رادەستی تورکیا کرا، دوای چەند دادگاییەک سزای لەسێدارەدان بەسەر ئۆجەلاندا سەپێنرا بەڵام دوای دروستبوونی ناڕەزایەتییەکی گەورە بە تایبەت لە ئەوروپا، سزاکە گۆڕدرا بۆ زیندانیکردنی هەتاهەتایی و دواتر ئۆجەلان گوازرایەوە زیندانی تاکە کەسی لە دوورگەی ئیمراڵ.

فراکسیۆنی نەوەی نوێ لەبەغدا داواکاری کردنەوەی لقی سەرجەم بانکە فیدراڵییەکان لە هەرێم، دەگەیەنێتە سەرۆک وەزیرانی عێراق و واژۆی پێویستیان بۆ کۆکردووەتەوە.

وەزارەتی دارایی دەڵێت، ئەو فەرمانبەرانەی تا ئێستا خۆیان لە پرۆژەی هەژماری من تۆمار نەکردووە، پێویستە بە زووترین کات دەست بە خۆتۆمارکردن بکەن و لە رۆژی ٢٠ـی ١ـی ٢٠٢٦ بەدواوە ناتوانن مووچەکانیان وەربگرن.

سەرۆکی پەرلەمانی عێراق داوا لە دادگای فیدراڵی عێراق دەکات هەڵوێستیان هەبێت لە بارەی هەڵنەبژاردنی پۆستی سەرۆک کۆمارەوە و دەڵیت، هەڵنەبژاردنی پۆستی سەرۆک کۆمار بەهۆی بوونی سێ یەکی پەکخەر لە دانیشتنەکاندا بووە.

چاوگێک بە ئێن ئاڕ تی راگەیاند، نووری مالیکی بەشێوەی سەرەتایی ئامادەیی دەربڕیوە لە کاندیدی سەرۆک وەزیران بکشێتەوە.

نرخی نەوت لە بازاڕەکانی جیهاندا بەرزبووەوە و نرخی بەرمیلێک نەوتی خاوی برێنت بە ٦٧ دۆلار و ٧٥ سەنت مامەڵەی پێوە دەکرێت.

یاریدەدەری سەرۆکی حکومەتی ماوەبەسەرچووی هەرێم رایگەیاند، بڕیارە لە چەند رۆژی داهاتوودا شاندێکی باڵای حکومەتی ماوەبەسەرچوو سەردانی بەغدا بکات، بە مەبەستی گفتوگۆکردن لەسەر چەند پرسێکی گرنگ کە پەیوەستە بە بودجە، گومرگ و خاڵە سنوورییەکان.

کەشناسی دەڵێت، ئەمڕۆ ئاسمان ساماڵ و پەڵەهەور دەبێت، لە ناوچە شاخاوییەکان نیمچەهەور دەبێت و پلەکانی گەرما دوو بۆ سێ پلە بەرزدەبنەوە بەراورد بە تۆمارکراوەکانی دوێنێ و بەرزترین پلەی گەرما لە هەولێرە کە ٢٠ پلەی سیلیزییە.

وەزارەتی دارایی عێراق بە ئێن ئارتی راگەیاند، دواکەوتنی مووچە رەتدەکەنەوە و ئەو دەنگۆیانەش رەتدەکەنەوە کە باس لەوە دەکەن مووچە دەبێت بە ٤٥ رۆژ جارێک و پابەندن بە خەرجکردنی مووچەی مانگانە لە وادەی خۆیدا.

پسووڵەی سلێمانی دەڵێت، فۆڕمی ئەلیکترۆنی خۆراک کارا کراوەتەوە، کە چەند خزمەتگوزاریەکی نوێی تێدا بەردەستە وەک، لابردنی بلۆک، سڕینەوەی مردوو، زیادکردنی خاوەن پێداویستی تایبەت.

ئەندامێکی مەکتەبی سیاسیی گرووپی عەسائیبی ئەهلی هەق دەڵێت، پارتی و یەكێتی لەسەر ئەنجومەنی سیاسی و دیاریكردنی سەرۆك كۆمار رێككەوتوون، هاوکات وتیشی، چوارچێوەی هەماهەنگی لەو هەشت كاندیدەی پێشتر هەبوون یەكێكیان بۆ پۆستی سەرۆك وەزیران دیاری دەكات.

بڕیارە لە هەفتەی داهاتوودا یەکەمین بەشە خۆراکی ئەمساڵ لە پارێزگاکانی هەرێم دابەشدەکرێت و بەراورد بە ساڵی رابردوونرخی پارە وەرگرتنی بەشەخۆراک بۆ هەر کەسێک دوو هێندە بەرزکراوەتەوە.

نێچیرڤان بارزانی و بەرهەم ساڵح، کۆمیسیاری باڵای نەتەوە یەکگرتووەکان بۆ کاروباری په‌نابه‌ران کۆبووەوە و تاوتوێی دۆخی مرۆیی پەنابەرانیان لە عێراق و هەرێم کرد.

بەهای زێڕ لە بازاڕەکانی جیهاندا بەرزبووەوە و ئەمڕۆ یەک ئۆنسە لەو کانزا زەردە بە پێنج هەزار و ٤١ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ٧٠ هەزار دینارە.

مەزڵووم عەبدی، فەرماندەی گشتیی هەسەدە، لەگەڵ شاندێکی باڵای کۆنگرێسی ئەمریکا لە میونشن کۆبووەوە و وتی، شاندەکەی کۆنگرێس رۆڵێکی یەکلاکەرەوەیان هەبووە لە پشتگیریکردنی دۆزی کورد لە رێگای چەندین دەستپێشخەری و پرۆژەیاساوە.

پەرلەمانتارێکی پێشووی پارتی دەڵێت، حکومەت مووچە بەپێی کات نادات، بەڵام پسوڵەی گەورەی کارەبا داوادەکات ئەمە نادادپەروەرییە.

لە کەرکووک، ژمارەیەک کاسبکار وەک دەربڕینی ناڕەزایەتی بەرامبەر تێکدانی کەپر و شوێنی بژێوییان، گردبوونەوە و داوایان لە لایەنە پەیوەندیدارەکان کرد ڕێگەیان پێ بدرێتەوە کەپرەکانیان دروست بکەنەوە و بگەڕێنەوە سەر کارەکانیان بۆ دابینکردنی بژێوی ژیانیان.

نێچیرڤان بارزانی و ئەمینداری گشتیی کۆمکاری عەرەبی کۆبوونەوە و دۆخی ناوچەکەیان تاوتوێکرد.

وتەبێژی یەکێتی دەڵێت، لە کۆبوونەوەکەی نێوان بافڵ تاڵەبانی و مەسعود بارزانیدا هیچ رێککەوتنێک نەکراوە بەڵام کۆبوونەوەکە ئەرێنی بووە و لە چوارچێوەی پاراستنی هەرێمی کوردستاندا کۆبوونەوەکە ئەنجامدراوە.

وەزارەتی دارایی عێراق لە سبەینێوە دەستدەکات بە ئامادەکارییەکان بۆ ئەوەی لە هەفتەی داهاتوودا مووچەی مانگی دووی مووچەخۆرانی عێراق دابەشبکات. چاوگێکیش لە دارایی هەرێم دەڵێت، لە سبەینێوە ئامادەکارییەکان بۆ مووچەی مانگی دوو دەستپێدەکەین.

پۆلیسی ئاکرێ دەڵێت، تەرمی کەسێک لە رووباری زێی گەورە دەرهێندراوەتەوە و بەهۆی تێکچوونی لاشەکەیەوە تاوەکو ئێستا ناسنامەی دیار نییە.

ئەندازیار و شارەزایەکی ئاو، زانیاریاری سەبارەت بە دۆخی ئێستای بەنداوی دووکان لە سنووری پارێزگای سلێمانی و رێژەی زیادبوونی ئاوی گلدراوە ئاشکرا کرد و دەڵێت "ئەگەر ئاوی بەنداوی دووکان بەم شێوەیە بەردەوام بێت ئەوا لە مانگی نیساندا سەرڕێژ دەکات".

وەزارەتی بازرگانی دەڵێت، لە پارێزگاکانی دهۆک، هەڵەبجە پرۆسەی تۆمارکردنی ناوی منداڵ، لە فۆڕمی خۆراک دەستی پێکردووە و پرۆسەکە بەردەوام دەبێت.

شاسوار عەبدولواحید دەلێت، لەگەڵ یەکێتی لێکتێگەیشتنیان هەیە و تا ئێستا رێککەوتنی نوسراویان نییە، وتیشی لێکتێگەشتنەکە بۆ هاوسەنگکردنی هێزە و لە بەرژەوەندی هەموولایەکە، باسی لەوەشکرد، دەیانەوێت لە هەرێمی کوردستان یاسای بودجە هەبێت و داهات دیار بێت.

له‌ گوندێکی رەواندز، چه‌ند رۆژێكه‌ نه‌خۆشییه‌كی نادیار كه‌وتووه‌ته‌ ناو مه‌ڕوماڵاتی ئاژه‌ڵدارێك و بەهۆیەوە زیاتر لە ١٠٠ سەر ئاژەڵی لەناچوون، خاوه‌نی ئاژه‌ڵه‌كانیش ده‌ڵێت، چه‌ندین ده‌رمان و چاره‌سه‌ریان به‌كارهێناوه‌ و پزیشكییش هاتوون، به‌ڵام هیچ چاره‌یان نییه‌ و رۆژانه‌ مردار دەبنەوە.

بەرهەم ساڵح، له‌گه‌ڵ مه‌زڵوم عه‌بدی، فه‌رمانده‌ی گشتی هێزەکانی سوریای دیموکرات "هه‌سه‌ده‌" و وەزیری دەرەوەی سوریا و کۆبووەوە.

بەڕێوەبەرایەتیی كارەبای سۆران، ئاماری بەكارهێنان و بڕی پارەی كارەبای پرۆژەی رووناکی بڵاوکردەوە و بەپێی ئامارەكە، نزیکەی ٦٤٪ـی بەشداربووان تا ٢٠٠ هەزار دینار پارەی کارەبایان بۆ هاتووەتەوە و نزیکەی لە ١٧٪ـی بەشداربووانیش زیاتر لە ٢٠٠ هەزار دیناریان بۆ هاتووەتەوە.

سبەینێ پەرلەمانی عێراق لە دانیشتنی ئاسایی خۆیدا، تاوتوێی پرسی دەرچوانی بەشە پزیشکییەکان و چەند پرسێکی گشتی دەکات.

ئاژانسی هەواڵی رۆیتەرز لە زاری چاوگێکەوە دەڵێت، بڕیارە رۆژی سێشەممە دوو خولی جیاوازی وتوێژی دیپلۆماسی لە جنێڤ بەڕێوە بچێت، یەکێکیان سەبارەت بە ئێران و ئەوی دیکەیان سەبارەت بە جەنگی نێوان ئۆکرانیا و رووسیا.

ئەنجومەنی باڵای فەتوای هەرێم دەڵێت، فرۆشتنی زێڕ بە قەرز دەچێتە چوارچێوەی ریبا و حەرامە چونكە فرۆشتنی زێڕو زیو بە پارە پێویستە دەست بە دەست بێت، لەو كاتەدا هەردوولا لە یەكتری وەربگرن.

کەشناسی دەڵێت، ئەمڕۆ و سبەى بارانبارین بە بڕی جیاواز بەردەوام دەبێت و خۆڵبارینێکی کەمیش بەشێکی ناوچەکانی هەرێم دەگرێتەوە.

نرخی زێڕ کەمێک دابەزی و ئۆنسەیەکی بە پێنج هەزار و ٤٢ دۆلار مامەڵەی پێوەدەکرێت و بەراورد بە رۆژی پێنجشەممە هەر مسقاڵێک سێ بۆ چوار هەزار دیناری لێبووەتەوە.

بڕیارێکی حکومەتی ماوەسەرچوو لەبارەی گواستنەوەی دۆسیەی زیندانە سیاسیەکانی هەرێم بۆ بەغدا لەلایەن زیندانە سیاسیەکانەوە ناڕەزایەتی لێکەوتووەتەوە و بڕیاریانداوە بۆ ئەو مەبەستە سبەی نوێنەرانیان لە سەرجەم حزب و لایەنەکان کۆببنەوە.

هێزەکانی سووریای دیموکرات (هەسەدە) رایگەیاند، لەگەڵ وەزیری دەرەوەی ئەمریكا گفتوگۆ لەسەر پرۆسەی یەکگرتن و دەستەبەرکردنی مافی سەرجەم پێكهاتەكانی سوریا كرا بەتایبەت كوردو دروز، دەشڵێت، "ترەمپ پرۆسەی یەکگرتن و جێبەجێکردنی رێککەوتنەکان و بەرەنگاربوونەوەی تیرۆری خستوەتە لەپێشینەی کارەکانی".

بەڕێوەبەرایەتیی گشتیی بانکە بازرگانییەکان دەڵێت، سبەینێ دەوامی هەموو ئەو بانکانە ئاسایی دەبێت کە مووچە دابەشدەکەن و دەشڵێت، "مووچەی ئەو کەسانە دابەش ناکرێت کە هەژماری منیان پڕ نەکردووەتەوە".

سەرۆکی ئەمریکا دەڵێت، واشنتن بە وردی چاودێری پرسی دیاریکردنی سەرۆکوەزیرانی داهاتووی عێراق دەکات و خاوەنی بیرۆکەی تایبەتە لەو بارەیەوە،

نوسینگەی سودانی دەڵێت، سەرۆک وەزیرانی عێراق و سەرۆک کۆماری تورکیا پەیوەندییەکی تەلەفونیان ئەنجامدا و باسیان لە چاودێریکردنی پێشهاتە هەرێمی و نێودەوڵەتییەکان كردووە.

مانگی رەمەزان کەمتر لە هەفتەیەکی ماوە و ئەمساڵ لەچاو ساڵی رابردوو کاتژمێرەکانی رۆژووگرتن نزیکەی چوار کاتژمێر کەمتر دەبن لە وڵاتانی عەرەبی.

ئەنجومەنی وەزیرانی عێراق دەڵێت، حکومەتی عێراق رەزامەندی دەربڕیوە بە زیادکردنی بڕی ئەو پارەیەی هاوڵاتیان لە بەرامبەر وەرگرتنی بەشەخۆراکی مانگانە دەیدەن و بۆ هەر تاکێک لە ٥٠ دینارەوە زیادکراوە بۆ ٢٥٠ دینار.

فەرماندەیی ناوەندیی هێزەکانی ئەمریکا دەڵێت، پێنج هەزار و ٧٠٠ زیندانیی داعش لە سووریاوە گواستراونەتەوە بۆ عێراق.

وەزارەتی پەروەردەی عێراق دەڵێت، بڕیاری کەمکردنەوەی دەوامی فەرمی بۆ دامودەزگاکان لە مانگی رەمەزانی پیرۆزدا قوتابخانەکان ناگرێتەوە.

ئەنجومەنی ئاسایشی نێودەوڵەتی دەڵێت، بەرپرسیارێتی حكومەتی سوریايە پارێزگاری لە تەواوی هاوڵاتیانی وڵاتەکەی بکات بە کوردیشەوە.

وەزیری دەرەوەی عێراق دەڵێت، بڕیاری دووبارە دەستنیشانکردنەوەی مالیکی پرسێکی ناوخۆییە، بەڵام عێراق ئاماژەکانی ئەمریکا بە هەند وەردەگرێت.

پسووڵەی خۆراکی هەولێر دەڵێت، دوای ئەوەی خزمەتگوزاریەکانی سیستەمی بە ئەلیکترۆنی کردنی پسوولەی خۆراک بۆماوەیەک بەهۆی کێشەیەکی تەکنیکیەوە لەسیستەمی پارەدان راگیرا، ئەمڕۆ وەزارەتی بازرگانی عێراق خزمەتگوزارییەکانی ناو ئەپڵیکەیشنەکەی کردەوە.

به‌رگری شارستانی كه‌رتی غه‌ززه‌دەڵێت،نزیكه‌ی هه‌شت هه‌زار ته‌رم هێشتا له‌ ژێر دارو په‌ردودا ماون و سێ هه‌زار كه‌سیش بێسه‌روشوێنن. تەندروستی غەززەش وتی، ژماره‌ی كوژراوەکان ٧٢ هه‌زار كه‌سی تێپه‌ڕاندووە.

وەزیری دەرەوەی ئەمریکا دەڵێت، وڵاتەکەی کاردەکات بۆ کۆتاییهێنان بە جەنگ لە ئۆکرانیا، سەرۆکی ئۆکرانیاش دەڵێت، ئامادەن بۆ کۆتاییهێنان بە جەنگ و پشتگیری لە پێشنیازەکانی ئەمریکاش دەکەن.

کەشناسی دەڵێت، ئاسمانی هەرێم روو لە گۆڕان دەکات و شەپۆلێکی بارانبارین لە ناوچە جیاوازەکان دەستپێدەکات، پێشبینی دەکرێت لە بەیانی زووی سبەینێوە باران لە دهۆکەوە دەستپێبکات و دواتر تەواوی ناوچەکانی هەرێم بگرێتەوە، لە هەندێک کاتیشدا بارانەکە بە شێوەی لێزمە و هەورەبروسکەشی لەگەڵ دەبێت.

میدیاکانی رۆژئاوا دەڵێن، مەزڵوم عەبدی و ئیلهام ئەحمەد بۆ بەشداریکردن لە کۆنفرانسی ئاسایشی میونشن دەگەنە ئەڵمانیا و بڕیارە لەگەڵ وەزیری دەرەوەی سوریا کۆببنەوە.

سەرۆکی ئەمریکا دەڵێت، دەكرێت مانگی داهاتوو رێککەوتن لەگەڵ ئێران بکرێت و سکرتێری ئەنجوومەنی باڵای ئاسایشی نیشتمانیی ئێرانیش دەڵێت، لەلایەن بەرپرسانی عومانەوە پەیامێکی ئەمریکییەکانی وەرگرتووە و لە تاران تاوتوێی دەکەن.

وەزارەتی دادی عێراق دەڵێت، رێکاری پێویست لەلایەن حکومەتەوە گیراوەتە بەر بۆ گواستنەوەی زیندانیانی داعش لە سوریاوە بۆ عێراق.بەپێی یاسای عێراق لێکۆڵینەوەیان لەگەڵ دەکرێت و دادگایی دەکرێن و هاوپەیمانان تێچووی رۆژانەی خۆراکی زیندانییەکان لە ئەستۆ دەگرن.

دوای ئەوەی سەڵتەنەی عوممان رایگەیاند کە ١٩ـی مانگ رۆژی پێنجشەممە یەکەم رۆژی مانگی رەمەزان دەبێت، هەریەک لە وڵاتانی تورکیا و سەنگافورەش رۆژی پێنجشەممەیان وەک یەکەم رۆژی رەمەزان دیاریکرد.

بەڕێوەبەرایەتی ئاسایشی سلێمانی دەڵێت، بکوژی ئەو ژنەی دوێنێ لە پرۆژەیەکی نیشتەجێبوون لە سلێمانی کوژرا، دەستگیرکرا.

شارەزایەکی کەشناسی دەڵێت، لە سبەینێوە شەپۆلێکی دیکەی بارانبارینی بەخووڕ بە هەورەبرووسکەی بەهێز و تەرزەوە هەرێمی کوردستان دەگرێتەوە و مەترسی دروستبوونی لافاو هەیە.

لە دوای دروستبوونی کاردانەوەکان بەرامبەر سزادانی کارماندێکی کارەبا، بەڕێوەبەرایەتی کارەبای راپەڕین دەنگۆی دادگاییکردنی کارمەندەکەی بەهۆی قسەکردن لەسەر پڕۆژەی رووناکی رەتدەکاتەوە و دەڵێت، بانگهێشتی بەڕێوەبەرایەتییەکە کراوە و داوای بەڵگەی قسەکانی لێکراوە.

بازرگانیی عێراق، دەستپێکردنەوەی کۆمەڵێک خزمەتگوزاریی گرنگی لە کارتی ئەلیکترۆنی بەشەخۆراکدا راگەیاند، کە دیارترینیان سڕینەوەی ناوی مردووان و راگرتنی بەشەخۆراکە. هاوکات لە هەنگاوێکی نوێدا، پرۆسەی زیادکردنی ناوی منداڵانی خوار تەمەن ١٢ ساڵ لە رێگەی سیستەمی ئەلیکترۆنییەوە دەستپێکرد، کە پارێزگاکانی دهۆک و هەڵەبجە دەگرێتەوە.

جێگری سەرۆکی جوڵانەوەی نەوەی نوێ لەبارەی ئەو کارمەندەی کارەبا کە بەهۆی قسەکانیەوە لەبارەی نرخی کارەبا رووبەرووی یاسا کراوەتەوە لەلایەن حکومەتەوە، دەڵێت جگە لە وتنی راستییەکی تاڵ و حاشاهەڵنەگر، ئەم گەنجە بەرێزە شتێکی تری نەوتووە، بۆ هەموو قسەکانی شایەنی رێزلێنانە نەک سزادان.

پارێزگاری هەولێر هۆشداری توند دەداتە ئەو کەس و لایەنانەی بانگەشەی خۆپیشاندانی نوێ دەکەن و دەڵێت، هیچ پاساوێک بۆ ئەنجامدانی خۆپیشاندان نەماوە و هێزە ئەمنییەکانمان دەستکراوە کردووە بۆ رێکاری توند بەرامبەر سەرپێچیکاران.

پەرلەمانی ئەوروپا بڕیارێکی سەبارەت بە دۆخی باکوور و رۆژهەڵاتی سووریا پەسەند کرد و تێیدا بە توندی ئیدانەی توندوتیژییەکانی دژ بە هاوڵاتیانی مەدەنی کرد، جەختیشکرایەوە هاوکارییە داراییەکانی یەکێتی ئەوروپا بۆ ئاوەدانکردنەوەی سوریا، پێویستە مەرجبێت بە پاراستنی مافی مرۆڤ و کەمینەکان.

دارایی هەرێم لە روونکردنەوەیەکدا دەڵێت، هەر کەموکوڕییەک لە مووچە یان نەناردن یان لێبڕین لەو سێ ساڵەی رابردوودا روویدابێت عێراق لێی بەرپرسیارە. دەشڵێت، "عێراق ٣٦ ملیار دیناری لە مووچەی مانگی یەک بڕیوە و بە نوسراوێک جارێکی تر داوای ئەو پارەیامان کردووەتەوە".

وەزارەتی ناوخۆی هەرێم، بڕیاری کۆتایی وەزارەتەکەی دەربارەی چارەنووسی ئۆتۆمبێلە بێ سەرەتاکان راگەیاند و جەختی لەسەر جێبەجێکردنی رێکارە یاساییەکان کردەوە.

وەزارەتی دەرەوەی عێراق، ئەو هەواڵانەی رەتکردەوە کە باس لە فرۆشتنی باڵەخانەی باڵیۆزخانەی عێراق لە سیئۆلی پایتەختی کۆریا دەکەن بە کەسایەتییەکی هونەریی ئەو وڵاتە.

جێگری حکومەتی ماوەبەسەرچوو دەڵێت، پێویستە هەموو لایەنە ناوخۆیی و نێودەوڵەتییەکان کاربکەن بۆ پاراستنی سەقامگیری ناوچەکە و عێراق.

بەپێی زانیارییەکانی پەیامنێری ئێن ئاڕ تی، کەمێک پێش ئێستا لە پڕۆژەیەکی نیشتەجێبوون لە سلێمانی، تەرمی ژنێک دۆزراوەتەوە و بە وتەی پۆلیسیش شوێنەواری فیشەکی پێوەیە و لێکۆڵینەوەیان لە رووداوەکە دەستپێکردووە.

وەزارەتی دارایی دەڵێت، رۆژی شەممە مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەش دەکرێت.

وەزارەتی پێشمەرگە دەڵێت، هاوکاری هاوپەیمانان بۆ مانگی یەک خرایە سەر هەژماری وەزارەتەکەیان و رۆژی شەممە دابەش دەکرێت.

بەڕێوەبەری ناوەندی راگەیاندنی هەسەدە دەڵێت، لەم رۆژانەی دوایدا بڕگە كارگێڕی و ئەمنییەكانی رێككەوتنی نێوان دیمەشق و هەسەدە جێبەجێ کران و دەشڵێت، جێبەجێكردنی بڕگە سەربازییەكان هێزەكانی هەسەدە و حکومەتیش دەگرێتەوە و هێزەکانیان دەگەڕێنەوە بۆ پێگە سەرەکییەکانیان.

کەشناسی هەرێم بڕ باران بارینی ١٢ کاتژمێری رابردووی بڵاوکردەوە و دەڵێت، لە دێرەلوکی پارێزگای دهۆک زۆرترین رێژەی باران باریوە کە ٣٩ ملیم بووە.

پارێزگاری هەولێر دەڵێت، کۆبوونەوەیەک سەبارەت بە هاتنى مانگى پیرۆزى رەمەزان ئەنجامدرا و یەکەم بڕیار کە درا کەمکردنەوەی یەک کاتژمێر دەوامی فەرمییە لە دام و دەزگا و فەرمانگەکانی حکومەت لە سنووری هەولێر، کە لە کاتژمێر ٩ـی بەیانی دەستپێدەکات.

ئەندامێکی سەرکردایەتیی یەکێتی دەڵێت، کۆبوونەوەی پارتی و یەکێتی ئەرێنی بووە و لەسەر پۆستەکانی بەغدا و هەرێم دەگەنە ئەنجام.

کەشناسی دەڵێت، ئه‌مڕۆ بەگشتی ناسەقامگیری کەشی ناوچەکە بەردەوامی دەبێت بۆیە ئەگەر هەیە گۆڕانکاری لە کەشی ناوچەیەک لە ماوەیەکی کەم دروست بێت و باران ببارێت، سبه‌ینێش ئاسمانی هەرێم بە گشتی بەردەوام نیمچە هەور و لە هەندێك کاتدا هەوری تەواو دەبێت.

دابەشکردنی مووچە بەردەوامە و لە بەشێکی ئامێرەکانی ئەی تی ئێم کێشە بۆ مووچەخۆران دروستبووە، بەگوێرەی خشتەی دارایش بڕیارە تا رۆژی شەممە سەرجەم مووچەخۆران مووچەکانیان وەربگرن.

ئەنجومەنی وەزیرانی عێراق دەڵێت، رێنماییان دەرکردووە کە لە مانگی رەمەزاندا یەک کاتژمێر دەوامی فەرمی سەرجەم وەزارەتەکان و فەرمانگە حکومییەکان کەمبکرێتەوە.

سەڵتەنەتی عوممان وەک یەکەم وڵاتی ئیسلامی، بە شێوەیەکی فەرمی پێنجشەممەی داهاتووی وەک یەکەم رۆژی مانگی رەمەزان دیاریکرد.

ئاژانسی فرانس پرێس دەڵێت ، ماوەی ١٥ رۆژە ئەمریکییەکان لە بنکەی تەنەف ئامادەکاری دەکەن بۆ گواستنەوەی کەلوپەلە سەربازییەکانیان لەو بنکەیە.

بەهای زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا زەردە بە پێنج هەزار و ٥٩ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ٩٩ هەزار دینارە.

سەرۆک وەزیرانی عێراق و سەرۆکی هاوپەیمانیی دەوڵەتی یاسا سەبارەت بە دۆخی گشتیی عێراق و پۆستی سەرۆک کۆمار کۆبوونەوە.

قائیمقامیەتی دوکان شۆفێران ئاگادار دەکاتەوە و دەڵێت، لە ئەمڕۆوە رێگای شاخی قەرەسرد بۆ هاتووچۆ بەکار نەهێنن، بەهۆی لابردنی بەشێک لە شاخەکە کە داڕماوە.

سایلۆی هەولێر دەڵێت، ئاگاداری جوتیارانی سنوورەکە دەکەن وادەی رادەستکردنی چەکی پارەی ساڵی ٢٠١٥ بۆ ماوەی ١٥ رۆژی تر درێژکرایەوە.

نرخی نەوت لە بازاڕەکانی جیهاندا بەرزبووە و نرخی بەرمیلێک نەوتی خاوی برێنت بە ٦٩ دۆلار و ٥٤ سەنت مامەڵەی پێوە دەکرێت.

گەنجینەیەک کە نزیکەی ٢٠ هەزار دراوی زیوی تێدابوو لە کاتی کارەکانی نۆژەنکردنەوە لە کۆشکێکی مێژوویی لەسەر کەناری بێرسنیڤسکایا لە ناوەڕاستی مۆسکۆ دۆزرایەوە.

سەرۆکی کۆمەڵەی کەمئەندامانی سەنگەر دەڵێت، "حکومەتی عێراق مووچەی مانگی ١٠ـی ساڵی رابردووی ئێمەی ناردووە بەڵام لە دارایی هەرێم راگیراوە" و دەشڵێت، "تا ناوەڕاستی هەفتەی داهاتوو مۆڵەت دەدەینە وەزارەتی دارایی هەرێم بۆ خەرج كردنی مووچەکەیان".

کەشناسی هەرێم دەڵێت، پێشبینی دەکەن ئەمشەو نمەباران لە سنووری پارێزگای دهۆک ببارێت و شەپۆلی بارانبارین بە شێوەی پچڕ پچڕ لە زۆربەی ناوچەکان بەردەوام بێت.

سەرۆکی ئەمریکا لە پەیامێکدا دوای کۆبوونەوەی لەگەڵ سەرۆک وەزیرانی ئیسرائیل رایگەیاند، "بە ناتانیاهۆم وت رێککەوتن لەگەڵ ئێران لە پێشینەی کارەکانمانە". دەشڵێت، ئێستا ئاشتییەکی راستەقینە لە رۆژهەڵاتی ناوەڕاستدا بەرقەرارە.

وتەبێژی یەکێتی دەڵێت، وێڕای ئەرێنی بوونی کۆبوونەوەکەمان لەگەڵ پارتی، دەنگۆی رێککەوتنمان لەسەر پۆستەکان رەتدەکەینەوە. دەشڵێت، هەر رێککەوتنێک ئەنجامبدرێت لە نێوان هەردوولا بەفەرمیی بۆ رای گشتی بڵاویدەکەنەوە.

بەڕێوەبەرایەتیی چاککردنەوە و پاراستنی رێگەوبانی رانیە ئاگادارییەک ئاڕاستەی شۆفێران و هاوڵاتییان دەکات و دەڵێت، بە مەبەستی پاراستنی گیانی گەشتیاران و شۆفێران، رێگەی (قەرەسرد - دوکان) بە شێوەیەکی کاتی دادەخرێت.

شاندی ئیمراڵی لەگەڵ سەرۆک کۆماری تورکیا و سەرۆکی دەزگای میت سەبارەت بە پرسی ئازادکردنی ئۆجەلان کۆبووەوە و ئەردۆغانیش لە کۆبوونەوەی پارتەکەیدا وتی، نزیکن لە چارەسەرکردنی پرسی کورد و ئەوانیش وەک ئاکەپە هاوکار دەبن.

مەسعود بارزانی و بافڵ تاڵەبانی دووەم کۆبوونەوەیان لە ماوەی کەمتر لە ١٠ رۆژ ئەنجامدا و بە گوێرەی میدیاکانی یەکێتی کۆبوونەوەکەیان ئەرێنی بووە، پێدەچێت گەیشتبنە لێکتێگەیشتن بۆ رێککەوتن لەسەر پرسەکانی سەرۆک کۆمار و پێکهێنانی حکومەتی نوێی هەرێم.

پۆلیسی هەولێر دەڵێت، ئەو کەسەی زیاتر لە ٢٠ پارچە سپلێتی (یەکەی دەرەکی) لە بازاڕی قەیسری هەولێر دزی، دەستگیرکرا.

دەستەی گومرگی عێراق دامەزراندنی چوار فەرمانگەی گومرگی لە سنوورەکانی هەرێمی کوردستان راگەیاند و ئاماژەی بە پەسەندکردنی سیستەمی ئاسیکودا و ڕێگریکردن لە چوونە ژوورەوەی کاڵاکان لە ڕێگەی دەروازە سنوورییە فیدراڵییەکانەوە کرد.

بەهۆی تەقینەوەی بۆمبێکی چیندراو لە گوندی جاستانی سنووری ناحیەی سەرگەڕانی سەر بە پارێزگای کەرکوک شوانکارێک گیانی لەدەستدا.

حکومەتی ماوەبەسەرچووی هەرێم دەڵێت، "رێژەی دانیشتوانی هەرێمی کوردستان ٪١٤.١"ـیە و پێویستە بکرێتە بەشە بودجەی هەرێم و شایستە دەستوورییەکانی. دەشڵێت، "دەستکاریکردنی رێژەیە لەلایەن وەزارەتی پلاندانانی عێراقەوە رەتدەكەینەوە".

وەزیری دادی عێراق دەڵێت، پرۆسەی گواستنەوەی زیندانییانی داعش لە سووریاوە بۆ عێراق بەردەوامە و ژمارەیان پێنج هەزاری تێپەڕاندووە، جەختیش دەکاتەوە کە ئەو چەکدارانە رەوانەی زیندانەکانی هەرێم ناکرێن و لەلایەن دەستەیەکی دادوەریی تایبەتەوە دادگایی دەکرێن.

کەمئەندامانی سەنگەر دژی وەرنەگرتنی دوو مووچەکەیان گردبوونەوە و دەڵێن، بەهۆی گواستنەوەی میلاکی مووچەکانیان بۆ وەزارەتی دارایی تووشی کێشە بوون و ساڵی رابردوو تەنها نۆ مووچەیان پێدراوە و مووچەی مانگی ١٠ـیان پێنەدراوە.

پەرلەمانی عێراق بەنیازە پشووە فەرمییەکانی دەوڵەت کەمبکاتەوە و ئامادەکارییش بۆ پێداچوونەوە بە یاسای پەیوەست بە پرسەکە دەستیپێکردووە و هۆکارەکەشی دەگەڕێندرێتەوە بۆ ئەوەی زۆری پشووەکان کاریگەریی لەسەر ژیانی هاوڵاتییان و کارکردنی دامودەزگاکانی دەوڵەت هەیە.

بریکاری وەزارەتی بازرگانیی هەرێم دەڵێت، مانگی رەمەزان دەیان تیمی گەڕۆکیان دەبێت بۆ چاودێریکردنی بازاڕەکان و کۆنتڕۆڵکردنی نرخ، داواش لە هاوڵاتییان دەکەن لە کاتی هەبوونی هەر سەرپێچیەک ئاگاداریان بکەنەوە.

کۆبوونەوەی نێوان مەسعود بارزانی و بافڵ تاڵەبانی کۆتایی هات، بەپێی زانیارییەکان پرسی پێکهێنانی حکومەت و چەند پرسێکی تر تاوتوێ کرا لە کۆبوونەوەکە.

چاوگێک لە نەخۆشخانەی خورماتوو رایگەیاند، لە گوندی زەگەڵبانەی سنووری خورماتوو، بۆمبێکی چێندراو بە شوانکارێکدا تەقییەوە و بەسەختی برینداربوو، راستەوخۆ رەوانەی نەخۆشخانەی گشتیی خورماتوو کرا.

کۆمپانیای نەوتی سۆمۆ دەڵێت، بە نیازن فرۆشتنی نەوت لە بەندەرەکانەوە بگۆڕن بۆ بازارە جیهانییەکانو دەشڵێت، ئەم رێگایە نوێیە گەر چی قازانجی زیاترە بەڵام مەترسیشی زۆرە.

لیژنەی فەتوا دەڵێت، هەندێک لە جوتیاران بۆ زیاتر بەبازاڕکردنی بەروبوومەکانیان و شاردنەوەی کوالێتیی خراپیان بۆ بەدەستهێنانی قازانجی زیاتر، هەڵدەستن بە رەنگکردنی بەرهەمەکانیان بە ماددەی کیمیایی، ئەمە دروست نییە و حەرامە.

هاتووچۆی سۆران دەڵێت، لەسەر رێگای خەلیفان – سرێشمە رووداوێکی هاتووچۆ روویدا و حەوت کەس برینداربوون.

سەرۆكی فراكسیۆنی هاوپەیمانیی ئاوەدانكردنەوە و گەشەپێدان لە پەرلەمانی عێراق دەڵێت، هەڵوێستی ئەمریكا لەبارەی مالیكی زۆر توندە.

کەشناسی دەڵێت، ئەمڕۆ بە گشتی ئاسمان هەوری تەواو دەبێت لەگەڵ بارینی نمەباران و بارانی مامناوەند لە زۆربەی ناوچەکان، لە هەندێک کات بارانبارینی بە لێزمە و هەورەبروسکەی لەگەڵدا دەبێت بەتایبەتی لە رۆژهەڵاتی هەرێم، لە ناوچە شاخاوییە سنوورییەکان بەفرێکی کەم دەبارێت، سبەینێش لە زۆربەی ناوچەکان بارانی مامناوەند دەبارێت.

سەرۆکی ئەمریکا دەڵێت، ئێران دەیەوێت رێککەوتن بکات و نابێت خاوەنی چەکی ئەتۆمی و مووشەکیش بێت و وەزیری دەرەوەی ئێرانیش دەڵێت، باشترین بڕیارێک ترەمپ بیدات دوورکەوتنەوەیە لە جەنگ.

بەهای زێڕ لە بازاڕەکانی جیهاندا بەرزبووە و ئەمڕۆ یەک ئۆنسە لەو کانزا زەردە بە پێنج هەزار و ٥٩ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ١٠٥ هەزار دینارە.

نرخی نەوت لە بازاڕەکانی جیهاندا بەرزبووە و نرخی بەرمیلێک نەوتی خاوی برێنت بە ٦٩ دۆلار و ٤٣ سەنت مامەڵەی پێوە دەکرێت.

دوای ناردنی پارەی مووچە وەزارەتی دارایی هەرێم خشتەی موچەی مانگی یەکی بڵاوکردەوە و داوا لە مووچەخۆران دەکات ئەمڕۆ لەدوای کاتژمێر یەکەوە سەردانی ئەی تی ئێمەکان بکەن بۆ وەرگرتنی موچەکانیان.

ئەمڕۆ پارتی و یەکێتی لەسەر ئاستی باڵا لە پیرمام کۆدەبنەوە و بڕیاریشە پرسی پۆستی سەرۆک کۆماری عێراق تاوتوێ بکرێت.

پۆلیسی کەنەدا دەڵێت، لە قوتابخانەیەک لە کۆڵۆمبیای بەریتانیا تەقەکرا و هەشت کەس کوژران، دوو کەسی دیکەش لە ماڵێکدا بە مردوویی دۆزراونەتەوە کە پێدەچێت پەیوەندی بە ئەو رووداوەوە هەبێت و لە ناویاندا ئەو کەسەی تێدایە کە گومانلێکراوە، ژمارەی ئەو کەسانەی کوژراون گەیشتوونەتە ١٠ کەس و ٢٥ کەسیش برینداربوون.

سەرۆکی لیژنەی پەیوەندییەکانی دەرەوە لە پەرلەمانی ئەمریکا، لە دانیشتنێکی تایبەتدا لە کۆنگرێس سەبارەت بە دۆسیەی سوریا، دەڵێت، واشنتۆن لە دۆخی ئێستای سوریا ئاسوودە نییە.

خواردنەوەی دوو بۆ سێ کوپ قاوە لە رۆژێکدا چەندین کاریگەری لەسەر جەستە دروست دەکات.

کەشناسی هەرێم پێشبینیەکانی خۆی لەبارەی شەپۆلێکی بارانبارین بڵاوکردەوە و دەڵێت، شەپۆلەکە لەمشەوەوە دەستپێدەکات و زۆربەی ناوچەکانی هەرێم دەگرێتەوە.

لیژنەی باڵای فەتوای هەرێم دەڵێت، ئه‌و مووچانه‌ی كه‌ حكومه‌ت نه‌یداوه‌ به‌ فه‌رمانبه‌ران، یان له‌ساڵانی رابردوودا به‌لێبڕاوی پێی داون ( كه‌ واجبه‌ بۆیان بگه‌ڕێنێته‌وه‌) ئه‌گه‌ر دوای مردن گه‌ڕێنرانه‌وه‌ ئه‌وه‌ وه‌ك میراتی شه‌رعی مامه‌ڵه‌یان له‌ گه‌ڵ ده‌كریت.

نوێنەری گشتیی مامۆستایانی گرێبەست دەڵێت، هەفتەی داهاتوو، لە رۆژای یەکشەممە و دووشەممە، مووچەی مانگی یەکی مامۆستایانی گرێبەستی وەزارەتی پەروەردە و خوێندنی باڵا دابەشدەکرێت.

وەزارەتی دارایی حکومەتی ماوەبەسەرچوو لیستی مووچەی مانگی یەکی بڵاوکردەوە، بە گوێرەی خشتەکەش، سبەینێ چوارشەممە، مووچەی وەزارەتەکانی خانەنشینانی شارستانی و پێشمەرگە و زیندانە سیاسیەکان و بەرکەوتووانی کیمیاباران و کەسوکاری شەهیدان و ئەنفالکراوان و پەروەردە و تەندروستی و خوێندنی باڵا دابەشدەکرێت.

لە شاری سلێمانی بە ئامادەبوونی کونسوڵی ئێران و بەرپرسانی حکومی و حزبی هەرێمی کوردستان یادی ٤٧ ساڵەی سەرکەوتنی شۆڕشی ئیسلامی ئێران کرایەوە.

وەزارەتی دارایی عێراق، لە راگەیەندراوێکدا وەڵامی ئەو دەنگۆیانەی دایەوە کە لەلایەن وەزارەتی دارایی هەرێمەوە بڵاوکرابوونەوە سەبارەت بە بڕینی بەشێک لە مووچەی مانگی یەکی فەرمانبەران.

سەرۆکی فراکسیۆنی یەکێتی لە پەرلەمانی عێراق دەڵێت، تا ئێستا لەگەڵ پارتی لەسەر پۆستی سەرۆک کۆمار نەگەیشتوونەتە رێککەوتن. وتیشی، پارتی لەسەرەتای رێککەوتنەکاندا داوای پۆستە سیادییەکانیان کردووە، بەڵام ئێستا پێداگری لەسەر پۆستی سەرۆک کۆمار دەکەن.

‌وەزارەتی دارایی دەڵێت، ته‌مویلی مووچه‌ی مانگی یەکی مووچەخۆرانی هەرێم خرایه‌سەر ‌ هه‌ژماری بانكی وه‌زاره‌تی دارایی، به‌ڵام دارایی عێراق زیاتر له‌ ٣٦ ملیار دیناری‌ نه‌ناردووه‌.

لە گوندێکی سنووری شەقڵاوە منداڵێکی تەمەن چوار ساڵان بەهۆی تەقینی قوتویەکی سپرا سووتاوە، بە وتەی تەندروستی شەقلاوە، دوای گەیاندنی منداڵەکە بە نەخۆشخانە بەهۆی زۆری رێژەی سووتانەکەی گیانی لەدەستدا.

مەکتەبی سیاسی یەکێتی بۆ تاوتوێکردنی سێ پرس کۆبووەوە، ئەوانیش پرسی سەرۆک کۆمار، پێکهێنانی حکومەتی نوێی هەرێم و کۆبوونەوەکەی سبەینێی مەسعود بارزانی و بافڵ تاڵەبانی بوو.

سەرۆکی یه‌كێتی زانایانی موسوڵمانی جیهان لە روونکردنەوەیەکدا دەڵێت، لەبارەی هەڵوێستی بەرامبەر حزبە خاوەن ئایدیۆلۆژیا عەلمانییە توندەکان، وەک هەسەدە، حیزبی کۆمۆنیست، بەعسی سۆشیالیست و هاوشێوەکانیان، هەڵوێستێکی بنەمایی و فیکرییە، کە سەرچاوەی لە ناکۆکیی بنەما عەقیدی و فەلسەفییەکانی ئەوانەوە گرتووە لەگەڵ مەرجەعیەتی ئیسلامیی مندا، "من لەگەڵیان نیم، بەڵکو دژی ئایدیۆلۆژیاکانیانم".

کەمێک پێش ئێستا لە رووداوێکی دڵتەزێندا منداڵێکی تەمەن شەش ساڵان لە سنووری کفری بە سەربڕدراوی دۆزرایەوە.

سەرۆک وەزیرانی عێراق دەڵێت، گواستنەوەی زیندانیانی داعش لە سووریاوە بۆ ناوخۆی وڵات بڕیارێکی نیشتیمانییە و ئامانج لێی پاراستنی ئاسایشی عێراق، ناوچەکە و جیهانە لە مەترسییەکانی تیرۆر.

پارێزگاری بانکی ناوەندی عێراق دەڵێت، نرخی فەرمی دۆلار لە بانکی ناوەندی جێگیرە و هیچ بڕیارێک بۆ گۆڕینی لە ئارادا نییە و دەشڵێت، هۆکاری بەرزبوونەوەی نرخی دۆلار بۆ بازرگانان دەگەڕێتەوە کە روویان لە بازاڕی رەش کردووە بۆ کڕینی دۆلار.

دەرچووانی پەیمانگای پیرمامی ئەهلی لەبەردەم وەزارەتی خوێندنی باڵا گردبوونەوە و دەڵێن، سەندیکا باجیان بۆ ناکەن تا بتوانن کاری پێبکەن.

ئەندامێکی كۆمیتەی ناوەندی پارتی دەڵێت، سبەینێ‌ مەسعود بارزانی و بافڵ تاڵەبانی لەبارەی پۆستی سەرۆك كۆمار كۆدەبنەوە، پێدەچێت پرسی پێکهێنانی حکومەتی هەرێمیش تاوتوێبکرێت.

پەیامنێری ئێن ئاڕ تی رایگەیاند، پارەی مووچەی مانگی یەک گەیشتە لقی هەولێری بانكی ناوەندی و دەخرێتە سەر هەژماری هەرێمی كوردستان، چاوگێکیش لە دارایی هەرێم بە ئێن ئاڕ تی وت، بڕی پارەکە ٩٣١ ملیار دینارە.

شەپۆلێکی بارانبارینی بەخوڕ ئیسپانیا و پورتوگال و مەغریبی گرتووەتەوە و لە شاری گرازەلێما لە ئیسپانیا لە ماوەی ٢٠ رۆژدا دوو هەزار و ٤٥٠ ملیم باران باریوە، نزیکەی ٢٠ کەسیش لە هەر سێ وڵاتەکە گیانیان لەدەستداوە.

سەرۆکی حکومەتی ماوەبەسەرچوو دەڵێت، دەیانەوێت بە زووترین کات حکومەت پێکبهێنرێت بە لەبەرچاوگرتنی ئەنجامەکانی هەڵبژاردن بۆ پێکهێنانی حکومەتێکی یەکگرتوو لە هەرێمدا.

پۆلیسی هەڵەبجە دەڵێت، گرتە ڤیدیۆییەک لە تۆڕە کۆمەڵایەتییەکان بڵاوبووەتەوە کە تیایدا بڕە پارەیەک لە نزیک ئامێرەکانی ئەی تی ئێم با دەیبات. رووداوەکە لە کاتێکدا بووە یەکێک لە تیمەکان سەرقاڵی پارەدانان بوون و سەری یەکێک لەو بۆکسانە لاچووە کە پارەکەی تێدابووە، هیچ کێشەیەکی تەکنیکی نەبووە.

سەركردەیەكی دەوڵەتی یاسا دەڵێت، ئەگەر ئاڕاستەكانی دانوستان پەكیكەوت، ئێمە پێشنیازیی بەردەوامیی حکومەت دەکەین لەپێناو ئەوەی بەرژەوەندییەکانی خەڵک پەکی نەکەوێت.

بەهای زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا زەردە بە پێنج هەزار و ٣٧ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ١٢٠ هەزار دینارە.

کەشناسی دەڵێت، ئه‌مڕۆ و سبەینێ لە ‌ پارێزگا و ناحیه‌كان باران و لێزمەباران ده‌بارێت و هەورەبروسکەشی لەگەڵ دەبێت، له‌ ناوچه‌ شاخاوییه‌كانیش به‌فر ده‌بارێت.

بڕیارە ئەمڕۆ مەکتەبی سیاسیی یەکێتی بۆ تاوتوێکردنی سێ پرس کۆببێتەوە، ئەوانیش پرسی سەرۆک کۆمار، پێکهێنانی حکومەتی نوێی هەرێم و کۆبوونەوەکەی سبەینێی مەسعود بارزانی و بافڵ تاڵەبانییە.

وەزارەتی دارایی و ئابووری حکومەتی ماوە بەسەرچوو دەڵێت، لە ئێستادا سەرجەم رێکارە ئیداری و ژمێریاریەکان لە فەرمانگەی ژمێریاری وەزارەتی دارایی حکومەتی فیدراڵ تەواو کراون و چاوەڕێی گەیشتنی تەمویلەکەن.

نرخی نەوت لە بازاڕەکانی جیهاندا دابەزی و نرخی بەرمیلێک نەوتی خاوی برێنت بە ٦٩ دۆلار و ٥ سەنت مامەڵەی پێوە دەکرێت.

پەرلەمانی عێراق سبەینێ لەسەر چەند بڕگەیەک کۆدەبێتەوە و گرنگترینیان پرسی زیندانییە گوازراوەکانی داعش لە سوریاوە بۆ عێراق کە تاوتوێ دەکرێت.

دوێنێ بەهۆی بوونی کێشەیەک لە ئامێرێکی ئەی تی ئێمی سەر بە هەژماری من لە هەڵەبجە، ئامێرەکە نزیکەی ١٠٠ ملیۆن دیناری فڕێداوەتە دەرەوە و بەپێی زانیارییەکان رووداوەکە بەهۆی چالاککردنی کارتێکی مووچەوەرگرتن بووە.

بەهۆی رێگریکردن و زیادکردنی باجی گومرگی، کاسبکارانی مەخموور گردبوونەوە و لە دوێنێوە رێگای هەولێر - مەخمووریان داخستووە، بەڕێوەبەری گومرگی هەرێمیش دەڵێت، ئاگاداری ئەو خاڵە گومرگییە نین کە عێراق دایناوە.

هاوپەیمانیی نێودەوڵەتیی دژ بە داعش دەڵێت، قوربانییەکانی هەسەدە لە شەڕی دژی داعش بەرز دەنرخێنن و گرنگترین کاریان گواستنەوەی خێرای زیندانییەکانی داعشە.

شارەزایەکی بواری کەشناسی رایگەیاند، شەپۆلێکی دیکەی بارانبارین سەرجەم ناوچە جیاوازەکانی هەرێمی کوردستان دەگرێتەوە. دەشڵێت، "لە هەندێک لە ناوچەش خێرایی با بەرز دەبێتەوە بۆ سەروو ٥٠ کیلۆمەتر لە کاتژمێرێکدا".

وەزارەتی کشتوکاڵی عێراق دەڵێت، بەمەبەستی دڵنیابوون لە پاراستنی بەرهەمی ناوخۆیی و رێگریکردنە لە یاریكردن بە نرخەكان، قەدەغەکردنی هاوردەکردنی ١٦ بەرهەمی کشتوکاڵیمان لە هەرێمی کوردستانەوە راگەیاند.

دەستەی داکۆكیکردن لە سروشت و موڵکی سلێمانی رایگه‌یاند، لەسەر سەرپێچییەکانی بناری گۆیژە، دادگای لێکۆڵینەوەی دەستەی دەستپاکی سلێمانی بەدواداچوونی دەستپێکرد.

شانەی راگەیاندنی ئەمنی عێراق دەڵێت، بەهۆی کەوتنەوەی ئاگرێک لە پاڵاوگەی بێجی، کرێکارێک گیانی لەدەستداوە و چەند کەسێکی تریش بەهۆی دووکەڵەوە تووشی تەنگەنەفەسی بوون.

فه‌رمانده‌ی گشتی هێزه‌كانی سوریای دیموكرات دەڵێت، دامه‌زراوه‌كانی ئیداره‌ی خۆسه‌ر به‌رده‌وام ده‌بن له‌ كاره‌كانیان و له‌گه‌ڵ دامه‌زراوه‌كانی ده‌وڵه‌ت یه‌كده‌خرێن. ده‌شڵێت، "ده‌روازه‌ی سێمێلكا وه‌ك خۆی ده‌مێنێته‌وه‌ و نووسینگه‌یه‌كی حكومه‌تی كاتی سوریای‌ لێده‌كرێته‌وه‌".

لە رووداوێکی هاتووچۆدا لەسەر رێگای ئەنبار بۆ شەرگات کەسێک گیانی لەدەستدا و بەپێی زانیارییەکان ئەو کەسەی گیانی لەدەستداوە پیاوێکی تەمەن ٤٩ ساڵانە و دانیشتووی ناحیەی کەڵەکچییە.

کۆمسیۆنی هەڵبژاردنەکان دەڵێت، پارەی کارمەندانی سەر سندوق خراوەتە سەر کارتەکانی ماستەرکارد و سبەی سێشەممە کارمەندانی کۆمسیۆن لە پارێزگاکانی دهۆک، بەسڕە، میسان دەتوانن لە رێگەی ٤١ بنکەی تۆمارکردنەوە پارەکان وەربگرن.

وەزارەتی کارەبا جارێکی تر روونکردنەوەی سەبارەت بە زیادبوونی نرخی کارەبا بڵاوکردەوە و دەڵێت، هیچ گۆڕانکارییەک لە نرخەکانی کارەبا نەکراوە و دوایین پارەدانی پسووڵەکان رەنگدانەوەی خولێکی درێژترە کە بە تێکڕا ٤٦ رۆژە.

لە رووداوێکی هاتووچۆدا لە گەرمیان ماتۆڕسوارێک گیانی لەدەستدا و هاتووچۆی گەرمیانیش دەڵێت، ئەو کەسەی گیانی لەدەستداوە گەنجێکی ٢٦ ساڵانەوە و تەرمەکی رەوانی پزیشکی داد کراوە.

نوری مالیکی لەگەڵ جێگری یاریدەدەری وەزیری دەرەوەی پێشووی ئەمریکا کۆبووەوەو دەڵێت، عێراق و ئەمریکا پەیوەندییەکی توندوتۆڵیان هەیە و ئامادەن پارێزگاری لە پەیوەندیی و بەرژەوەندییەکانیان لەگەڵ ئەمریکا بکەن.

کەمێک پێش ئێستا لە ئاکرێ بە دەستڕێژی گولە هاوڵاتییەکی تەمەن ٧٠ ساڵان کوژرا و بە وتەی پۆلیس، "کەسی تۆمەتبار دوای رووداوەکە هەڵاتووە و تا ئێستا دەستگیر نەکراوە".

بەرپرسێكی بانكەكانی وەزارەتی دارایی دەڵێت، هەر خانەشینێك خۆی لەکاتی مووچە وەرگرتن ئامادەنەبێت، مووچەی مانگی یەکی پێنادرێت. دەشڵێت، "ئەوانەشی لەدەرەوەی وڵاتن دەبێت بەڵگەژیانی خانەنشین (بەرحەیات)ی بهێنێت، ئەگەرنا مووچەی ئەوانیش خەرج ناكرێت".

حکومەتی ماوەبەسەرچوو دەڵێت، حکومەتی فیدڕاڵ بودجە و مووچەی فەرمانبەرانی هەرێمی بەستووەتەوە بە ئاستی جێبەجێکردنی پڕۆژەکان لە پارێزگاکانی ناوەڕاست و باشوور و ئەوەش سزایەکی دارایی بەکۆمەڵە.

سەرۆک وەزیرانی عێراق لەگەڵ سەرۆک کۆمار دەربارەی دۆخی عێراق كۆبوونەوە و جەختییان لە گرنگی جێبەجێکردنی شایستە دەستوورییەکان کردەوە.

تەندروستی سلێمانی ئاماری مانگی رابردووی نەخۆشخانەی شاری بڵاوکردەوە و دەڵێت، ٢٤ هەزار و ٤٣٠ نەخۆش سەردانیان كردووە ، لەو ژمارەیە ١٧ هەزار و ٧٥٤ نەخۆش سەردانی بەشی فریاكەوتن و پێنج هەزار و ٧٠٢ نەخۆش سەردانی بەشی ئۆپی دی و ٩١٨ نەخۆش سەردانی بەشی گورچیلەی دەستكردیان كردوە و چارەسەری پێویستیان بۆ كراوە.

سەرۆكی فراكسیۆنی پارتی لە پەرلەمانی عێراق دەڵێت، پارتی و یەكێتی لەسەر پۆستی سەرۆك كۆمار نەگەیشتونەتە رێككەوتن، بەڵام كۆدەبنەوە.

وەزارەتی بازرگانی عێراق ئەو هەواڵانە رەتدەکاتەوە، کە باس لەوە دەکەن بەشەخۆراکی ئەو کەسانە دەبڕدرێت کە مانگانە زیاتر لە یەک ملیۆن دینار داهاتیان هەیە.

سەرۆکی فراکسیۆنی یەکێتیی لە بەغدا دەڵێت، رۆژی چوارشەممە پارتی و یەكێتی لەبارەی پۆستی سەرۆک كۆمار كۆدەبنەوە.

بڕیارە لە ماوەکانی داهاتوودا، شاندی دانوستانکاری هاوبەشی کورد لە ڕۆژئاوای کوردستان سەردانی دیمەشق بکات و لەگەڵ دەسەڵاتدارانی نوێی سووریا لەبارەی گەرەنتی بەدەستووریکردنی مافەکانی کورد کۆببێتەوە.

چاوگێکی وەزارەتی دارایی عێراق بە ئێن ئاڕ تی راگەیاند، دەستیانکرد بە ناردنی مووچەی مانگی یەکی مووچەخۆران بۆ هەرێم.

کەشناسی دەڵێت، ئەمڕۆ ئاسمان نیمچە هەور و هەوری تەواو دەبێت لەگەل دابارینی نمە باران لەناوچە شاخاوییەکان وە هەروەها بەفربارینێکی کەم لەناوچە سنووریەکانی باکووری خۆرهەڵات دەبێت و سبەینێش، رێژەی دابارین لە ناوچە شاخاوییەکان زیاتر دەبێت.

هەموو رێکارەکانی ناردنی مووچەی هەرێم تەواو بووە و تەنها واژۆیەکی تەیف سامی ماوە، چاوەڕێش دەکرێت سبەینێ تەمویل کردنی مووچە دەستپێبکات و پارە بنێردرێت، چاوگێکیش لە دارایی هەرێم بە ئێن ئاڕ تی وت، ئامادەکاریی تەواویانکردووە هەرکاتێک پارە نێردرا، دەستبەجێ لیستی مووچە رادەگەیەنن و بە ماوەی سێ رۆژ سەرجەم مووچەخۆران مووچە وەردەگرن.

کۆمپانیای بەکارخەری وێستگەی ئەتۆمی دەڵێت، ئەمڕۆ گەورەترین وێستگەی ئەتۆمیی جیهان کە دەکەوێتە ناوەڕاستی رۆژئاوای ژاپۆن، دەستی بەکار کردەوە.

ئەنجوومەنی جیهانیی زێڕ دەڵێت، هێشتا زێڕ بە باشترین و متمانەپێکراوترین پەناگەی سەلامەت دادەنرێت بۆ یەدەگی دارایی وڵاتان.

بڕیارە ئەمڕۆ پەرلەمانی عێراق کۆببێتەوە و یەکێک لە بڕگەکانی کۆبوونەوەکە دەنگدانە لەسەر لیژنە هەمیشەییەکان.

فەرمانگەی ئاوی قەڵادزێ دەڵێت، بەهۆی لێڵی ئاوی زێی بچووک، پڕۆژەی ئاوی خاس راگیراوە و هاوڵاتییان ئاگادار دەکات ئاو بەفیڕۆنەدەن بۆ ئەوەی بێ ئاو نەبن.

روانگەی سوری دەڵێت، لە رۆژئاوا زیاتر لە ٢٠٠ هەزار قوتابی بەهۆی ئاوارەبوونەوە لە مافی خوێندن بێبەش بوون.

چالاکوانان ئاماژەیان بە چیرۆکێکی سەرنجراکێش کردووە، کە باس لە پیاوێک دەکات کە بۆ ماوەی ساڵانێکی زۆرە کە بووە بە خوویەکی بەردەوام بۆی کە هەموو ڕۆژێک کوپێک قاوە بۆ گۆڕی هاوسەرە کۆچکردووەکەی دەبات و دەیخاتە تەنیشت گۆڕەکەیەوە، وەک ئەوەی مردن نەیتوانیبێت پەیوەندییەکانی نێوانیان بپچڕێنێت.

بەهای زێڕ لە بازاڕەکانی جیهاندا بەرزبووە و ئەمڕۆ یەک ئۆنسە لەو کانزا زەردە بە پێنج هەزار و ٣١ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ١١٣ هەزار دینارە.

نرخی نەوت لە بازاڕەکانی جیهاندا دابەزی و نرخی بەرمیلێک نەوتی خاوی برێنت بە ٦٧ دۆلار و ٣٩ سەنت مامەڵەی پێوە دەکرێت هۆکارەکەشی، بۆ دانوستانەکانی نێوان ئەمریکا و ئێران دەگەڕێتەوە.

ترەمپ دەڵێت، ئێران دەست بە پرۆگرامە ئەتۆمییەکەی بکاتەوە، هێرش دەکەنەوە سەری و ئاشتییان لە رۆژهەڵاتی ناوەڕاست دەوێت، هەروەها هێرشکردنە سەر بنکە ئەتۆمییەکانی ئێران بۆ ئاشتی رۆژهەڵاتی ناوەڕاست پێویست بوو.

وەزارەتى بەرگریى عێراق دەڵێت، بۆ رووبەڕووبوونەوەى ئاڵنگارییە ئاسمانییەکان خاوەنی سیستمی ئاگادارکردنەوەی پێشوەختەن، دەشڵێت، کار بۆ پەرەپێدانی ژیریی دەستکرد دەکەن.

کەمێک پێش ئێستا گەنجێکی کورد لە خورماتوو لەلایەن هاوڕێیەکی خۆیەوە بە چەقۆ کوژرا و بە وتەی پۆلیس "بکوژەکە پێشتر پێشینەی تاوانی هەبووە و ئێستا دەستگیر کراوە".

هاوپەیمانی بەڕێوەبردنی دەوڵەت کۆبوونەوە و سەرۆک وەزیرانی عێراقیش دەڵێت، لە کۆبوونەوەکەدا کۆمەڵێک پرسی ستراتیژی لەسەر ئاستی ناوخۆیی و ناوچەیی و نێودەوڵەتی تاوتوێ کراون. بەڵام باسی هەڵبژاردنی سەرۆک کۆمار و کاندیدی سەرۆک وەزیران نەکراوە.

کەشناسی رایگەیاند، بارانبارین بەردەوام دەبێت و لە ناوچەشاخاوییەکانیش بەفردەبارێت و پلەکانی گەرماش بەرەو بەرزبوونەوە دەچن.

وەزارەتی کارەبا لە روونکردنەوەیەکدا دەڵێت، نرخی کارەبا هەمان نرخە و گۆڕانکاری بەسەردانەهاتووە و لە مانگی یەک بەهۆی شەپۆلی سەرما و دابەزینی پلەکانی گەرما، هاوڵاتییان زیاتر کارەبایان بەکارهێناوە بۆیە کرێی کارەبای زیاتریان بۆ هاتووەتەوە.

سەرۆکی پەرلەمانی عێراق، داوا لە حکومەت دەکات، کارکردن بە زیادکردنی باجی گومرگی نوێ بۆ ماوەی ٩٠ رۆژ رابگرێت بە مەبەستی پێداچوونەوە.

بافڵ تاڵەبانی و محەمەد حەلبوسی کۆبوونەوە و لەبارەی پێشهاتەکانی دۆخی سیاسی و پرسی هەڵبژاردنی سەرۆکی کۆمار گفتوگۆیان کرد.

مەسعود بارزانی و نێردەی ئەمریکا بۆ سوریا لە پەیوەندییەکی تەلەفۆنیدا جەختیان کردەوە لە پێویستی بەردەوامی گرتنەبەری هەموو هەنگاوێك بۆ ئەوەی رێگە لە پشێوی و ئاڵۆزی و شەڕ بگیرێت و ئاشتی و سەقامگیری لە ناوچەکە جێگیر ببێت.

ئەنجوومەنی باڵای دادوەریی عێراق دەستپێکردنی پڕۆسەیەکی فراوانی لێکۆڵینەوەی لەگەڵ هەزاران زیندانی داعش راگەیاند کە لە سووریاوە گواستراونەتەوە بۆ عێراق.

حکومەتی ماوەبەسەرچوو لەو بڕیارەی دابووی کە تایبەتبوو بە زیادکردنی تێچووی نوێکردنەوەی پشکنینی ساڵانەی ئۆتۆمبێل لە ژێر فشاردا کشاندیەوە.

تیمی پارێزەرانی ئێن ئاڕ تی دوای داخستنی نوسینگەی کەناڵەکە لە شارەکانی هەولێر و دهۆک، بەدواداچوونیان کرد و دەڵێن، بڕیاری داخستنی نوسینگەکان نایاسایی بووە و هیچ سکاڵایەک نەکراوە پێش داخستنی نوسینگەکان.

وه‌زاره‌تی بازرگانی عێراق دڵنیایی دایە هاوڵاتیانن کە حکومەت بە هیچ شێوەیەک رێگە بە بەرزبوونەوەی نرخەکان نادات و لە بەرامبەر قۆرخکاریی بازاڕدا دەوەستێتەوە.

كۆمپانیای PVI بۆ پشكنینی هه‌ززه‌ی ساڵانه‌ی ئۆتۆمبێل، بڕیارێكی نوێی بۆ سه‌رجه‌م شۆفێران و خاوه‌ن ئۆتۆمبێله‌كان له‌ هه‌رێمی كوردستان ده‌ركرد و به‌پێی بڕیاره‌كه‌ش، سیستمێكی نوێ بۆ وه‌رگرتنی كرێ و سزای دواكه‌وتنی پشكنینی ته‌كنیكی په‌یڕه‌و ده‌كرێت.

چاوگێک لە دارایی هەرێم بە ئێن ئاڕ تی وت، "هەموو ئامادەکارییەکمان کردووە، لەگەڵ گەیشتنی پارە دەستبەجێ لیستی مووچە بڵاودەکەینەوە و لەماوەی سێ رۆژدا مووچەی سەرجەم وەزارەتەکان دابەشدەکەین". پێشتریش تەیف سامی بە ئێن ئاڕ تی راگەیاندبوو، سەرەتایی ئەم هەفتەیە تەواوی مووچەی مووچەخۆرانی هەرێم بۆ مانگی یەک دەنێرن.

بەڕێوەبەرایەتیی هاتووچۆی هەولێر شۆفێران سەبارەت بە دانانی رووناکی تاکسی ئاگاداردەکاتەوە و دەڵێت، دەبێت هەموو شۆفێرێک هێمای تاکسی لەسەر ئۆتۆمبێلەکەی هەبێت.

بڕیارە ئۆتۆمبێلە بێ سەرەتاكان لە سلێمانی كۆدی ئەمنییان پێ بدرێت، هەر كەسێكیش فۆرمی تۆماری نەبێت، ئۆتۆمبێلەكەی دەستی بەسەردا دەگیرێت، پرۆسەكەش سەرەتا لە كارمەندانی هێزە تەناهییەكانەوە دەستپێ دەكات.

سەرکردەیەک لە هاوپەیمانێیەتیەکی سودانی دەڵێت، سودانی لە کاندیدی بۆ پۆستی سەرۆک وەزیران نەکشاوەتەوە بەڵکو سازشی لەسەر کردووە و وتیشی، هەندێک لایەن لەگەڵ کاندیدکردنەوەی سودانین بۆ پۆستەکە.

پڕۆژەی رووناکی جارێکی تر فێڵی لە هاوڵاتییان کردەوە و چاوگێک لە وەزارەتی کارەبای هەرێم بە ئێن ئاڕ تی وت، حکومەت هەژمارکردنی کارەبای لەسەر هاوڵاتییان لە مانگانەوە کردووە بە رۆژانە و بۆ هەر رۆژێکیش ١٣ یەکەی بۆ دیاریکردووە.

پەرلەمانتارێکی کۆمەڵ دەڵێت، لە کۆبوونەوەیەکدا لەگەڵ تەیف سامی پێی راگەیاندین، له‌ دوو رۆژی داهاتوو‌دا وردبینی تەواو دەبێت و مووچەی ساڵی داهاتوو کێشەی نابێت لە هەموو عێراق بە هەرێمی کوردستانیشەوە.

حکومەتی عێراق دەڵێت، ئۆتۆمبێلی ژمارە کاتی کوردستان لەناو شارەکانی عێراق قەدەغە دەکرێت و بڕیارەکە پەیوەندیی راستەوخۆی بە هەرێمی کوردستانەوە هەیە.

کەشناسیی هەرێم رێژەی بارانبارینی ٢٤ کاتژمێری بڵاوکردەوە و زۆرترین باران لە ناوچەی دینارتەی سەر بە پارێزگای دهۆک باریوە کە ٨٦.٧ ملیم بووە، لە هەندێک شوێنیش بڕی بارانبارین هەزار ملیمی تێپەڕاند.

بەڕێوەبەری گشتیی بەنداوەکانی هەرێم دەڵێت، شەپۆلەکانی بارانبارینی ئەمساڵ، ئاسایشی ئاوی هەرێمی کوردستانیان بۆ قۆناغێکی دڵنیایی بەرز گواستووەتەوە و بەراورد بە ساڵی رابردوو ئاستی گلدانەوەی ئاو لە هەندێک ناوچەدا بە رێژەی ٢٠٠٪ زیادی کردووە.

ئێوارەی ئەمڕۆ هاوپەیمانی بەڕێوەبردنی دەوڵەت سەبارەت بە کاندیدانی سەرۆک کۆمار و سەرۆک وەزیران کۆدەبێتەوە و میدیاکانی پارتیش دەڵێن، نێچیرڤان بارزانی پاشگەزبووەتەوە لە بەشداریکردن لە کۆبوونەوەکەدا.

کەشناسی دەڵێت، ئاسمانی هەرێم بە گشتی بەردەوام هەور دەبێت و کاریگەری ئەو شەپۆلە باران بارینەی رووی لە ناوچەکە کردووە بەردەوامی دەبێت و بەفرێکی کەمیش لەسەر لوتکەی شاخەکان و ناوچە سنوورییەکان دەبارێت، سبەینێش کاریگەری شەپۆڵی بارانبارین لەسەر ناوچەکان زیاد دەکات.

سەرۆک کۆماری ئێران دەڵێت، گفتوگۆکانی نێوان ئەمریکا و ئێران کە لە عومان ئەنجامدران هەنگاوێک بوون بەرەو چوونە پێشەوەی پەیوەندیەکان.

راوێژکارێکی سودانی دەڵێت، پلانیان هەیە لە داهاتوودا رێژەی پشتبەستن بە دەرمانی بەرهەمهێنراوی ناوخۆ بۆ ٪٥٠ بەرزبکەنەوە.

هاوپەیمانی دەوڵەتی یاسا دەڵێت، نوری مالیکی نەکشاوەتەوە لە کاندیدبوون و تاوەکو ئێستا تاکە کاندیدی لایەنە شیعیەکانە بۆ پۆستی سەرۆک وەزیرانی داهاتووی عێراق.

بریکاری پێشووی وەزارەتی دارایی عێراق دەڵێت، لەم هەفتەیەدا مووچەی مانگی یەک خەرجدەکرێت.

سەرۆکی حکومەتی ماوەبەسەرچوو دەڵێت، لەسەر بنەمای ئەو لۆژیکەی کە لایەنی شیعە و لایەنی سونە پەیڕەوی دەکەن، کە تیایدا زۆرینەی براوەی هەر پێکهاتەیەک بەرپرسیارە لە کاندیدکردنی نوێنەری خۆی، پێویستە ئەمە بۆ کوردیش راست بێت.

نرخی نەوت لە بازاڕەکانی جیهاندا دابەزی و نرخی بەرمیلێک نەوتی خاوی برێنت بە ٦٨ دۆلار و ٥ سەنت مامەڵەی پێوە دەکرێت.

پەرلەمانی عێراق لە دوای ٢٠٠٥ـەوە بۆ یەكەمجار كارنامەی دانیشتنەكانی بە زمانی كوردی بڵاودەكاتەوە.

ئەندازیارێکی ئیتاڵی لە توێژینەوەیەکی نوێدا ئاشکرا دەکات کە رەنگە هەرەمی گەورەی جیزە زۆر کۆنتر بێت لەوەی پێشتر پێشبینی دەکرا.

خۆبەڕێوەبەریی دیموکراتی کانتۆنی فورات داوا دەکات، سەرەڕای بەڵێنەکانی نوێنەرانی حکومەتی کاتی لە کۆبونەوەی حەلەبدا بۆ هەڵگرتنی گەمارۆكانی سەر شارەكە، بەڵام تاكو ئێستا هیچ هەنگاوێکی کرداری نەنراوە و گەمارۆكان بەردەوامە. هەروەها جەخت لە پابەندبون بە ڕێککەوتنەکە و جێبەجێکردنی دەكەنەوە و ئامادەیی دەردەبڕن بۆ جێبەجێكردنی ئەو بەرپرسیارێتییەی كە دەكەوێتە ئەستۆیان.

رۆژی دووشەممە، ٩ـی شوبات پەرلەمانی عێراق کۆدەبێتەوە و پرۆسەی دەنگدان بۆ هەڵبژاردنی لیژنە هەمیشەییەکانی ئەنجومەنەکە بەڕێوەدەچێت.

پزیشکیک لە ئاکرێ لەکاتی ئەرکی خۆیدا بەچەقۆ هێرشکرایە سەری و بریندار کرا، تۆمەتبارەکەش لە لایەن پۆلیسەوە دەستگیرکراوە.

پارێزگای هەولێر دەڵێت، سەرەتای مانگی داھاتوو وردبینی لە ناوی فەرمانبەرانی گرێبەست دەستپێدەکات بۆ ئەوەی رەوانەی ئەنجوومەنی وەزیران بکرێت بۆ پێدانی زەوی. دەشڵێت، مەرجی پێدانی زەوی بە فەرمانبەرانی گرێبەست ئەوەیە هەشت ساڵ خزمەتیان هەبێت و پێشتر زەوییان وەرنەگرتبێت.

دوای بڵاوبوونەوەی هەواڵی گیان لەدەستدانی کەسێک بەهۆی ژەهراوی بوونەوە، چاوگێک لە نەخۆشخانەی شار بە ئێن ئاڕ تی وت، ئەو کەسە بەهۆی قارچکەوە نەمردووە بەڵکو بەهۆی کاریگەریی سۆپای غازەوە مردووە.

ئەندامێکی مەکتەبی سیاسی یەکێتی دەڵێت، یەکێتی و پارتی لەسەر ئاستی باڵا کۆبوونەوە لەسەر یەکلایکردنەوەی کاندیدی پۆستی سەرۆک کۆمار و پێکهێنانی حکومەتی هەرێم بەڵام نەگەشتوونەتە رێککەوتن.

لە رووداوێکی دڵتەزێندا لە هەولێر دوو کرێکار لە کارگەیەکی دروستکردنی ئیزوگام لەکاتی پاککردنەوەی تەنکییەکی قیر کەوتنە ناو تەنکییە قیرەکەوە و بەهۆی نەمانی ئۆکسجینەوە خنکان.

بەڕێوەبەری گشتیی بازرگانی لە وەزارەتی بازرگانی وتی، "دەستمان کردووە بە وەرگرتنی گەنم لە سایلۆکان و لەم هەفتەیەدا بەشی یەکەمی ئارد بۆ ساڵی ٢٠٢٦، دابەش دەکرێت".

لەبارەی پرسی هەڵبژاردنی سەرۆک کۆمار و کاندیدی سەرۆک وەزیرانەوە بریارە سبەینێ کۆبوونەوەی هاوپەیمانی بەڕێوەبەردنی دەوڵەت بەرێوەبچێت و چاوەروان دەکرێت پارتی و یەکێتیش بەشداری تێدا بکەن.

له‌كاردانه‌وه‌ به‌رامبه‌ر داخستنی‌ رێگای‌ گونده‌كانیان له‌لایه‌ن سوپای‌ عێراقه‌وه‌، دانیشتوانی‌ ژماره‌یه‌ك گوندی‌ شاری‌ كه‌ركوك، گردبوونەوە.

سبەینێ نەوتە هەرزانەکەی عێراق لە سنووری شارەدێی بیارە دابەش دەکرێت کە ١٠٠ لیترە و بە ٣١ هەزار دینار دابەش دەکرێت.

نرخی زێڕ نزیکەی ١٩٠ دۆلار بۆ هەر ئۆنسەیەک بەرزبووەوە و گەیشتە چوار هەزار و ٩٦٦ دۆلار و هەر مسقاڵێکیشی زیاتر لە ١٥ هەزار دیناری چووەسەر، نرخی ئۆنسەیەک زیویش بەراورد بە دوێنێ ١٠٪، بەرزبووەوە و گەیشتە ٧٧ دۆلار.

لە چوارچێوەی رێککەوتنێکی سێقۆڵی نێوان هێزەکانی هاوپەیمانان، سوپای عەرەبی سووریا و هێزەکانی هەسەدە، هێزەکانی ئەمریکا سێیەم کاروانی دەستگیرکراوانی چەکدارانی داعشیان لە زیندانی غوێران لە پارێزگای حەسەکەی سووریاوە، بە رێگەی وشکانی بۆ عێراق گواستەوە.

وتەبێژی دەوڵەتی یاسا دەڵێت، کاندیدکردنی نوری مالیکی مافێکی رەوا و دەستورییە و پێچەوانەکەشی هەردەبێت بەپێی دەستوور بێت نەک بە هەڕەشە و فشار.

وەزیری دەرەوەی ئێران دەڵێت، دانوستانەکان ناڕاستەوخۆبوون و پەیوەستبوون بە پرسی ئەتۆم، پیتاندنی یۆرانیۆم مافی ئێرانە و سفرکردنەوەی لە دەرەوەی دانوستانەکاندایە، خوازیاریشن متمانە لەنێوان تاران و واشنتن دروستببێت لە دانوستانەکاندا.

بڕیارە سبەی دەستبكرێت بە دابەشكردنی یەكەم سەبەتەی خۆراكی ئەمساڵ، سەرجەم پارەی بریكارەكانیش بەشێوەی ئەلیكترۆنی وەردەگیرێت.

کارەبای هه‌رێم رایگه‌یاند، بەهۆی کێشەیەکی تەکنیکی لە هێڵەکانی گواستنەوەی گازی سروشتی بۆ وێستگەکانی کارەبا، گرفتی پچڕانی کارەبا لە بەشێک لە پارێزگاکانی هەولێر، دهۆک و سلێمانی دروستبوو.

سەرۆکی ئەمریکا رایگەیاند، لەگەڵ ئێران تەنها لەبارەی بەرنامەی ئەتۆمییەوە رێکدەکەون و دەشڵێت، هەفتەی داهاتوو جارێکی تر لەگەڵ ئێران کۆدەبینەوە، ئەگەر رێکنەکەون دەرەنجامی قورسی دەبێت.

لە ئیدارەی راپەڕین، کوڕ و کچێکی دووانەی تەمەن شەش ساڵ بە غازی سۆپا گیانیان لەدەستدا.

شارەزایەکی بواری کەشناسی دەڵێت، درەنگانی ئەمشەو شەپۆلێکی بارانبارین روو لە هەرێم دەکات کە هەورە بروسکەی لەگەڵ دەبێت و هەندێک کات تەرزەش دەبارێت، مەترسی روودانی لافاویش هەیە.

شاندێکی وەزارەتی بەرگری دیمەشق گەیشتە حەسەکە بۆ گفتوگۆکردن لەسەر یەکخستنى هێزەکان لە درێژەى رێکارەکانی جێبەجێکردنی رێککەوتن نێوانیان، شاندێکی وەزارەتی بەرگری حکومەتی سوریا گەیشتە حەسەکە بەمەبەستی گفتوگۆکردن لەسەر یەکخستنى هێزەکان.

لەگەڵ کردنەوەی بازاڕەکانی جیهاندا بەهای زێڕ بەرزبووە و یەک ئۆنسە لەو کانزا زەردە بە چوار هەزار و ٩٦٤ دۆلار مامەڵەی پێوە کرا و نرخی یەک مستقاڵ زێڕی عەیارە ٢١یش بە یەک ملیۆن و ٩٢ هەزارە.

وەزیری دەرەوەی ئێران دەڵێت، تۆپەکە لە گۆڕەپانی تاراندایە و چاوەڕێی بڕیارین.

دانوستانی نێوان ئێران و ئەمریکا لە مەسقەتی پایتەختی عوممان بەردەوامە و لە گەڕی یەکەمدا وەزیری دەرەوەی عوممان پلانی وەزیری دەرەوەی ئێران بۆ دانوستانەکەی گەیاندووەتە نوێنەری ئەمریکا و بریارە کەمێکی تر گەڕی دووەمی دانوستانەکە دەستپێبکات.

یەکگرتووی ئیسلامی لە ساڵیادی دامەزراندنی حزبەکەدا دەڵێت، نزیکەى ساڵ و نیوێکە هەڵبژاردنى پەرلەمانى کوردستان ئەنجامدراوە، بەڵام هەردوو لایەنى دەسەڵاتدار نەیانتوانیوە پەرلەمان کارا بکەن و کابینەى نوێى حکومەت پێکبهێنن.

دژی نەبوونی خزمەتگوزاریی دانیشتووانی پرۆژەیەکی نیشتەجێبوون لە سلێمانی گردبوونەوە.

سەرچاوەکانی پۆلیسی پاکستان دەڵێن، ئەمڕۆ تەقینەوەیەک لە مزگەوتی شیعەزهه‌ب لە ئیسلامئابادی پایتەختی پاکستان روویداوە، بەهۆیەوە ٣١ کەس گیانیانلەدەستداوە و ١٦٩ کەسیش برینداربوون.