PM:05:46:11/09/2026
2564 جار خوێندراوەتەوە
وتەبێژی وەزارەتی دەرەوەی ئێران ئاشکرای دەکات، دووشەممەی داهاتوو لە وڵاتی عومان کۆبوونەوەی وڵاتانی کەناراوی کەنداو و دەریای عومان بە بەشداریی ئێران و عێراق بەڕێوەدەچێت، بە ئامانجی تاوتوێکردنی رێڕەوێکی سەلامەت بۆ کەشتیوانیی بازرگانی لە گەرووی هورمزدا.
ئەمڕۆ هەینی ١١ـی ئەیلوولی ٢٠٢٦، ئیسماعیل بەقایی وتەبێژی وەزارەتی دەرەوەی ئێران رایگەیاند، کۆبوونەوەی وڵاتانی کەناراوی کەنداو و دەریای عومان بە ئامادەبوونی ئێران و عێراق و وڵاتانی ناوچەکە بەڕێوەدەچێت، تەوەرەی سەرەکیی گفتوگۆکان تەرخانکراوە بۆ بەهێزکردنی ئاسایشی کەشتیوانی لە گەرووی هورمز و پتەوکردنی هاوکاریی هەرێمایەتی بەدوور لە دەستێوەردانی دەرەکی.
وتەبێژی
وەزارەتی دەرەوەی ئێران زانیاریی زیاتری لەبارەی کۆبوونەوە چاوەڕوانکراوەکەی عومان
خستەڕوو و رایگەیاند، ئامانجی سەرەکیی دیدارەکە گفتوگۆکردن دەبێت لەسەر دەستنیشانکردنی
رێڕەوێکی سەلامەت بۆ هاتووچۆی کەشتیوانیی بازرگانی لە گەرووی هورمزدا.
هاوکات
بەقایی جەختی کردەوە، رێکخستنی ئەم کۆبوونەوەیە هەنگاوێکی گرنگە بۆ پتەوکردنی
متمانە و هاوکاریی نێوان وڵاتانی ناوچەکە بە ئامانجی چەسپاندنی ئاشتی و سەقامگیری،
بەدوور لە دەستێوەردانی تێکدەرانە و دووبەرەکینانەوەی لایەنە دەرەکییەکان، هیواشی
خواست ئەم هەنگاوە ئاستی لێکتێگەیشتن و ئاسایشی هاوبەش بەرز بکاتەوە.
