لە هەولێر منداڵێکی تەمەن چوار رۆژە دۆزرایەوە
وەزیری بەرگری بەریتانیا رایگەیاند، وڵاتەکەی پشتگیری لە ئەندامبوونی ئۆکرانیا لە ناتۆ دەکات. دەشڵێت، "پێدەچێت واقیعی سیاسی پرۆسەکە خاو بکاتەوە".
کۆمپانیای گشتی بۆ بازرگانی دانەوێڵەی سەر بە وەزارەتی بازرگانی عێراق رایگەیاند، کەشتی گلۆرگس بە ٥٢ هەزار و ٤٠ تەن گەنمەوە لە بەندەری مینا لە ئوم قەسر لەنگەری گرتووە.
وەزیری نەوتی عێراق رایگەیاند، بەردەوامن لە گفتوگۆکانیان لەگەڵ تورکیا بۆ دەستپێکردنەوەی هەناردەکردنی نەوتی هەرێمی کوردستان.
وەزیری دەرەوەی ئەمەریکا رایگەیاند، ئاگربەستی شەڕی ئۆکرانیا ئەو کاتە بەدی دێت کە رێککەوتنێکی ئاشتی دادپەروەرانە بێت و کشانەوەی هێزەکانی روسیا لە ئۆکرانیا دەستبەر بکات.
سەرۆکی پێشووی وەبەرهێنانی بەغدا بە تۆمەتی سپی کردنەوەی پارە سزای یەک ساڵ زیندانی کردن و بە زیاتر لە دوو ملیار دینار سزای دارایی بەسەردا سەپێندرا.
چاوگێک لە پۆلیسی هەولێر بە دیجیتاڵ میدیای ئێن ئاڕ تی راگەیاند، لە ناحیەیی رزگاری سەر بە پارێزگای هەولێر منداڵێکی تەمەن چوار رۆژە لە خانوویەکی تەواو نەکراو دۆزراوەتەوە.
کەشناسی عێراق پێشبینی کەشوهەوای بڵاوکردەوە و ئاماژە بە بەرزبوونەوەی پلەکانی گەرما دەکات بۆ سەروو ٤٠پلەی سەدی.
لە ئەنجامی لادانی شەمەندەفەرێک و دەرچوونی لە رێڕەوە ئاسنینەکەی خۆی، پێکدادان لەگەڵ شەمەندەفەرێکی دیکە لە ناوچەی بالاسور لە هەرێمی ئۆدیشا لە هیندستان ٥٠ کەس گیانیان لەدەستدا و ٣٠٠ کەسی دیکە برینداربوون.
راوێژکاری ئاسایشی نەتەوەیی ئەمریکا لە کۆشکی سپی رایگەیاند، وڵاتەکەی ئامادەیە چاوبخشێنێتەوە بە پەیماننامەی "نیوستارت" بۆ سنوردارکردنی چەکی ئەتۆمی بەمەرجێک ئەگەر روسیا پابەندی رێککەوتننامەکەبێت. دەشڵێت، "چین لە ساڵی ٢٠٣٥دا دەبێتە خاوەنی هەزار و ٥٠٠ کڵاوەی ئەتۆمی".
بەگوێرەی زانیارییەکانی پەیامنێری ئێن ئاڕ تی، لە ئەنجامی تەقینەوەی تی ئێن تی پاسەوانێکی سنور لە سنوری قەزای سیدەکان گیانی لەدەستداوە و پاسەوانێکی دیکە بەسەختی بریندار بووە.
رێکخراوی نەتەوەیەکگرتووەکان لە عێراق رایگەیاند، لە رێگەی نوێنەری تایبەتی سکرتێری گشتی نەتەوەیەکگرتووەکانەوە پشتگيريكردنى چالاكانه‌ى حكومه‌تى عێراق و هه‌رێم بۆ كاركردن و به‌شداربوون له گفتوگۆى بنياتنه‌رانه بۆ چاره‌سه‌ركردنى پرسه هه‌ڵپه‌سێردراوه‌كان به‌شێوه‌يه‌ك كه له‌گه‌ڵ ده‌ستوورى عێراقدا گونجاو بێت به‌تايبه‌تيش له‌گه‌ڵ بڕگه‌كانى په‌يوه‌ست به ئاسايش و رێكخستنى بودجه و به‌ڕێوه‌بردنى سه‌رچاوه‌كانى نه‌وت و گازى عێراق دەکەن.
بەگوێرەی زانیارییەکانی پەیامنێری ئێن ئاڕ تی دوو گەنجی بەڕەگەز عەرەب یەکێکیان لە چەمی خەمەڵوکە لە قەزای ماوەت و ئەوی دیکەیان لە چەمی گوندی کونەماسی لە شارباژێر خنکان.
وەزارەتی پلاندانانی عێراق رایگەیاند، لە ساڵی داهاتوودا، ٢٠٢٤دا، سەرژمێری گشتی دانیشتوان ئەنجام دەدەن.
پارێزگاری ئازەربایجانی ئێران و هەولێر رێککەوتن بۆ کردنەوەی دەروازەی حاجی ئۆمەران بە رووی ئەو گەشتیارانەی ئێران کە نیازی بەشداریکردنیان لە رێورەسمی چلەی حوسەینی هەیە.
وتەبێژی پۆلیسی دهۆک بە دیجیتاڵ میدیای ئێن ئاڕ تی راگەیاند، لە گەڕەکی رەزا لە سەنتەری شاری دهۆک ژنێک دوای ئەوەی لەگەڵ مێردەکەی پێشووی دەمەقاڵە لە نێوانیاندا دروست دەبێت، بە چەقۆ مێردەکەی دەکوژێت. دەشڵێت، "لە ئێستادا ژنەکە خۆی رادەستی پۆلیس کردووە".
وەزیری دەرەوەی ئێران رایگەیاند، وڵاتەکەی پەیوەندی بە رێکخراوی شەنگەهای بۆ هەماهەنگی ئابوری و سیاسی دەکات و چەند رێکارێکی تایبەت بەو پرسە گیراوەتە بەر و لە مانگی داهاتوو لەگەڵ سەرۆکایەتی ئێران گفتوگۆی لەسەر دەکرێت.
دەستەی گشتی گومرگی عێراق رایگەیاند، ئاسانکاریی رێکارەکان بۆ حاجییانی عێراق جێبەجێکراوە و سەرجەمیان لەلایەن بەڕێوەبەرایەتی گومرگی رۆژئاوا سەرپەرشتی کراوە. دەشڵێت، ئەمڕۆ نزیکەی هەزار و ٥٠٠ حاجی بە پاس لە عێراقەوە بەرەو سعودییە بەڕێکەوتن.
بەپێی ئەو زانیارییانەی دەست ئێن ئاڕ تی کەوتووە، لە ئێستادا زیاتر لە ٧٠٠ ملیار دینار لە بەردەست حکومەتی کاربەرێکەری هەرێمدایە و دەتوانرێت لە ماوەی ١٠ رۆژدا موچەی ١٦ دەستە و وەزارەت دابەشبکات، بەڵام حکومەت چاوەرێی ئەوە دەکات موچەی مانگی ئایار بە تەواوی لەلایەن بەغداوە دابین بکرێت.
بەڕێوەبەری پۆلیسی ناحیەی لەیلان لە کەرکوک بە ئێن ئاڕ تی راگەیاند، لە رووداوێکی هاتوچۆدا دوو کەس گیانیان لەدەستدا و شەشی دیکە برینداربوون.
بڕیارە سبەی ٣ی حوزەیران، تاقیکردنەوەی نیشتیمانی پۆلی ١٢ی ئامادەیی بە سەرجەم بەشەکانییەوە دەستپێبکات.
رێکخراوی فاو رایگەیاند، پێوەری ئابوری نرخی خۆراکی جیهانی بە رێژەی ٣.٤ خاڵ کەمبووەتەوە و پێشبینی دەکرێت رێژەی بەرهەمی گەنمی ئەمساڵ دوو ملیار تۆنی تێپەڕاندبێت.
بڕیارە، بەم نزیکانە هەردوو سەرۆکی روسیا و ئۆکرانیا، سەردانی تورکیا بکەن و لەگەڵ سەرۆک کۆماری تورکیادا کۆببنەوە، بە مەبەستی جێبەجێکردنى رێککەوتنى ئاسانکارى بۆ بازرگانى دانەوێڵە.
روسیا لە رێگەی مووشەکی کروز و فرۆکەی بێفرۆکەوانەوە هێرشی کردە سەر کیێڤی پایتەختی ئۆکرانیا و سیستەمی بەرگری ئەو وڵاتە توانی ٣٠٠ هێرشی روسیا پووچەڵبکاتەوە.
هاتوچۆی گەرمیان راگەیاند، سەرلەبەیانی ئەمڕۆ بەهۆی رووداوێکی هاتوچۆوە شۆفیری ماتۆرسکیلێک گیانی لەدەستداوە.
یاردەدەری وەزیری دەرەوەی ئەمریکا رایگەیاند، کاتێکی زۆریان بۆ گفتوگۆ لەگەڵ بەرپرسانی هەرێم تەرخانکردووە و لە کۆبوونەوەکان قایلیان کردوون کە کێشەکان چارەسەر بکەن.
هەردوو دادوەرەکەى یەکێتى و پارتى لە دادگاى فیدراڵى عێراق واژۆیان لەسەر بڕیارەکەى دادگا نەکرد سەبارەت بە نایاساییبونى درێژکردنەوەى تەمەنى پەرلەمانى کوردستان.
بانکی رافیدەین هۆشداری دایە هاوڵاتیان کە لەگەڵ هیچ لایەنێکی نەناسراو مامەڵەی حەواڵەی پارە نەکەن چونکە چەند لایەنێک بانگەشەی کردنەوەی هەژماری بانکی رافیدەین دەکەن و ئامانجیان فێڵکردنە لە خەڵک
پۆلیسی گەرمیان رایگەیاند، بەهۆی شەڕی نێوان دوو خانەوادە لەسەر کێشەی کۆمەڵایەتی سێ کەس برینداربوون و بڕیاری دەستگیرکردن بۆ چوار کەس دەرچووە.
بەگوێرەی داتا جیهانییەکان بەهای بەرمیلێک نەوتی خاوی برێنت بە ٧٤ دۆلار و ٧٤ سەنت مامەڵەی پێوەدەکرێت و بەوەش بەراورد بە دوێنێ بەهاکەی دۆلارێک و ٧٥ سەنت بەرزبووەتەوە.
پەیامنێری ئێن ئاڕ تی لە هەولێر ئاماژەی بەوەدا، لە ئەنجامی شەڕی نێوان هێزە ئەمنییەکان و تۆمەتبارێک چوار ئەندامی هێزەکان برینداربوون. هەروەها، بەڕێوەبەرایەتی ئاسایشی هەوڵیر دەڵێت، " لەئەنجامی شەڕە تەقەکە هیچ کارمەندێکیان بریندار نەبووە".