پێگەی ئەکسیۆس دەڵێت، سەرۆکی ئەمریکا لەرێگەی سەرۆکی تورکیاوە هەوڵیانداوە بەرپرسانی ئێران و ئەمریکا کۆبکەنەوە بەڵام هەوڵەکەیان شکستیهێناوە.

رۆژنامەی نیویۆرك تایمز دەڵێت، عەلی خامنەیی، رابەری باڵای ئێران، سێ كەسی وەك جێگرەوەی خۆی دیاری كردووە لە ئەگەری كوژرانی لە شەڕی ئیسرائیلدا.

سەرۆکی روسیا دووپاتیکردەوە کە ئەگەری گەیشتن بە چارەسەرێک بۆ ململانێی نێوان ئێران و ئیسرائیل هەیە و بەردەوام لەگەڵ ئێراندا لە پەیوەندیدان.

سەرۆکی ئەمریکا دەڵێت، سەختە داوا لە ئیسرائیل بکرێت کە هێرشەکانی بۆسەر ئێران رابگرێت و دەشڵێت، ناتوانرێت رێگە بە ئێران بدرێت چەکی ئەتۆمی بەدەست بهێنێت.

ئەمریکا سزای نوێی بەسەر ئێراندا سەپاند، کە رێگە لە ئێران دەگرێت دەستیبگات بە کەرەستەکانی پیشەسازی بەرگری و پێداگرە لەسەر رێگریکردن لە هەر هەوڵێکی ئێران بۆ دەستڕاگەیشتنی بە تەکنەلۆجیا.

دوای کۆتایی هاتنی خولی یەکەمی دانوستانی ئێران و ئەورپا لە جنێف وەزیری دەرەوەی ئێران دەڵێت، ئامادەن بەردەوامبن لە گەڕانەوە بۆ گفتوگۆکان بەمەرجی وەستاندنی هێرشەکانی ئیسرائیل و دەشڵێت، بەرنامەی ئەتۆمی ئێران بۆ ئاشتیە.

نوێنەرانی ئەوروپا دەڵێن، لەگەڵ ئێران گفتوگۆی باشیان کرد و لەسەر دۆسیەی ئەتۆم قسەی جدییان کردووە و هەروەها، وەزیری دەرەوەی ئێرانیش ئامادەیی بەردەوامی بۆ گفتوگۆ دەربڕی.

رۆژنامەی وۆڵ ستریت دەڵێت، ئیسرائیل رۆژانە سەدان ملیۆن دۆلار بۆ ئۆپەراسیۆنە سەربازییەکان دژی ئێران خەرج دەکات و تێچووی یەک مانگ شەڕ لە ئێران دەتوانێت بگاتە نزیکەی ١٢ ملیار دۆلار.

بەڕێوەبەری گشتی ئاژانسی نێودەوڵەتی وزەی ئەتۆم دەڵێت، لە سەرەتای هێرشەکانی ئیسرائیلەوە چاودێری دۆخی دامەزراوە ئەتۆمییەکانی ئێران دەکەن و دەشڵێت، ئەگەر هێرش بكرێتە سەر دامەزراوەی ئەتۆمی بوشێهر دەرئەنجامی کارەساتباری لێدەكەوێتەوە.

وەزیری دەرەوەی ئێران لەگەڵ وەزیری دەرەوەی هەرسێ وڵاتی بەریتانیا و ئەڵمانیا و فەڕەنسا لە جنێف لە کۆبوونەوەدان.

میدیاکانی ئێران دەڵێن، هێرشی موشه‌كی سوپای پاسدارانی ئێران بۆ سه‌ر ئیسرائیل ده‌ستیپێكرده‌وه‌ و له‌ باكوری ئیسرائیل زه‌نگی ئاگاداركردنه‌وه‌ لێدرا و سوپای ئیسرائیلیش وتی، لە ماوەی شەوێکدا دەیان ئامانجیان لە تاران بۆمباران کردووە، بەتایبەتی ئەو ئامانجەی کە بە ناوەندێکی لێکۆڵینەوە و پەرەپێدان بۆ بەرنامەی چەکی ئەتۆمی ئێران دادەنرێن.

لەگەڵ نزیک بوونەوەی خولی شەشەمی دانوستانەکانی ئەمریکا و ئێران کە بڕیارە هەفتەی داهاتوو بەڕێوە بچێت، روسیا پێشنیاری یارمەتیدانی ئاسانکاریی دانوستانەکانی کردووە.

دوای ئەوەی سه‌رۆكی ئه‌مریكا رایگەیاند، خەریکە بێ هیوا دەبێت لە راگەیاندنی ئاگربەست لەنێوان رووسیا و ئۆکرانیا، رۆژنامەیەکی بەریتانی ئاشکرایکرد، تره‌مپ بیر له‌وه‌ ده‌كاته‌وه‌ سزای نوێ به‌سه‌ر ڕوسیادا بسه‌پێنێت.

وەزیری دەرەوەی ئێران رایگەیاند، دانوستان لەگەڵ ئەمریکا ئاڵۆزە و هێشتا نەگەیشتوونەتە قۆناغی رێککەوتن و پێشنیازەكان ئاڵوگۆڕ دەكەن بەڵام ئەگەری پێشکەوتن لە خولی داهاتوودا هەیە.

روسیا و ئۆکرانیا نزیکەی ٤٠٠ سەرباز و هاوڵاتیی مەدەنییان ئاڵوگۆڕ کرد کە لە جەنگی نێوان هەردوو وڵاتدا وەک بارمتە گیرابوون.

خولی پێنجەمی دانوستانە ناڕاستەوخۆكانی ئێران و ئەمریكا لە رۆمای پایتەختی ئیتاڵیا كۆتایهات و بەگوێرەی وتەی وەزیری دەرەوەی عومانیش كە نێوەندگیری دانوستانەكەیە، هەندێك پێشكەوتن هەبوو.

سەرۆکی ئەمریکا لە دوو پۆستی جیاوازدا یەکێتیی ئەوروپا و کۆمپانیای ئەپڵ ئاگاداردەکاتەوە کە دەکەونە بەر سزای پێناسە گومرگییەکانی.

ئێران رەزامەندی نیشاندا بۆ بەشداریكردن لە خولی پێنجەمی دانوستانەكان كە بڕیارە سبەی لە رۆما بەرێوەبچێت.

ئاژانسی رۆیتەرز رایگەیاند، دوو کارمەندی باڵیۆزخانەی ئیسرائیل لە نزیک مۆزەخانەی جوەکان لە واشنتۆن کوژراون و دواتر لەلایەن پۆلیسی ئەمریکاوە تۆمەتبارەکە دەستگیرکرا.

سەرۆکوەزیرانی بەریتانیا، لە گەشتێکدا بۆ ئەلبانیا رایگەیاند، حکومەتەکەی لەگەڵ چەند وڵاتێک سەبارەت بە دامەزراندنی سەنتەرەکانی گەڕاندنەوە بۆ ئەو پەنابەرانەی کە داواکاریی پەنابەرییان لە بەریتانیا رەتکراوەتەوە، گفتوگۆی کردووە.

وەزیری دەرەوەی ئێران لەوەڵامی قسەكانی ئەمڕۆی سەرۆكی ئەمریكا كە وتی، پیشنیاریكی نوێیان لەبارەی گفتوگۆی ئەتۆمیی بە ئێران داوە، دەڵێت، هیچ پێشـنیارێكی ئــەمریـكایـان پێ نەگەیشتووە و دەستبەرداری مافی پیتاندنی یۆرانیۆم نابن.

ئاژانسی رۆیتەرز رایگەیاند، دوای کەمتر لە ٢ کاتژمێر گفتوگۆ راستەوخۆکانی نێوان روسیا و ئۆکرانیا کۆتایی هات و سەرۆکی شاندنی رووسیاش وتی، بڕیارە هەزار سەربازی بەدیلگیراوی ئۆکرانیا بە هەزار سەربازی رووسی بگۆڕدرێنەوە.

وەزیری دەرەوەی ئەمریکا رایگەیاند، واشنتۆن لەبەردەم ساتێکی هەستیار و دیاریکەردایە لەگەڵ تاران، هیواشی خواستوە، رێبەری کۆماری ئیسلامی ئێران رێگای ئاشتی و خۆشگوزەرانی هەڵبژێرێت، نەک رێگەی وێرانکەر.

سەرۆک کۆماری تورکیا و سەرۆکی ئۆکرانیا لە ئەنقەرە کۆبوونەوە بۆ تاوتوێکردنی دوایین پێشهاتەکانی جەنگی سێساڵە و ئەنجامدانی ئاگربەست لەگەڵ رووسیا.

سەرۆکی ئەمریکا رایگەیاند، قەتەر بە بەهای ١٠ ملیار دۆلار وەبەرهێنان لە کەرتی سەربازی ئەمەریکا دەکات، دەشڵێت، فەرمانی دامەزراندنی سیستمی دژە موشەکی گۆڵدن دۆمی واژۆکردوە بۆ پاراستنی ئەمەریکا لە هێرشە موشەکییەکان.

لەکاتی بەڕێوەچوونی کۆڕبەندی وەبەرهێنانی سعودی و ئەمریکی لەریازی پایتەختی سعودییە، سەرۆکی ئەمریکا رایگەیاند، پەیوەندییەکانی نێوان ئەمریکا و سعودییە لە ئاستێکی زۆر باشدایە، لەو چەند مانگەی رابردوو زۆرترین دەستکەوتیان هەبووە، زۆرترین خەڵک لە چەند مانگی رابردوو هاتونەتە ریزی سووپا و چوار هەزار هەلیکاریان رەخساندووە.

دوای دانوستانەکانی سعودییە و ئەمریکا لە ریازی پایتەخت، کە لە کۆشکی یەمامە دەستیپێکرد، شازادەی جێنشینی سعودیە و سەرۆکی ئەمریکا، بەڵگەنامەی هاوبەشی ئابووریی ستراتیژییان واژۆ کرد.

نوێنەری بازرگانی ئەمریکا رایگەیاند، لەبارەی ڕاگرتنی باجی گومرگی سەر کاڵا چینییەکان گەیشتونەتە رێککەوتن، هاوکات، جێگری سەرۆكوەزیرانی (چین)یش دەڵێت، لێكتێگەیشتنی باش لەبارەی بازرگانیی لە نێوانیاندا هەبووە.

ئاژانسی رۆیتەرز رایگەیاند، وەزیری دەرەوەی ئێران وتویەتی، ئێران رەزامەندی دەربڕیوە لەسەر ئەنجامدانی خولی چوارەمی دانوستانە ئەتۆمییەکان لەگەڵ ئەمریکا کە سبەی لە عومان ئەنجام بدرێت و دەشڵێت، دانوستانەکان بەرەو پێشەوە دەچن.

رۆژنامەیەکی تایمز ئۆف ئیندیا بڵاوی کردووەتەوە، بەهۆی هێرشە ئاسمانییەکانی سوپای پاکستانەوە بڕیاری داخستن و راگرتنی گەشتە ئاسمانییەکان لە ٣٢ فڕۆکەخانەی هیندستان درا و تاوەکو ئێوارەی رۆژی ١٥ـی ئەم مانگە بەردەوام دەبێت.

نێردەی تایبەتی سەرۆکی ئەمریکا، هۆشداری دا ئەگەر پێشنیازەکانی ئێران لە بارەی بەرنامەی ئەتۆمی وڵاتەکەی بەهێز نەبوون، ئەوا لە دانوستانەکان دەکشێنەوە.

سەرۆکی ئەمەریکا رایگەیاند، رەنگە رێژەی باج بەسەر چین کەم بکەنەوە بۆ ٨٠٪ و پێویستە چین بازاڕەکانی بە ڕووی ئەمەریکادا بکاتەوە.

ئاژانسی هەواڵی تەسنیمی ئێرانی رایگەیاند، خولی چوارەمی دانوستانەکانی ئێران و ئەمریکا یەکشەممەی داهاتوو لە عومان بەڕێوەدچیت.

ئەمریکا بەنیازە حکومەتێکی کاتی لە غەززە بە سەرۆکایەتی بەرپرسێکی ئەمریکی پێکبهێنێت، بە هاوکاری کەسایەتییە تەکنۆکراتە فەڵەستینییەکان.

دوای هێرشەکەی هەفتەی رابردوو بۆ سەر هاوڵاتیانی مەدەنی کشمیر لە هیندستان، سەرۆک وەزیرانی هیندستان، ئازادی تەواوی بە سەربازەکانی بەخشی بۆ وەڵامدانەوەی هێرشەکە و ئاسمانی خۆی بەڕووی ئەو فڕۆکانەدا داخست کە لە پاکستان تۆمارکراون.

سەرۆکی ئەمریکا دەڵێت، کۆبوونەوەکانیان لەگەڵ ئێران لە دۆخێکی باشدایە و وتیشی نزیکن لە گەیشتن بە رێککەوتنی ئەتۆمی لەگەڵ تاران.

فەرماندەیی ناوەندیی ئەمریکا بڵاویکردەوە، تا ئێستا زیاتر لە ٨٠٠ ئامانجی حوسیەکانى یەمەن پێکاوە و دەشڵێت، ئامانجەکانیش ناوەند و پێگەی سەربازیی بووە.

جێگری فەرماندەی ئۆپەراسیۆنەکانی سوپای روسیا لە مۆسکۆی پایتەخت بە تەقینەوە کوژرا و حکومەتی روسیاش دەڵێت، تەقینەوەکە بە بۆمبی چێندراوی دەستی ئەنجامدراوە.

وتەبێژی وەزارەتی دەرەوەی ئێران، بە رۆژنامەنوسانی راگەیاند، عەباس عێراقچی، وەزیری دەرەوەی ئێران ئێوارەی ئەمڕۆ بە سەرۆکایەتی وەفدێکی دیبلۆماسی و تەکنیکی و پسپۆڕ بەرەو مەسقەت بەڕێدەكەوێت، بۆ ئەنجامدانی دانوستانی ناڕاستەوخۆ لەگەڵ ئەمریکا.

فڕۆکەیەک لە نزیک شارۆچکەیەکی بەناوبانگی کەنار دەریا لە تایلەند کەوتە ناو دەریاوە و بەهۆیەوە پێنج کەس لەناو فڕۆکەکەدا گیانیان لەدەستدا.

پەیوەندییەکانی نێوان هندستان و پاکستان ئاڵۆزییەکانی زیاتر بووە و لە هێرشێکدا بۆ سەر ناوچەی کشمیری هندستان ٢٦ کەس کوژران و هندستانیش پاکستان تۆمەتبار دەکات.

سەرۆکی ئەمریکا دووپاتی کردەوە کە وڵاتەکەی گفتوگۆیەکی زۆر جددی لەگەڵ ئێران ئەنجام دەدات و کارەکان بە باشی بەڕێوەدەچن.

لە بەریتانیا، ژنێک بەناوی لوسی دووگیان بووە، لەوکاتەی تەمەنی منداڵەکەی گەیشتووەتە ١٢ هەفتە، سەردانی نەخۆشخانەی کردووە بۆ پشکنینی ئاسایی منداڵەکەی، لەوێ دکتۆرەکان پێیان وتووە تەندروستی منداڵەکەی زۆر باشە، بەڵام خۆی تووشی شێرپەنجەی هێلکەدان بووە.

گرژییەکانی نێوان پاکستان و هیندستان گەشتوونەتە لوتکە و هەردوو وڵات هاوڵاتی وڵاتی بەرامبەر دەردەکەن.

لێکۆڵینەوەیەکی زانستی دەریخستووە، بەکارهێنانی پلیکانەکان لەبری بەکارهێنانی بەرزکەرەوە، رەنگە یەکێک بێت لە سادەترین رێگاکان بۆ باشترکردنی تەندروستی و درێژکردنەوەی تەمەن.

چین دووپاتی کردەوە کە دەرگای دانوستانە بازرگانییەکان لەگەڵ واشنتۆن "کراوەیە"، ئەمەش رۆژێک دوای ئەوەی دۆناڵد ترەمپ سەرۆکی ئەمەریکا ئاماژەی بە ئەگەری کەمکردنەوەی بەرچاوی ئەو باجانەی کرد کە بەسەر پەکیندا سەپێنراون.

وتەبێژی سەرۆکایەتی روسیا لە چاوپێکەوتنێکدا وتی، "ئەگەر ئۆکرانیا هێزەکانی لە چوار ناوچەی دیاریکراوی دەستوری بکشێنێتەوە، کۆتای بە شەڕ دەهێنین" وتیشی، سەرۆکی روسیا پشتگیری لە ئاگربەست دەکات.

وەزیری دەرەوەی ئەمریکا رایگەیاند، ئێران دەبێت دەستبەرداری پیتاندنی یۆرانیۆم بێت، ئەگەر بیەوێت بگاتە رێککەوتن لە دانوستانەكان لەگەڵ ئیدارەی دۆناڵد ترەمپ، دەبێت خۆی بەدوور بگرێت لە مەترسی شەڕی چەکداری.

وەزیری دەرەوەی ئەمریکا رایگەیاند، سەرۆکی ئەمریکا سوورە لەسەر ئەوەی رێگری لە ئێران بکات لە دەستکەوتنی چەکی ئەتۆمی.

وەزیری گەنجینەی ئەمریکا رایگەیاند، هێشتا سیاسەتی دۆلاری بەهێزیان هەیە و بەپێی بازاڕ دەستکاری دەکرێت.

رۆژنامەی وۆڵ ستریت جێرناڵ ریگەیاند، کۆشکی سپی بیر لە کەمکردنەوەی باجەکان لەسەر کاڵا هاوردەکراوەکانی چین دەکاتەوە بۆ هێورکردنەوەی شەڕی بازرگانی.

وەزیری دەرەوەی ئێران لە بارەی دوایین پێشهاتەکانی دانوستانی نێوان ئەمریکا و ئێران رایگەیاند، هێشتا زووە بۆ بڕیاردان لەسەر دەرئەنجامی دانوستانە ئەتۆمییەکان لەگەڵ ئەمریکا.

رۆژنامەی گاردیانی بەریتانی ئاشکرایکردووە، روسیا رەنگە رۆڵێکی سەرەکی بگێڕێت لە گەیشتن بە رێککەوتن لەسەر بەرنامە ئەتۆمییەکەی ئێران لە دانوستانەکانی لەگەڵ ویلایەتە یەكگرتووەكانی ئەمریکا.

باڵیۆزی چین لە ئەمریکا رایگەیاند، کە رێوشوێنی بەرپەرچدانەوەی یەکلاکەرەوەیان دەبێت لەلایەن دەسەڵاتدارانی وڵاتەکەی ئەگەر بێت و وڵاتانی دیکە باج و شەڕی بازرگانی بسەپێنن.

میدیا جیهانییەکان بڵاویان کردەوە، لە وڵاتی کۆنگۆی دیموکرات کەشتیەکی گەشتیاری سووتا و بەهۆیەوە ١٥٠ کەس گیانیان لەدەستدا و چەندین کەسیش بێسەروشوێن بوون.

وتەبێژی وەزارەتی دەرەوەی ئێران لەگەڵ ویلایەتە یەكگرتووەكانی ئەمریكا رایانگەیاند، ئاشتیی بەردەوام لە دیالۆگی راستگۆیانە لە نێوان گەلان لە دایک دەبێت، نەک سەپاندنی هێز.

حوسییەکان رۆژی رابردوو فڕۆکەیەکی بێفڕۆکەوانی ئەمریکییان لە یەمەن خستەخوارەوە، ئەوەش شەشەمین فڕۆکەی بێفڕۆکەوانیە لە جۆری (MQ-9 Reaper) کە لەلایەن حوسییەکانەوە بخرێتە خوارەوە.

میدیاکانی ئەمریکا بڵاویانکردەوە، ئۆکرانیا بە رێژەی ٩٠٪ رازیبووە بە پێشنیارەکەی ترەمپ بۆ ئاشتی.

ئۆکرانیا سزای بەسەر سێ کۆمپانیای چینیدا سەپاند، ئەوەش دوای رۆژێک لە وتەكانی سەرۆکی ئۆكرانیا كە چینی بە دابینکردنی چەک بۆ رووسیا تۆمەتبار کرد.

سەرۆكی ئەمەریكا رایگەیاند، بۆ كۆتایی هێنان بەجەنگی ئۆكرانیا، هەلێكی دیكەیان لەبەردەستدایە، دەشڵێت، نایەوێت ئێران ببێت بە خاوەنی چەكی ئەتۆمی، بەپێچەوانەوە بۆیان باش نابێت.

زانایانی چینی پێکهاتەیەکی چیمەنتۆ-هایدرۆجیلیان پەرەپێداوە کە دەتوانێت وزە بەرهەم بهێنێت.

وەزیری دەرەوەی روسیا لە کۆنگرەیەکی رۆژنامەوانیدا رایگەیاند، وڵاتەکەی ئامادەیە بۆ نێوەندگیری دانوستانەکانی نێوان ئەمریکا و ئێران و هەموو هەوڵێکیش دەدەن بۆ نزیکبوونەوەی دوو وڵاتەکە.

چین بۆ زیاتر لە ١٠ هەفتە هەموو هاوردەکردنی گازی سروشتی لە ئەمریکاوە رادەگرێت.

شەوی رابردوو ئەمریکا هێرشی کردە سەر یەمەن و بەندەری نەوتی راس عیسای کردە ئامانج، کە ٥٨ کوژراو و نزیکەی ١٢٨ برینداری لێکەوتەوە.

ئیدارەی ترەمپ هەرەشەی رێگری کردن دەکات لە زانکۆی هارڤارد لە وەرگرتنی خوێندکاری بیانی.

نێردەی تایبەتی ترەمپ وتی، بە دوو مەرجی سەرەکی لەگەڵ ئێران رێککەوتن ئەنجامدەدەن. ئێرانیش ناڕەزایەتیی خۆی بۆ مەرجەکانی ئەمریکا دەربڕیوە.

کاربەدەستانی جەزائیر دەرکردنی ١٢ دیبلۆماتکاری باڵیۆزخانەی فەڕەنسایان راگەیاند و داوایان کرد لە ماوەی ٤٨ کاتژمێردا وڵاتەکەیان بەجێبهێڵن لە بەرامبەردا پاریسیش هەڕەشەی تۆڵەسەندنەوە دەکات.

زێلێنسکی بانگهێشتی دۆناڵد ترەمپی کرد بۆ ئۆکرانیا بۆ بینینی ئەو وێرانکارییەی کە ئۆپەراسیۆنە سەربازییەکەی روسیا دروستی کردووە.

چاوەروان دەکرێت دووەمین کۆبوونەوەی شاندی ئەمریکا و ئێران لە سەرەتای هەفتەی داهاتوو لە ئیتاڵیا ئەنجام بدرێت و سەرۆکی ئەمریکاش دەڵێت، بەخێرایی بڕیارێک لەسەر ئێران دەدەن.

ئاژانسی رۆیتەرز رایگەیاند، ئیدارەی سەرۆکی ئەمریکا دەیەوێت لە ماوەی ٩٠ رۆژدا ٩٠ رێککەوتنی بازرگانی ئەنجام بدات، بەڵام تەحەدایی چارەسەرکردنی خێرای شەڕی بازرگانی سەرۆکی ئەمریکا لە ئێستاوە دیارە.

نەعنا بە بەها خۆراکییە دەوڵەمەندەکەی جیا دەکرێتەوە، چەندین کاریگەری ئەرێنی لەسەر جەستە دروست دەکات.

نەتەوە یەکگرتووەکان بەهۆی کەمی داراییەوە زیاد لە دوو هەزار کارمەند لە نزیکەی ٦١ ولاتەوە کەم دەکاتەوە.

چین بەرپەرچی ئەمریکا دەداتەوە بە زیادکردنی باج بۆ ١٢٥٪ ، وەزارەتی چین رایگەیاندووە، کە رێوشوێنی بەرپەرچدانەوەی یەکلاکەرەوەی گرتووەتەبەر بۆ پاراستنی ماف و بەرژەوەندییەکانی چین.

ئەمریکا بەردەوامە لە هێرشەکانی بۆ سەر یەمەن و بەرەبەیانی ئەمڕۆ فرۆکە جەنگییەکانی ئەمریکا چەند هێرشێکیان کردە سەر پێگەی حوسییەکان و کۆگاکانی چەکی ئەو گروپە لە پایتەختی وڵاتەکە.

هێڵیکۆپتەرێکی گەشتیاری کەوتە ناو رووباری هادسۆن لە شاری نیویۆرک و بووەهۆی گیانلەدەستدانی شەش کەس و لەنێویاندا خێزانێکی ئیسپانیە کە خاوەنی سێ منداڵن.

کۆشکی سپی رایگەیاند، ئەو باجانەی ئەمریکا بەسەر چیندا سەپاندوویەتی ئێستا گەیشتووەتە لەسەدا ١٤٥.

میدیاکانی وڵاتی میانمار بڵاویانکردەوە، بەپێی دوایین ئامارەکانی بومەلەرزەکە سێ هەزار و ٣٥٤ کەس گیانیان لەدەستداوە ونزیکەی ٢٢٠ کەس تا ئێستا بێسەروشوێنن.

دەسەڵاتدارانی کەنەدا هاوڵاتیانی خۆیان ئاگادار دەکەنەوە کە ئەگەری هەیە لە کاتی چوونە ناو ئەمریکادا پشکنینی ئامێرە ئەلیکترۆنییەکانیان بکرێت.

ترەمپ داواى گفتوگۆى راستەوخۆ لە ئێران دەکات و سەرۆکى ئێرانیش دەڵێت، شەڕمان ناوێت بەڵام بەرگرییش لە خۆمان دەکەین.

وتەبێژی سکرتێری گشتی نەتەوە یەکگرتووەکان، هۆشداریدا لەوەی کەس لە شەڕی بازرگانیدا سەرناکەوێت، دوای ئەوەی ئیدارەی ئەمریکا باجی بەسەر وڵاتانی جیهاندا سەپاند.

سوپای ئیسرائیل رایگەیاند، ئۆپراسیۆنی زەمینیان لە باکوری کەرتی غەززە فراوان کردووە و و نەتەوەیەکگرتووەکانیش دەڵیت، لەماوەی دوو هەفتەدا ٢٨٠ هەزار هاوڵاتی لە کەرتی غەززە ئاوارە بوون.

سەرۆکی ئەمریکا باجی ٪١٠ـی لەسەر بەرهەمە بەریتانییەکان، خستە بواری جێبەجێکردنەوە.

ئەو باجە بەرفراوانەی کە لەلایەن سەرۆکی ئەمریکاوە راگەیەندرا، بووەتە هۆی زیانێکی زۆر بە کۆی گشتی ٢٠٨ ملیار دۆلار لە سامانی ٥٠٠ دەوڵەمەندترین کەسی جیهان.

سەرۆکی ئەمریکا لە راگەیەندراوێکدا سەبارەت بە دانانی ئەو باجە نوێیە رایگەیاند، کە باجی بنەڕەتی ١٠٪ لەسەر سەرجەم هاوردەکردنەکان بۆ ئەمریکا دەسەپێنێت، هەروەها باجی زیاتریش بەسەر دەیان هاوبەشی بازرگانی گەورە وڵاتەکەدا دەسەپێنێت.

حکوومەتی ئەمەریکا لە رێی چەند رێنماییەکەوە، سەرجەم کارمەندانی دیپلۆماسی و سەربازیی وڵاتەکەی لە چین ئاگادارکردوەتەوە و دەڵێت، بەهەموو شێوەیەک پەیوەندیی سۆزداری یان هاوسەرگیری لەگەڵ هاووڵاتیانی چینی قەدەغەیە.

حکومەتی میانمار دوایین ئاماری بومەلەرزەکەی ٢٨ــی مانگی رابردوویان بڵاوکردەوە و قوربانیان نزیکدەبنەوە لە حەوت هەزار کەس.

ئەنجوومەنی زێڕی جیهانیرایگەیاند، بەهۆی مەترسییە ئابوریەکانەوە نزیکەی یەک لەسەر سێی بانکە ناوەندییەکانی جیهان پلانیان هەیە لەمساڵدا یەدەگی زێڕیان زیاد بکەن.

وەزیری دەرەوەی ئۆكرانیا رایگەیاند، بۆ رێككەوتن لەسەر رەشنوسی كانزاكان و سامانە سروشتییەكان، كیێڤ و واشنتۆن كار بۆ رێككەوتنێك دەكەن كە رەزامەندی هەردوولای لەسەر بێت.

وەزیری دەرەوەی چین رایگەیاند، وڵاتەکەی بۆ کۆتاییهێنان بە جەنگی ئۆکرانیا و رووسیا، ئامادەیە رۆڵێکی بنیاتنەر بگێڕێت.

سەرۆکی ئەمریکا رایگەیاند، لە رێگەی تەلەفۆنەوە قسەی لەگەڵ سەرۆکی میسر کردووە و گفتوگۆیەكی باشیان لەبارەی هێرشەكانی ئەمریكا بۆ سەر حوسیەكان، غەززە و چارەسەرە ئەگەرییەكان ئەنجامداوە.

رێکخراوی کۆچی نێودەوڵەتی کۆمەڵێک ئاماری لەبارەی رێژەی کۆچکردن و گیانلەدەستدانی کۆچبەرانەوە بڵاوکردەوە و باسی لەوەکردووە، رێژەی مردنی کۆچبەران زیادیکردووە، و لە جیهانیشدا زیاتر لە ١٢٢ ملیۆن کەس ئاوارە و پەنابەرن.

حکومەتی بەریتانیا بە بەشداری ٤٠ وڵات لەژێر ناونیشانی "یەکجار و بۆ هەمیشە" لوتکەیەکی بەناوی لووتکەی ئاسایشی سنوور بۆ رووبەڕووبوونەوەی کۆچی نایاسایی دەستیپێکرد.

بەشێوەیەکی گشتی خواردنە ناتەندروستەکان دۆپامین دابین دەکەن کە وامان لێدەکات هەست بە چێژ بکەین، بەڵام زاناکان بۆیان دەرکەوتووە کە رەنگە کەسانی قەڵەو کەمتر چێژ لە خواردنی ئەو خۆراکانە وەربگرن.

بەرەبەیانی ئەمڕۆ بەهۆی تەقینەوەی بۆرییەکی غازەوە لە مالیزیا چەندین کەس برینداربوون و بەشێکیشیان ماڵەکانیان چۆڵکرد.

سەرۆکی ئەمریکا رایگەیاند، حوسیەکان کە لە لایەن ئێرانەوە پاڵپشتی دەکرێن، بەهۆی هێرشە بێوچانەکانی دوو هەفتەی رابردوەوە لەناوچون زۆرێک لە چەكدار و سەرکردەکانیان نەماون ئێمە هەمو رۆژێک لێیان دەدەین، بەشێوەیەكی قورستر و قورستر.

توێژینەوەیەکی زانستی هۆشداری داوە کە زیادەڕۆیی لە خواردنی خوێ ئەگەری تووشبوون بە قەڵەوی ورگ زیاد دەکات، کە یەکێکە لە مەترسیدارترین جۆرەکانی قەڵەوی پەیوەستە بە کێشەکانی دڵ و خوێنبەرەکانەوە.

دوای ئەوەی سەرۆکی ئەمریکا، توڕەیی خۆی بەرامبەر پوتن دەربڕی، کرێملن رایگەیاند، لەگەڵ ئەمریکا کاردەکەن بۆ رێکەوتن و گەیشتن بە پڕۆسەی ئاشتی لە ئۆکرانیا.

وەزیری بەرگری ئەمەریکا رایگەیاند، بۆ بەرەنگاربونەوەی دەستدرێژییەكانی چین، ژاپۆن رۆڵی ئەرێنی دەگێڕێت بەتایبەتی لە گەروی تایوان، ئەوەش هاوبەشی رۆحی نێوان هێزەكانی هەردوو وڵاتە.

جەستن ستیبینگ، پسپۆری پێشەنگی نەخۆشی شێرپەنجە، داوای لە خەڵک کردووە، بەشێک لە ماست زیاد بکەن بۆ خۆراکی رۆژانەیان، بۆ ئەوەی ئەگەری تووشبوونیان بە شێرپەنجەی قۆڵۆن کەم بکاتەوە.

ئەکسیۆس رایگەیاند، ترەمپ پلانی سەردانیکردنی سعودیەی هەیە لە یەکەم گەشتی دەرەکی لە ناوەڕاستی مانگی ئایاردا.

سەرۆک وەزیرانی بەریتانیا رایگەیاند، داوا لە سەرجەم وڵاتانی ئەوروپا دەکات، هاوکارییان بکەن و پێکەوە بە یەکجاریی کۆتایی بە پرسی قاچاخچییەتی کۆچبەران بهێنن.

فیلمی دۆكیومێنتاری "980" یەكەمین فیلمی دۆكیۆمێنتارییە لەسەر چوونی كەسوكاری ئەنفال بۆ شوێنی زیندەبەچاڵكردنی گەلی كورد.

سەرۆکی ئەمریکا رایگەیاند، ئەگەر سەرۆکی روسیا لە دانوستانەکانی ئاگربەستی ئۆکرانیا بکشێتەوە، ئەوا باجی زیاتر بەسەر وڵاتەکەیدا دەسەپێنێت.

سەرۆکی ئەمریکا رایگەیاند، خۆكاندیدكردنه‌وه‌ی جارێكی دیكه‌ی بۆ پۆستی سه‌رۆكایه‌تی به‌جدیه‌ و گاڵته‌ ناكات و خواستی هەیە بۆ وه‌رگرتنی پۆستی سه‌رۆكایه‌تی ئه‌مریكا بۆ خولی سێیه‌م.

راوێژکاری بازرگانی ترەمپ، رایگەیاند، ئەمریکا بەنیازە لە ماوەی ١٠ ساڵی داهاتوودا شەش ترلیۆن دۆلار وەک باج کۆبکاتەوە، ئەمەش لە چوارچێوەی ستراتیژییەک بۆ بەرزکردنەوەی داهاتی گەنجینەی فیدراڵی.

رۆژنامەی وۆڵ ستریت جۆرناڵ رایگەیاند، ئیلۆن مەسک، ملیاردێری ئه‌مریكی له‌ دوای وه‌رگرتنی پۆستی وه‌زیری كارایی حكومه‌ت له‌ ئیداره‌ی سه‌رۆكی ئه‌مریكا، یه‌كێك له‌ پلانه‌كانی رێكخستنه‌وه‌ی ناسایه‌ و دەیەوێت لە رێگه‌یه‌وه‌ مرۆڤ بۆ هه‌ساره‌ی مه‌ریخ بنێرێت.

زیرەکیی دەستکردنى بەناوبانگى “ChatGPT” بەیانیی ئەمڕۆ بۆ ماوەیەکى کاتى لەکارکەوت، بەهۆى ئەو فشارە زۆرەى لەلایەن بەکارهێنەرانەوە کرایەسەرى.

كارگێڕی ئایینیی موسڵمانانی رووسیا رایگەیاند، زیاتر له‌ هه‌شتا هه‌زار موسڵمان به‌شدارییان له‌ نوێژی جه‌ژنی رەمەزان له‌ مزگه‌وتی گه‌وره‌ی مۆسكۆ كرد.

خەوتنی ناڕێک لە مانگیرەمەزاندا تووشی رۆژووانان دەبێت ئەویش بەهۆی سروشتی مانگەکەوە لەبەر درەنگ مانەوە تا درەنگانی خەو بۆ چاوەڕێکردنی پارشێو، ئەمەش دەبێتە هۆی تووشبوون بە کەمخەوی و تێکچوونی کاتەکانی خەو.

چین، کۆریای باشوور و ژاپۆن رێککەوتن لەسەر ئەنجامدانی دانوستانی خێرا بۆ رێککەوتنی بازرگانی ئازادی سێ قۆڵی بۆ چارەسەرکردنی کاردانەوەی بڕیارەکانی ترەمپ.

باڵیۆزخانەی ئەمریکا لە سوریا هاوڵاتییانی ئاگاداردەکاتەوە لە زیادبونی ئەگەری هێرشەکان لە رۆژانی جەژنی رەمەزاندا، داواشیان لێدەکات بە زوترین کات ئەو وڵاتە بەجێبهێڵن.

حکومەتی میانمار بڵاویکردەوە، بەهۆی بومەلەرزەکەوە ژمارەی گیان لەدەستدان گەیشتووەتە زیاتر لە هەزار کەس و دامەزراوەی جیۆلۆجی ئەمریکاش دەڵێت، پێشبینی دەکرێت ژمارەی گیان لەدەستدان بگاتە ١٠ هەزار کەس.

سه‌رۆكی فه‌ره‌نسا رایگەیاند، ده‌بێت حكومه‌تی نوێی سووریا هه‌موو پێكهاته‌كانی ئه‌و وڵاته‌ له‌به‌رچاو بگرێت و به‌ ئاشكراش رووبه‌ڕووی تیرۆر ببێته‌وه‌ ده‌سته‌به‌ری گه‌ڕانه‌وه‌ی ئاواره‌كانیش بكات.

وەزیری دەرەوەی ئەڵمانیا، پێشنیاری سەپاندنی باجێکی لەسەر هەموو نوێکردنەوەی ئایفۆنێک کرد وەک وەڵامێک بۆ ئەو باجانەی کە لەلایەن سەرۆکی ئەمریکاوە سەپێنراوە.

وەزارەتی بەرگری بەریتانیا، لێکۆڵینەوەی بۆ کۆمەڵە بەڵگەنامەیەک کردەوە کە زانیاری سەربازی هەستیاریان تێدایە کە لە ناوەڕاستی ئەم مانگەدا دۆزراونەتەوە، لەناو کیسەیەکی زبڵ و خاشاک لە شەقامەکە فڕێدراون.

سەرۆکی روسیا رایگەیاند، دۆناڵد ترەمپ بەراستی دەیەوێت کیشەی ئۆکرانیا چارەسەر بکات و مۆسکۆش ئامادەیە کار لەگەڵ هەر وڵاتێک بکات کە هەوڵی چارەسەرکردنی کێشەکانی ئۆکرانیا بدەن.

میدیا جیهانییەکان بڵاویان کردەوە، لە ئێوارەی دوێنێوە، فڕۆکە جەنگییەکانی ئەمریکا زیاتر لە ٤٠ هێرشی ئاسمانییان کردووەتە سەر چەند پێگەیەکی حوسییەکان لە یەمەن.

رۆژووگرتن لە مانگی رەمەزاندا کاریگەری قوڵی لەسەر جەستە و دەروون هەیە، وشکبوونەوەی جەستە لە کاتی رۆژوودا دەبێتە هۆی گۆڕانکاری لە بەرهەمهێنانی فرمێسکدا.

ماوەی هەفتەیەکە ئاگرێکی گەورە لە کۆریای باشوور کەوتووەتەوە و وەزارەتی تەندروستی وڵاتەکەش ڕایگەیاند، بەهۆی ئاگرەکەوە ١٨ کەس گیانیان لەدەست داوە و دەشڵێت، زیاتر لە ٢٧ هەزار کەس ماڵەکانیان بەجێهێشتووە.

میدیاكانی ئەمریكا رایانگەیاند، ئیدارەی سەرۆکی ئەمریکا مامەڵەکردنی لەگەڵ هەندێک داواکاری بۆ مافی مانەوەی هەمیشەیی یاسایی راگرت، وەک بەشێک لە سیاسەتی توندکردنەوەی رێکارەکانی کۆچبەریی و دەزگای رەگەزنامە و کۆچبەری رێنمایی کارمەندەکانی کردووە بۆ راگرتنی مامەڵەکردن لەگەڵ داواکارییەکانی نیشتەجێبون و مافی پەنابەری.

میدیا عێراقییەکان رایانگەیاند، نوێنەرانی ئێران و ئه مریکا دوای پشووی نەورۆز له ئەبووزەبی پایتەختی ئیمارات کۆدەبنەوە بۆ چارەسەری ناکۆکییەکانیان کۆبوونەوەکەیان ١٠ رۆژ دەخایەنێت.

دوای کۆتایی هاتنی کۆبوونەوەی شاندی ئەمریکا لەگەڵ روسیا و ئۆکرانیا کۆشکی سپی رایگەیاند، لەگەڵ هەردوو لایەنی رووسی و ئۆکرانی گەیشتوونەتە رێککەوتن لەسەر ئەوەی، کەشتی هیچ یەک لەو وڵاتانە لە دەریای رەش یەکتر نەکەنە ئامانج.

سەرۆکی ئەمریکا رایگەیاند، هەر وڵاتێک نەوت یان گاز لە ڤەنزوێلا بکڕێت، دەبێت باجی ٪٢٦ بدات بە ئەمریکا.

لەگەڵ پەرەسەندنی نیگەرانییەکان سەبارەت بە کاریگەرییە زیانبەخشەکانی شەکر، زۆر کەس بەدوای جێگرەوەیەکی سروشتیدا دەگەڕێن کە تامە شیرینییەکەی لەگەڵ سوودە تەندروستییەکانیدا تێکەڵ بێت، لە بژاردە بەناوبانگەکانیش خورما و هەنگوینە، کە هەردووکیان بۆ چەندین سەدە لە کولتوورە جیاوازەکاندا بەهۆی تایبەتمەندییە خۆراکی و دەرمانییەکانیانەوە بەکاردەهێنرێن.

راوێژکاری ئاسایشی نیشتمانی ئەمریکا رایگەیاند، لە هەفتەی رابردووەوە هێرشەکانیان بۆسەر حوسییەکانی یەمەن دەستی پێکردووە و بەهۆیەوە سەرکردەیەکیان کوژراوە، وتیشی "بەردەوام دەبین لە هێرشەکانمان".

نوێنه‌ری باڵای یه‌كێتیی ئه‌وروپا بۆ كاروباری ده‌ره‌وه‌ رایگەیاند، دەبێت شەڕ لە غەزە بوەستێنرێت و بارمتەکان ئازادبکرێن دەشڵێت، ئامادەن پاکێجی ئاوەدانکردنەوە لە كەرتی غەززە دابین بکەن.

سەرۆکوەزیرانی نوێی کەنەدا هەڵبژاردنی پیشوەختەی راگەیاند و دەڵێت، داوا لە پەرلەمانی وڵاتەکە دەکات ٢٨ـی مانگی داهاتوو هەڵبژاردن ئەنجام بدرێت.

وەزارەتی بەرگری ئیسرائیل رایگەیاند، هێرشی کردووەتەسەر سەر حزبوڵای لوبنان و بەهۆیەوە هەشت کەس کوژران، حزبوڵاش باسی لەوەکرد، رەتی دەکەنەوە کە هێرشیان کردبێتە سەر ئیسرائیل.

پۆلیسی کەنەدا رایگەیاند، کە تەرمی شیلان شەهبازیانی تەمەن ٢٦ ساڵ دۆزرایەوە دوای تێپەڕبوونی دوومانگ لە بێسەروشوێن بوونی.

ئیدارەی ترەمپ مافی مانەوەی یاسایی زیاتر لە نیو ملیۆن پەنابەر هەڵدەوەشێنێتەوە و دەبێت لەماوەى مانگێکدا وڵاتەکە جێبهێڵن ئەمەش لە چوارچێوەی کارەکانی دیپۆرتکردنەوەی پەنابەرانایە.

چا و قاوە بەناوبانگترین خواردنەوەکانن لە سەرانسەری جیهاندا، کافاین یەکێکە لە پێکهاتە سەرەکییەکانی هەردوو جۆری چا و قاوە بە تێکڕا، چا کەمتر کافاینی تێدایە لە چاو قاوەدا، وە لە نێوان جۆرە جیاوازەکانی چادا، چای رەش زیاتر کافاینی تێدایە لە چاو چای سەوز.

ئەمریکا بەنهێنی تاقیکردنەوەی فڕۆکەی جەنگی نەوەی شەشەمی خۆی دەکات، وە پێشکەوتووترین فڕۆکەی جەنگی لە جیهاندا پەردەی لەسەر لادرا.

هێرشەکانى ئیسرائیل بۆسەر کەرتى غەزە بەردەوامە، حەماسیش دەڵێت، تاوتوێی پێشنیارێکی ئەمریکا دەکات بۆ درێژکردنەوەى ئاگربەستی غەززە تا مانگی نیسان، ئەوەش بە ئامانجی بەردەوامیدان بە دانوستانەکان بۆ راگەیاندنى ئاگربەستى هەمیشەیی.

سەرۆکی ئەمەریکا جۆرێكی نوێی فڕۆكەی جەنگی وڵاتەكەی ئاشكرا دەكات کە نزیکەی پێنج ساڵە بە نهێنی دەفڕێت.

وەزیری کشتوکاڵی سلۆڤاکیا رایگەیاند، چەند حاڵەتێکی نەخۆشی تەبەق لە کێڵگەکانی سلۆڤاکیا تۆمارکراون ماوەی نیو سەدە بوو هیچ حاڵەتێکی لەو نەخۆشییە لە وڵاتەکەیاندا تۆمارنەکرابوو.

میدیا جیهانییەکان بڵاویان کردەوە، دوای شەڕ و پێکدادانێکی زۆر لەنێوان سوپای سودان و هێزەکانی پشتیوانیی خێرا، سوپا توانیویەتی دەست بەسەر کۆشکی سەرۆکایەتیی وڵاتەکە لە خەرتومی پایتەخت بگرێتەوە.

میدیاکانی روسیا بڵاویان کردەوە، شەوی رابردوو ئۆکرانیا هێرشی کردووەتە سەر بۆری غازی سودژا لە رۆژئاوای روسیا و بۆریەکەی تەقاندووەتەوە.

فرۆکەخانەی هیسرۆی بەڕیتانیا بەهۆی ئاگرێکەوتنەوەیەکەوە لە وێستەگەیەکی کارەبای نزیک فرۆکەخانەکە سەرجەم گەشتە جیهانییەکانی دوادەخات.

بە شێوەیەکی گشتی گورچیلەکانمان ڕۆڵێکی گرنگ دەگێڕن لە پاراستنی تەندروستیمان، جەستە لە پاشماوە و ژەهرەکان پاکدەکاتەوە.

سەرۆکی ئەمریکا بە بۆنەی جەژنی نەورۆز پەیامێکی بڵاوکردەوە و پیرۆزبایی لە هەموو ئەوکەسانە دەکات لە سەرانسەری جیهاندا کە یادی جەژنی نەورۆز دەکەنەوە.

ئاژانسی رۆیتەرز رایگەیاند، لانیکەم ١٠ هێرشی ئەمریکا ناوچەکانی یەمەنیان کردووەتە ئامانج.

نێردەی تایبەتی سەرۆکی ئەمەریکا رایگەیاند، گفتوگۆکانی ئاگربەستی ئۆکرانیا و روسیا، رۆژی یەکشەممەی داهاتوو لە جددەی سعوودیە دەستپێدەکاتەوە.

سەرۆکی ئۆکرانیا پشتیوانی خۆی بۆ ئاگربەستی ٣٠ رۆژە لەگەڵ روسیا راگەیاند.

سەرۆکی ئەمریکا رایگەیاند، گفتوگۆی تەلەفۆنی ئەمڕۆم لەگەڵ سەرۆکی روسیا گفتوگۆیەکی زۆر باش و بەرهەمدار بوو.

کۆشکی سپی رایگەیاند، سەرۆکی ئەمریکا و سەرۆکی روسیا بە تەلەفۆن لەسەر ئاگربەستی ئۆکراینا قسەیان کرد و پەیوەندییەکەیان ئەرێنی بووە.

سەرۆکی ئەمریکا رایگەیاند، سبەینێ لەگەڵ سەرۆکی رووسیا بڕیار لە کۆتایی هێنان بە جەنگی ئۆکرانیا دەدەین و وتەبێژی سەرۆک وەزیرانی بەریتانیاش دەڵێت، هێزێکی زۆری ئاشتیپارێزی وڵاتان لە ئۆکرانیا جێگیر دەکەین.

وەزیری بەرگری ئەمریكا بە تەلەفۆن پەیوەندی بە سەرۆک وەزیرانى عێراق كرد و پابەندبوونی ئەمريكاى بۆ پشتیوانیکردن لە ئاسایش و سەقامگیری درێژخایەنی عێراق دووپاتکردووەتەوە، سودانیش جەختی لە پابەندبونی عێراق كردووە بە پاراستنی راوێژكارەكانی هاوپەیمانان و بەکارهێنانی هێز تەنها لەلایەن دەوڵەتەوە.

سەرۆکی ئەمریکا رایگەیاند، لە سەدا ٢٠٠ باج بەسەر بەرهەمە کحولییەکانی یەکێتی ئەوروپادا دەسەپێنێت، ئەمەش وەک وەڵامێک بۆ ئەو باجانەی یەکێتی ئەوروپا بەسەر کەل و پەلی ئەمریکادا سەپاندبوویان.

ئاسایشی هەولێر بڵاویکردەوە، شەوی رابردوو کەسێک چوار ئەندامی خانەوادەکەی لە ماڵی خەزوری کوشتووە و دوو منداڵیشی بریندار کردووە.

ئاژانسی رۆیتەرز رایگەیاند، روسیا لیستێک داواکاری پێشکەشی ئەمریکا کرد بۆ گەیشتن بە رێککەوتنێک بۆ کۆتاییهێنان بە شەڕ و ئاڵۆزییەکان لەگەڵ ئۆکرانیا و گرنگترین داواکارییەکانیش بەشداری نەکردنی ئۆکرانیا لە ناتۆ و نەبوونی هێزی بیانیە لەو وڵاتەدا.

وەزیری دەرەوەی ئێران رایگەیاند، پەیامی سەرۆکی ئەمریکا بۆ ئێران بەم زووانە لە رێگەی وڵاتێکی عەرەبییەوە دەگەیەنرێتە تاران.

میدیاکانی پاکستان رایانگەیاند، دوای ئەوەی رۆژی سێشەممە لە باشووری پاکستان هێرشکرایە سەر شەمەندەفەرێک و ٢١٤ کەس بەبارمتە گیران، هێزە ئەمنییەکانی پاکستان ئۆپراسیۆنێکیان بۆ رزگارکردنیان دەستپێکرد و بەپێی ئەو زانیارییانەی بڵاوکراونتەوە توانراوە ١٥٥ بارمتەیان ئازاد بکرێن.

هێزەکانی روسیا پەنایان بردووەتە بەر بەکارهێنانی ئەسپ و گوێدرێژ بۆ گواستنەوەی پێداویستی و سەرباز بۆ دوورکەوتنەوە لە ئاشکرابوون و هێرشی فڕۆکە بێفڕۆکەوانەکانی ئۆکرانیا.

سەرۆکی ئەمریکا رایگەیاند، دەیەوێت لە زووترین کاتدا کۆتایی بە شەڕی ئۆکرانیا بهێنێت و هیوادارە کە رووسیا بە پێشنیاری ئاگربەست رازی بێت.

سەرۆک کۆماری تورکیا، دوای رێککەوتنەکەی مەزڵوم عەبدی و ئەحمەد شەرع رایگەیاند، دەمانەوێت هەموو ناوچەکە بەبێ هیچ جیاکارییەکی ئایینی و تائیفی و نەتەوەیی، لە ئارامی و خۆشگوزەرانی بەهرەمەند بێت.

وەزیری دەرەوەی ئەمریکا رایگەیاند، ئەگەر رووسیا پابەند بێت ئۆکرانیا ئامادەیە بۆ ئاشتی و پێشنیاری ئاگربەست بۆ ماوەی ٣٠ رۆژ قبوڵ دەکات.

وابڕیارە ئەمڕۆ هەردوو شاندی ئەمریکا و ئۆکرانیا بە نێوەندگیری سعودیە لەسەر بابەتی واژۆکردنی رێککەوتننامەی کانزاکانی ئۆکرانیا کۆببنەوە.

ئاژانسی فرانس پرێس رایگەیاند، پلاتفۆرمی (X)لە ژێر هێرشێکی گەورەی ئەلیکترۆنیدایە دوای ئەوەی هەزاران بەکارهێنەر رایانگەیاندووە کە تووشی کێشە دەبن لە دەستگەیشتن بەو پلاتفۆرمە.

به‌ڕێوه‌به‌ری به‌نده‌ری رۆژهه‌ڵاتی بەریتانیا رایگه‌یاند، کەشتیەکی نەوت هەڵگری ئەمریکی و کەشتیەکی بارهەڵگری پورتوگالی پێکدادان لەنێوانیاندا روودەدات لە نزیک بەندەری هامبەر، بەهۆیەوە تا ئێستا ٣٢ کەس برینداربوون.

حکوموتی روسیا، بڕیاری دەرکردنی دوو دیپلۆماتکاری بەریتانیای دا و تۆمەتباری کردن بەوەی بۆ سیخوڕی هاتوونەتە وڵاتەکەیان.

وەزیری دەرەوەی ئەمریکا رایگەیاند، وڵاته‌كه‌ی سه‌رقاڵی كه‌مكردنه‌وه‌ی بودجه‌ی پرۆگرامی په‌ره‌پێدانی ده‌ره‌وه‌یه‌ و ئەوپارەیەی بۆی خەرج کراوە زیانی بە بەرژەوەندی ئەمریکا گەیاندووە.

پاش هەڵبژاردنى بە سەرۆکی پارتى دەسەڵاتداری کەنەدا مارک کارنی دەبێتە سەرۆک وەزیرانی نوێی کەنەدا و مانگی ئۆکتۆبەری ئەمساڵیش هەڵبژاردن لە وڵاتەکە ئەنجام دەدرێت.

چین رایگەیاند، باجی زیاده‌ به‌سه‌ر كۆمه‌ڵێك به‌رهه‌می كشتوكاڵی ئه‌مریكادا ده‌سه‌پێنێت وه‌ك كاردانه‌وه‌یه‌ك بۆ سه‌پاندنی باجی زیاتر له‌سه‌ر هاورده‌كردنی چین له‌م هه‌فته‌یه‌دا له‌لایه‌ن دۆناڵد تره‌مپ سه‌رۆكی ئه‌مریكاوه‌.

سەرۆكی ئۆكرانیا رایگەیاند، لە ماوەی هەفتەی رابردوودا روسیا هێرشەكانی بۆ سەر وڵاتەكەی چڕتر كردوەتەوە و لەو ماوەیەدا زیاتر لە دوو هەزار و ١٠٠ هێرشی ئاسمانی بۆ سەر ئۆکرانیا ئەنجامداوە.

دەسەڵاتی دادوەری کۆریای باشوور بڕیاری ئازادکردنی سەرۆکی کۆریای باشوری دەرکرد.

دادگای کۆریای باشوور رایگەیاند، یون سوک یۆل، سەرۆکی لەکارلادراوی کۆریای باشوور، رۆژی هەینی لە دەستبەسەری ئازادکرا.

هێزەکانی ئەمریکا کە لە کۆریای باشوور رایانگەیاند، کە بەشێوەیەکی کاتی هەر مەشقێکی تەقەی ڕاستەوخۆ رادەگرن، دوای ئەوەی فڕۆکە جەنگییەکانی کۆریای باشوور بە هەڵە گوندێکیان بۆردومان کرد لە کاتی مانۆڕە هاوبەشەکانی رۆژی پێنجشەممەدا.

بڕیارە رۆژی ١٤ـی ئەم مانگە بەرپرسانی باڵای ئەمریکا و ئۆکرانیا لە سعوودیە کۆببنەوە و هەوڵەکانی گەیشتن بە ئاگربەست لەگەڵ رووسیا تاوتوێ بکەن، رۆژێک پێش ئەوەش بڕیارە سەرۆکی ئۆکرانیا سەردانی سعودیە بکات.

حکومەتی ئەلبانیا رایگەیاند، بۆ ماوەی ساڵێک تیکتۆک لە وڵاتەکەی دادەخات.

حکومەتى به‌ریتانیارایگەیاند،بڕیاریان داوە سزا لەسەر بەشێک لە دامەزراوەکانى سوریا هەڵبگرن لەوانەش بانکی ناوەندی ئەو وڵاتە.

سەرۆکی ئەمریکا رایگەیاند، هۆشداری کۆتایی دەدات بە حەماس بۆ ئازادکردنی ئەو بارمتە ئیسرائیلیانەی کە لە کەرتی غەززەدا ماونەتەوە.

سەرۆکی ئەمریکا رایگەیاند، هۆشداری کۆتایی دەدات بە حەماس بۆ ئازادکردنی ئەو بارمتە ئیسرائیلیانەی کە لە کەرتی غەززەدا ماونەتەوە.

حکومەتی چین رایگەیاند، بڕی ١٧٨٤.٧ تریلیۆن یوان کە دەکاتە (٢٤٥.٧ ملیار دۆلار) بۆ خەرجییەکانی بەرگری تەرخان دەکات، کە بڕی سێ هێندەی بودجەی بەرگری ئەمریکا کەمترە.

سەرۆکی ویلایەتە یەکگرتووەکانی ئەمەریکا دوای مانگ و نیوێک لە دەستپێکردنی خولی دووەمی لە وتارێکدا لە بەردەم کۆنگرێس رایگەیاند، ئەمریکا گەڕاوەتەوە و خەونی ئەمریکی ناتوانرێت رابگیرێت، جەختیشی لەوە کردەوە ئەمریکا ئەمڕۆ متمانە بەخۆی وەردەگرێتەوە.

خەریکە دۆخی شەڕی ئۆکرانیا بە دڵی ترەمپ دەشکێتەوە، زیلینسکی ناڕاستەوخۆ داوای لێبوردنی لە دۆناڵد ترەمپ کردووە و ئامادەی ئاگربەستی دەربڕیوە و دەڵێت با ترەمپ سەرپەرشتی بکات، ئەوەیشی باس کردووە، گفتوگۆ توندەکەی هەفتەی رابردوی لەگەڵ ترەمپ هەفتەی جێگەی داخە.

سەرۆکی کەنەدا رایگەیاند، بە رێژەی ٢٥٪ باج بەسەر کەلوپەلی هاوردەکراوی ئەمریکیدا دەسەپێنن و بڕیارەکەشیان لە مڕۆوە دەچیتە بواری جێبەجێکردنەوە.

ئاژانسی رۆیتەرز رایگەیاند، کۆشکی سپی، وەزارەتی گەنجینەی ئەمەریکای ئاگادار کردووتەوە، رەشنووسێک لەبارەی کەمکردنەوەی هەندێک لە سزاکانی سەر رووسیا ئامادە بکەن، بۆ ئەوەی لە دیداری دهاتوویاندا گفتووگۆیان لە بارەوە بکەن.

سەرۆکی ئەمریکا رایگەیاند، بەبۆنەی هاتنی مانگی رەمەزانەوە پیرۆزبایی لە سەرجەم موسڵمانانی جیهان دەکەم. دەشڵیت، ئازادییە ئایینییەکان بەشێکی دانەبڕاون لە شێوازی ژیانی ئەمریکا.

سەرۆکی فەڕەنسا رایگەیاند، پێویستە وڵاتانی ئەوروپا خەرجی بەرگری زیاد بکەن هاوشێوەی روسیا، وتیشی، دەبێت خۆمان بۆ ئەو شتانە ئامادە بکەین کە چاوەڕێمان دەکات، بەبێ گوێدانە ئەوەی ئەمریکییەکان چی دەکەن.

وەزیری دەرەوەی ئەمەریکا رایگەیاند، ئەمەریکا ئاشتی دەوێت، بەڵام بەبێ بەشداری روسیا و ئۆکرانیا لە دانوستاندنەکان،جەنگەکە کۆتایی نایه‌ت.

میدییا جیهانییەکان بڵاویانکردەوە، لەشاری مانهایم لە ئەڵمانیا ئۆتۆمبیلێک خۆی کرد بە ناو خەڵکانێکی زۆردا و زیاتر لە ٢٠ کەس برینداربوون و کەسێکیش گیانی لەدەستدا.

سەرۆک وەزیرانی بەریتانیا رایگەیاند، سەرکردەکانی ئەوروپا رێککەوتوون لەسەر داڕشتنی پلانی ئاشتی ئۆکرانیا بۆ ئەوەی پێشکەشی ئەمریکای بکەن سەرۆکی فەڕەنساش وتی، پلانەکە پێکدێت لە رەوانەکردنی هێزی سەربازیی ئەوروپا بۆ ئۆکرانیا.

سەرۆک وەزیرانی بەریتانیا رایگەیاند، شانشینی یەکگرتوو بڕی دوو ملیار دۆلار بۆ دابینکردنی پێنج هەزار مووشەکی بەرگری ئاسمانی بۆ ئۆکرانیا تەرخان دەکات، ئەمەش لە چوارچێوەی پشتگیرییە بەردەوامەکانی بۆ کیێڤ لە بەرامبەر هێرشەکانی رووسیا.

لە کەشتییەکی گەورەی گەشتیاریدا بەهۆی شەپۆلە بەرزەکانەوە ١٦ کەس بریندار بوون.

سەرۆک وەزیرانی بەریتانیا پێشوازی لە ڤۆلۆدیمێر زیلینسکی کرد و جەختی لە پشتیوانی تەواوی وڵاتەکەی خۆی بۆ ئۆکرانیا کردەوە.

شارەزایەکی زمانی جەستە رووبەرووبوونەوەی نێوان سەرۆکی ئەمریکا و سەرۆکی ئۆکرانیا بە “شەڕێکی تەلەفزیۆنی نێوان دوو ئەستێرەی پیشەگەری میدیایی” وەسف دەکات و ئاماژەی بەوەدا کە هەردووکیان دەزانن چۆن تەلەفزیۆن بە قازانجی خۆیان بەکاربهێنن.

گفتوگۆ توندەکەی نێوان ترەمپ و زیلینسکی چەندین کاردانەوەى پشتگیریی لە هەردوولا، لە ئەمریکا و ئۆکرانیا و ئەوروپا لێکەوتەوە.

رۆژنامەیەکی ئەمریكی بڵاویكردەوە، سەرۆکی ئەمریکا بەنیازە فەرمانێكی جێبەجێکردن واژۆ بکات کە بۆ یەکەمجار زمانی ئینگلیزی بکاتە زمانی فەرمی ئەمریکا و ئیختیاری فیدراڵی هەڵدەوەشێنێتەوە.

خەوتن باشترین جۆری پشوو وەرگرتنە بۆ جەستە، بەڵام زۆرکات بەبێ ئەوەی هۆکارەکەی بزانیت لەدوای لەخەو هەستان، ئازاری شان و مل دروست دەبێت و دەبێتە هۆی بێزارکردنت.

لە کۆشکی سپی دەمەقاڵێ لەنێوان ترەمپ و سەرۆکی ئۆکرانیا دروستبوو، ترەمپ زیلینیسکی تۆمەتبار کرد بەوەی رێگری لە ئاگربەست دەکات، جێگرەکەشی وتی تۆ سوپاسی ئەمریکات نەکردووە.

لە دوای یەکەمین حاڵەتی مردن لە رۆژئاوای ویلایەتی تەکساس، حاڵەتی نوێی تووشبوون بە نەخۆشی سورێژە تۆمارکراوە.

سەرۆکی ئۆکرانیا بە سەردانێکی فەرمی گەیشتە ئەمریکا و لەگەڵ دۆناڵد ترەمپدا کۆبووەوە بۆ تاوتوێکردن و رێککەوتن لەسەر ئاگربەستی ئۆکرانیا و رادەستکردنی بەشێکی کانزا گرانبەهاکانی ئەو وڵاتە بە ئەمریکا.

پسپۆڕانی بواری خۆراک ئاشکرایان کرد، هەندێک خۆراک هەن ئەگەری سپیبوونی پێشوەختەی قژ بەرز دەکەنەوە، لەسەرووی ئەو خواردنانەش شەکری پیشەسازی دەستکردە.

ئەندەنوسیا رایگەیاند، سبەینێ رۆژی شەممە یەکەم رۆژی مانگی رەمەزانی پیرۆزە.

پەیامەکەى ئۆجەلان لەسەر ئاستى نێودەوڵەتیش کاردانەوەی دروستکرد و کۆشکی سپی لەو بارەیەوە رایگەیاند، پیشوازی لە پەیامەکەی ئۆجەلان دەکەن و هیوادارن پەیامەکە یارمەتیدەربێت بۆ هێنانەدی ئاشتی لە ناوچەکە.

سەرۆکی ئەمریکا رایگەیاند، لە ٪٢٥ باجی گومرگی دەخاتە سەر کاڵاکانی یەکێتی ئەوروپا و هەڕەشەی تۆڵەسەندنەوە دەکات، هاوکات کۆمسیۆنی ئەوروپا رایگەیاند، وەڵامی توندیان دەبێت ئەگەر باجی گومرگیان بەسەردا بسەپێنن.

بەرپرسێکی دەزگای زانیاریی کۆریای باکوور رایگەیاند، هاوکاریی سەربازیی دەنێرنە رووسیا، ئەمەشدوای بڵاوبوونەوەی هەواڵی ناردنی هێزی ئاشتیپارێز لەلایەن وڵاتانی رۆژاواوە بۆ سەر سنوورەکانی رووسیادا دێت.

وەزیری دەرەوەی رووسیا رایگەیاند، ناردنی هێزی ئاشتیپارێز بۆ ئۆکرانیا بەهیچ شێوەیەک قبوڵکراو نییە و پێویستە ئەو کێشەیە لە ریشەوە چارەسەر بکرێت.

بەپێی وەزارەتی پەروەردەی کۆریای باشوور، قەیرانی خێراتربوونی رێژەی لەدایکبوون لە کۆریای باشوور بەردەوامە، بڕیارە لە ساڵی ٢٠٢٥دا نزیکەی ٥٠ قوتابخانە لە سەرانسەری وڵاتدا دابخرێن، لەبەر ئەوەی خوێندکاری پێویست نییە لە قوتابخانەکاندا بخوێنن.

میدیاکان بڵاویانکردەوە واشنتن و کیێڤ لەسەر پێدانی بەشێکی کانزاکانی ئۆکرانیا بە ئەمریکا رێککەوتن، بەبێ ئەوەی ئەمریکا گەرەنتی پاراستنی ئۆکرانیا و ناردنی چەک بدات، بڕیاریشە رۆژی هەینی زیلینسکی سەردانی واشنتن بکات و لەگەڵ ترەمپ رێکەوتنەکە واژۆ بکەن.

سەرۆکی ئەمەریکا رایگەیاند، لە چەند هەفتەی داهاتوودا جەنگی نێوان رووسیا و ئۆکرانیا کۆتایی دێت، سەرۆکی فەرەنساش داوای لە ترەمپ کرد سەقامگیریی ئۆکرانیا بپارێزێت.

تاقیگەی فەلەکناسی خۆر لە پەیمانگای توێژینەوەی بۆشایی ئاسمان و پەیمانگای فیزیای خۆر و زەوی لە ئەکادیمیای زانستی ڕووسیا رایانگەیاند لە ماوەی نزیکەی دوو مانگ و نیودا بۆ یەکەمجارە درەوشانەوەیەکی گەورە لە بەرزترین پلەدا روودەدات.

ده‌زگا ئه‌منیه‌كانی فەڕه‌نسا ده‌ستگیركردنی تۆمه‌تبارێكیان به‌ناوی محه‌مه‌د عه‌مره‌ ناسراو به‌ (مێش) راگه‌یاند كه‌ له‌ ته‌مه‌نی منداڵییەوە لانیكه‌م ١٩ جار بە تۆمه‌تی هه‌ڵگرتنی چه‌ك، ساخته‌كاری، زه‌وتكردن، توندوتیژی، بازرگانیكردن به‌ مادده‌ هۆشبه‌ره‌كان و ئه‌ندامبوون له‌ باندێكی تاوانكاریدا تۆمه‌تبار كراوه‌.

بەپێی ئەنجامە بەراییەکانی هەڵبژاردنەکەی پەرلەمانی ئەلمانیا هاوپەیمانیەتی کریستیان دیموکرات و سۆسیال کریستیان زۆرترین کورسیان بەدەست هێناوە کە بریتییە لە ٢١١ کورسی.

سەرۆکی ئەمریکا رایگەیاند، هەوڵدەدات ئەو پارانە وەربگرێتەوە کە ئەمریكا وەك هاوکاری پێشكەشی ئۆکرانیا كردووە، لەگەڵ پوتین قسەی كردووە و لە رێككەوتن نزیكبوونەتەوە بۆ راگرتنی جەنگی روسیا و ئۆکرانیا.

وەزیری دەرەوەی ئەمریکا رایگەیاند، رۆژی دووشەممە بڕیاری راگرتنی شەڕی نێوان روسیا و ئۆکرانیا پێشکەش بە نەتەوە یەکگرتووەکان دەکەن .

سەرۆکی ویلایەتە یەکگرتووەکانی ئەمریکا، (جەنەڕاڵ سی کیو براونی) هێزی ئاسمانی لە پۆستی سەرۆکی ئەرکانی هاوبەشی سوپای ئەمریکا لە پۆستەکەی دوورخستەوە لەگەڵ پێنج دەریاوان و جەنەڕاڵێکی دیکە.

بڕیارە سبەینێ هەڵبژاردنی پێشوەختەی پەرلەمانی ئەڵمانیا بەڕێوەبچێت دوای متمانە لێوەرگرتنەوەی حکومەتەکەی ئۆلاف شۆڵتز لەلایەن پەرلەمانەوە.

سەرۆکی ئەمریکا دووپاتی کردەوە کە پلانەکەی بەسەر غەززەدا ناسەپێنێت و تەنها پێشنیاری دەکات.

لە رووداوێکی سەیردا لە هیندستان خوێندکارێکی زانکۆ ناچار بووە کە پەڕەشووت بەکاربهێنێت بۆ ئەوەی لە کاتی خۆیدا بگاتە هۆڵی تاقیکردنەوەکان.

وەزیری گەنجینەی ئەمریکا رایگەیاند، بەهۆی رازی بوونی رووسیا بە دانوستان و ئاگربەست لەوانەیە لەماوەکانی داهاتوودا سزاکانی سەر روسیا کەمبکرێنەوە و لەسەریان ئاسان بکرێت.

بانکی ناوەندی ئەوروپا رایگەیاند، لە ساڵی ٢٠٢٤دا گەورەترین زیانی تۆماکردووە کە گەورەترین زیانە بۆ دووەم ساڵ لەسەریەک.

دەسەڵاتدارانی ئەمریکا رایانگەیاند، بەهۆی پێکدادانی دوو فڕۆکەی بچووک لە ناوەڕاستی ئاسمانی باشووری ویلایەتی ئەریزۆنا لە ئەمریکا دوو کەس گیانیان لەدەستداوە.

وتەبێژی کۆشکی کریملن رایگەیاند، ڤلادیمێر پوتنی سەرۆکی رووسیا ئامادەی گفتوگۆیە لەگەڵ ڤۆلۆدیمێر زێلنسکی سەرۆکی ئۆکرانیا. ترەمپیش دەڵێت، پێش کۆتایی ئەم مانگە لەگەڵ پوتندا لەسەر ئاگربەستی ئۆکرانیا کۆدەبێتەوە.

بەرپرسانی تۆرۆنتۆ رایانگەیاند، هەر ٨٠ کەسی ناو فڕۆکەیەک کە لەکاتی نیشتنەوە لە تۆرۆنتۆ کەوتە خوارەوە و وەرگەڕا ١٨ کەس بینداربوون.

شاندی رووسیا بە سەرۆکایەتی وەزیری دەرەوەی وڵاتەکە گەیشتە سعودیە و لەگەڵ شاندی ئەمریکا کۆبووەوە.

میدیاکانی بۆلیڤیا بڵاویانکردەوە، پاسێک لە پارێزگای پۆتۆسی باشووری بۆلیڤیا خۆی خستۆتە ناو کانییەکەوە و بەهۆیەوە زیاتر لە ٣٠ کەس گیانیان لەدەستدا و ١٥ی دیکەش برینداربوون.

بەپێی هەواڵی میدیا عەرەبییەکان، حەماس لە نامەیەکدا بۆ ڕێکخراوی کۆمەڵی ئیسلامی، ئامادەیی خۆی بۆ ڕادەستکردنی کەرتی غەززە بە دەسەڵاتی فەڵەستین و لیژنەی حکوومەتیی بۆ بەڕێوەبردنی غەززە پیشانداوە، هاوکات لەبەرامبەردا مەرجی ئەوەی هەبووە دووبارە کارمەندەکانی بگەڕێنەوە بۆ ناو ئیدارەی نوێ.

بەهۆی داڕوخانی کانێکی زێڕەوە لە وڵاتی مالی ٤٨ کەس گیانیان لەدەست داوە، لەکاتێکدا ژمارەی ئەو کەسانەی کارییان تێدا کردووە دوە هەزار کەس بوون.

بڕیارە بۆ کۆتاییهێنان بە شەڕی ئۆکرانیا لە چەند رۆژی داهاتوودا وەزیری دەرەوەی ئەمریکا و راوێژکاری ئاسایشی نیشتیمانی و نێردەی رۆژهەڵاتی ناوەڕاست بچنە سعودیە.

سیر سوودێکی زۆری ھەیە و بەکاردەهێندرێت بۆ چارەسەرکردنی زۆرێک لە نەخۆشییەکان چ بە رێگای سروشتی یان دروستکردنی دەرمانی پزیشکی بێت.

ئاژانسێکی ئەمریکی بڵاویکردەوە، بڕیارە کۆتایی ئەم مانگە سه‌رۆكی ئه‌مه‌ریكا و سه‌رۆكی رووسیا لە سعودیە کۆببنەوە.

سەرۆکی ئۆکرانیا رایگەیاند، روسیا بەنیازە لەم هاوینەدا هێزەکانی بگوازێتەوە بۆ بیلاڕوسیا و سیستەمی موشەکی دوور مەودا و چەکی ئەتۆمی لەوێ جێگر كردووە، دەشڵێت، کاتی ئەوە هاتووە هێزی سەربازی ئەوروپا دروست بکرێت و هاوبەشەكانمان بیر لەوە بکەنەوە کە پێش هێرشی ئەگەری داهاتووی روسیا چی بکەن.

سەرۆک وەزیرانی هندستان سەردانی ئەمریکای کرد و چەند رێککەوتنێکی بازرگانی لەگەڵ ئەو وڵاتە واژۆ کرد، ترەمپیش پێشنیازی دروستکردنی رێڕەوێکی نوێی بازرگانی کردووە کە لە هندستانەوە دەستپێدەکات و بەناو رۆژهەڵاتی ناوەڕاستدا تێدەپەڕێت بۆ ئەوروپا.

روسیا و ئۆکراینا لە شەڕی نێوانیاندا بەهەموو جۆرێک هێرش دەکەنە سەر یەکتر، لە دواین هێرشدا سوپای روسیا لە رێگەی فڕۆکەی بیفڕۆکەوانەوە هێرشی کردووەتە سەر وێستگەی ئەتۆمی چرنۆبڵ.

گەنجێک لەکاتی (kayaking) یاری بەلەمی بچووکدا لەلایەن نەهەنگێکەوە قوتدەدرێت.

پسپۆڕێکی بواری خۆراک رایگەیاند، لە دوای کەم خواردن و رێجیم، خەوتن زۆرترین کارییگەریی هەیەلەسەر کۆنترۆڵ کردن و گۆڕانکاری کێشی جەستە. دەشلێت، ئەو کەسانەی زیاتر دەخەون زیاتر چەوری لەشیان دادەبەزێت.

نەتەوە یەکگرتووەکان رایگەیاند، سەرەڕای ئاگربەست لە غەززە، کارەساتە مرۆییەکان بەردەوامن. وتیشی، زیاتر لە سێ سەدە و نیویان بۆ بنیادنانەوەی ئەو شارە پێویستە.

جگەرەکێشان و زیادەڕۆیی لە خواردنەوە کهولییەکان و بەکارهێنانی ماددە هۆشبەرەکان لەو خووانەن کە تەمەن کەمدەکەنەوە و دەبنە هۆی چەندین کێشەی تەندروستی.

ئیدارەی وزەی ئەمریکا، پێشبینی دەکات زیادەی نەوتی جیهانی لە پێشبینییەکانی پێشووی بۆ ئەمساڵ و ساڵی داهاتوو زیاتر بێت.

سه‌رۆكی ئۆكرانیا رایگه‌یاند، وڵاته‌كه‌ی هیچ رێككه‌وتنێكی نێوان واشنتۆن و مۆسكۆ به‌بێ ئۆكرانیا قبوڵ ناكات.

بڕیارە وەزیری دەرەوەی ئەمەریکا، دوای سەردانێکی بۆ ئەڵمانیا، گەشت بکات بەرەو رۆژهەڵاتی ناوەراست و بەشێکی سەردانەکەشی تایبەت دەبێت بە پرسی قۆناغی دووەمی ڕێککەوتنی ئاگربەستی شەڕی غەززە.

کێشانی نێرگەلە بڵاوبوونەوەی هەوکردن لە جەستەدا زیاد دەکات و کاریگەری نەرێنی لەسەر جەستە دروست دەکات.

سه‌رۆكی ئه‌مه‌ریكا رایگەیاند، به‌ ته‌له‌فۆن قسه‌ی له‌گه‌ڵ سه‌رۆكی ئۆكرانیا كردووه‌. ده‌شڵێت، پرس و بابەتی ئاشتییان خستووه‌ته‌ به‌ر باس و گفتوگۆ.

سەرۆکی ئەمریکا رایگەیاند، لەگەڵ سەرۆکی روسیا نزیکەی کاتژمێرێک بە تەلەفۆن لەبارەی ئۆکرانیاوە گفتوگۆیان کردووە. دەشڵێت، "لەگەڵ پوتین رێککەوتین دەستبەجێ لەبارەی ئۆکرانیا دەست بە گفتوگۆ بکەین".

دوای سەردانەکەی شا عەبدوڵلای دووەم، شای ئوردن بۆ کۆشکی سپی، سەرۆکی میسر رەتی کردووتەوە سەردانی ئەمریکا بکات و گفتوگۆ بکات لە بارەی بابەتی گواستنەوەی دانیشتوانی غەززە بۆ میسڕ.

زۆر کەس کاتێک توشی هەڵامەت دەبن پەنا بۆ بەکارهێنانی قەترەی لووت دەبەن بۆ چارەسەرکردنی ئەو کێشەیە بەڵام ئالوودەبوون بەو قەترانە دەبێتە هۆی کێشەی تەندروستیی گەورە.

ئاژانسی ڕۆیتەرز بڵاوی کردەوە، کۆمپانیای هۆندا و نیسان رێککەوتن دەکەن بە بڕی ٦٠ ملیار دۆلار بۆ پیشەسازی دروستکردنی ئۆتۆمبێل بەرامبەر رکابەرکردنی کۆمپانیا چینییەکان.

نان بە بەرهەمێکی خۆراکی تەندروست دادەنرێت چونکە سەرچاوەیەکی گرنگی وزەیە لە کاربۆهیدراتی ئاڵۆز و ریشاڵ و ڤیتامین و کانزاکان، بەڵام ئایا دەکرێت رۆژانە بیخۆیت؟

لە هەنگاوێکی دیکەی چارەسەرکردنی نوێی پزیشکیدا، پزیشکانی نەخۆشخانەی گشتیی پەیمانگای ماساچوستس لە ئەمریکا، لە ماوەی کەمتر لە ساڵێکدا توانی بۆ دووەم جار لە جیهاندا چاندنەوەی گورچیلەی بەراز بەسەرکەوتووی بۆ پێاوێکی تەمەن ٦٦ ساڵی ئەمریکی ئەنجام بدات.

سەرۆکی ئەمریکا باجی سەر هاوردەکردنی پۆڵا و ئەلەمنیۆمی بە رێژەیەکی بەرچاو بەرزکردەوە بۆ ٢٥٪، "بەبێ لێخۆشبوون"، ئەمەش هەنگاوێکە کە هیوادارە یارمەتی پیشەسازییە خەباتکارەکانی ئەمریکا بدات.

لە گواتیمالا، پاسێک بە ٧٠ سەرنشینەوە وەرگەڕا و بەهۆیەوە ٥٥ گیانیان لەدەستدا.

سەرۆکی ئەمریکا رایگەیاند، هاوکارییەکانی میسرو ئوردن دەوەستێنێت ئەگەر ئاوارەکانی غەززە وەرنەگرن. میسریش بڕیارەکەی رەتکردووەتەوە و گروپە چەکدارەکانی غەززەش دەڵێن، ئەگەر ناچار بن، بەچەک وەڵامی ئەو بڕیارەی ترەمپ دەدەنەوە.

ئەندامێکی مەکتەبی سیاسی بزوتنەوەی حەماس ، لەوەڵامی سەرۆکی ئەمریکا رایگەیاند، غەززە موڵکێک نییە کە بتوانرێت بکڕدرێت و بفرۆشرێت، ئەمەش دوای ئەوەی ترەمپ وتی ئامادەیە خاوەندارێتی غەززە بکات.

رۆژنامەی نیویۆرک پۆست بڵاویکردەوە، سەرۆکی ئەمریکا لە رێگەی تەلەفۆنەوە لەگەڵ سەرۆکی رووسیا گفتوگۆی کردووە سەبارەت بە کۆتاییهێنان بە شەڕی ئۆکرانیا و رووسیا، ئەمەش یەکەم گفتوگۆیە کە بە فەرمی دانپێدانراوە لەنێوان سەرۆکی رووسیای ئێستا و سەرۆکی ئەمریکا لە ساڵی ٢٠٢٢ەوە.

ڕۆژنامەی نیویۆرک پۆست بڵاویکردەوە، سەرۆکی ئەمریکا لە رێگەی پەیوەندییەکی تەلەفۆنیەوە لەگەڵ سەرۆکی رووسیا قسەی کردووەو گفتوگۆیان کردووە سەبارەت بە کۆتاییهێنان بە شەڕ لە ئۆکرانیا.

ئەم هەواڵە بۆ دایکان و باوکانە، رێگەبدەن با منداڵەکان لەناو خۆڵ و قوڕدا یاریبکەن، نوێترین توێژینەوە سەلماندوویەتی یاریکردنی منداڵان لەناو قوڕ و خۆڵدا دەبێتە هۆی بەهێزکردنی سیستەمی بەرگری منداڵ و هەروەها کرانەوەی مێشکیان خێراتر دەکات.

توێژینەوەکانی ئەم دواییە تیشکیان خستۆتە سەر بەرزبوونەوەی نیگەرانکەری حاڵەتەکانی شێرپەنجەی سییەکان لەنێو ئەو کەسانەی کە هەرگیز جگەرەیان نەکێشاوە، لەگەڵ پیسبوونی هەوا وەک هۆکارێکی بەرچاو دەستنیشانکراوە لەو کەسانەی کە هەرگیز جگەرە ناکێشن، ئێستا پێنجەم هۆکاری سەرەکی مردن بە شێرپەنجە لە سەرانسەری جیهاندا بەهۆیی تێکچوونی سییەکانەوەیە.

فرۆکەیەکی نەفەرهەڵگر بە ١٠ سەرنشینەوە لە ئاسمانی ویلایەتی ئەلاسکا دیارنەماوە، بەرپرسانی ویلایەتەکەش گوماندەکەن بەهۆی خراپی کەشوهەوا فڕۆکەکە کەوتبێتە خوارەوە.

پاش سێ ساڵ لە جەنگ روسیا و ئۆکرانیا بە جیا ئامادەیی خۆیان بۆ دانوستانى راگرتنى شەڕ دەربڕیوە، پێدەچێت دانوستانى ئەمجارە جیاوازبێت لە پێشوو بەو پێیەى زۆریی قوربانیەکان و کەڵەکەبوونى زیانە ئابوورییەکان هەردوولای تەواو شەکەت کردووە.

بۆ ئەوەی خەوێکی قوڵتر و باشتر هەبێت، چەند رێنمایییەکی کاریگەر هەن کە دەتوانن یارمەتیت بدەن بۆ ئەوەی خەوەکەت باشتر و تەندروستر بێت.

سکرتێری گشتی نەتەوە یەکگرتووەکان لە بارەی راگواستنى دانیشتوانى غەزە هۆشداریدا و رایگەیاند، کارێکی لەو شێوەیە پاکتاوی نەتەوەییە و نابێت ئەنجامبدرێت.

سەرۆکی پەرلەمانی ئەمەریکا رایگەیاند، کۆمارییەکان پشتگیری پێشنیازەکەی دۆناڵد ترەمپ دەکەن بۆ ئەوەی غەززە بووەتە وێرانە و ئەمریکا دەیەوێت خاکی غەززە بگرنە دەست.

بەڕێوەبەرایەتی خۆراک و دەرمانی ئەمریکا (FDA) ڕەزامەندی دەربڕی لەسەر دەستپێکردنی تاقیکردنەوە کلینیکیەکان بۆ هەڵسەنگاندنی سەلامەتی و کاریگەری چاندنی گورچیلەی بەراز کە بە شێوەیەکی جیناتی دەستکاریکراو لە مرۆڤدا. ئەم گەشەسەندنە ئامانجی چارەسەرکردنە بۆ نەخۆشانی تووشبووی گورچیلەیە

پۆلیسی سوید رایگەیاند، بەهۆی هێرشێکی چەکداریەوە بۆ سەر قوتابخانەیەک لە ئۆریبرۆ نزیکەی ١٠ کەس کوژراون. دەشڵێت، چاکدارەکە لە دوای رووداوەکە خۆی کوشتووە.

وەزارەتی بازرگانی چین ، باجی خستەسەر بەرهەمەکانی خەڵوز و غازی شل و چەند بەرهەمێکی دیکەی ئەمریکا، ئەمەش دوای بڕیارەکەی ترەمپ بۆباج خستنەسەر بەرهەمە چینییەکان دێت.

سەرۆکی ئەمریکا رایگەیاند، دەیانەوێت هەرچۆن بێت کۆتایی بە جەنگی روسیا و ئۆکرانیا بهێنن، وتیشی ئیدارەکەی لە گفتوگۆدان لەگەڵ روسیا بۆ گەشتن بە رێککەوتن و راگرتنی جەنگەکە.

دۆناڵد ترەمپ سەرۆکی ئەمریکا بڕیاریدا باجی گومرگ بخاتە سەر هاوردەى یەکێتی ئەوروپا بۆ وڵاتەکەی هەروەک چۆن باجی بەسەر مەکسیک و کەنەداو چین دا سەپاند، وتیشی دوور نیە باج بەسەر بەریتانیاش بسەپێنن.

پۆلیسی بەریتانیا رایگەیاند، کەسێکیان لە شاری مانچستەر دەستگیرکردووە بە تۆمەتی سوتاندنی کۆپیەکی قورئان.

زۆرینە لە دوای بەخەبەرهاتن لە بەیانیاندا هەست بە بێهێزی و خەواڵووی دەکەن، بەتایبەت ئەوانەی دەچنە سەر کار ناتوانن سەرەتای رۆژەکە ئەرکەکانیان بە باشی راپەڕێنن، بەڵام دەکرێت بە ئەنجامدانی چەند خوویەک لە بەیانیاندا هەست بە چالاکی بکەن.

میدیاکانی ئەمریکا رایانگەیاند، بەبڕیاری دۆناڵد ترەمپ لە یەکی ئەم مانگەوە باج دەخرێتەسەر هەناردەی کاڵا و شتومەکەکانی مەکسیک و کەنەدا و چین کە بۆ ئەمریکا هەناردە دەکرێن.

بەرپرسانی لۆس ئەنجلس رایانگەیاند، دوای نزیکەی چوار هەفتە ئاگرەکەى شارى لۆس ئەنجلسى ئەمریکا لە ویلایەتى کالیفۆرنیا بە تەواوى کۆنتڕۆڵ کرا.

لەچوارچێوەی رێککەوتنی ئاگربەست، ئەمڕۆ فەڵەستین ١٨٣ زیندانیکراوی خۆی لەبەرامبەر ئازادکردنی سێ ئیسرائیلیدا وەردەگرێتەوە.

میدیاکانی ئەمریکا بڵاویانکردەوە، هەلیکۆپتەرێکی فریاگوزاریی تەندروستی لە شاری فیلادیفیا کەوتووەتە خوارەوە و شەش کەس گیانیان لەدەستداوە.

میدیاکانی بەریتانیا بڵاویان کردەوە، حکومەتی وڵاتەکە سەرقاڵی دانانی پلانێکە بۆ رێگریکردن لە لێشاوی کۆچبەران، بەپێی پلانەکەش، هەر کۆچبەرێک بچێتە وڵاتەکەوە و راستەوخۆ خۆی رادەست نەکات، سزای پێنج ساڵ زیندانیی بەسەردا دەسەپێندرێت.

پاڵاوگەیەکى نەوتی بە بەهاى دوو ملیار دۆلار لە کەرکوک دروست دەکرێت کە رۆژانە تواناى پاڵاوتنى ٧٠ هەزار بەرمیل نەوتى هەیە.

کۆمپانیای نێتفلیکس رایگەیاند، لە ٢٧ی حوزەیرانـی ئەمساڵ وەرزی سێیەم و کۆتایی سکوید گەیم پەخشدەکرێت.

سەرۆکی ئەمریکا، گیانله‌ده‌ستدانی هەموو سه‌رنشینانی ناو فڕۆكه‌ و هێلیكۆپته‌ره‌ تێكشكاوه‌كانی وڵاته‌كه‌ی راگه‌یاند.

فڕۆکەیەکی نەفەر هەڵگر لە پایتەختی ئەمریکا خۆی دەکێشێت بە هێلیکۆپتەرێکی سوپای ئەمریکادا و بەهۆیەوە نزیکەی ٦٠ سەرنشینی ناو فرۆکەکە گیان لەدەست دەدەن.

کۆمپانیای مێتا رەزامەندی دەربڕیووە بە پێدانی ٢٥ ملیۆن دۆلار بۆ یەکلاکردنەوەی ئەو داوایەی کە دۆناڵد ترەمپ سەرۆکی ئەمریکا تۆماریکرد بوو.

میدیای سوید رایگەیاند، سەلوان مۆمیکا، ئەو هاوڵاتییە عێراقییەی کۆپی قورئانی پیرۆزی سووتاند، لە شوقەکەی خۆیدا کوژرا.

خەواڵووی دوای نانخواردن کە بە شێوەیەکی گشتی بە "کۆمای خۆراک" ناسراوە، حاڵەتێکی ئاسایی خەواڵوویی یان بێهێزییە دوای ژەمێک.

دوای داواکەی ترەمپ بۆ دابەزاندنی نرخی نەوت، بڕیارە دووشەممەی داهاتوو وڵاتانی هەناردەکاری نەوت کۆببنەوە و گفتوگۆ لەبارەی نرخی نەوتەوە بکەن.

نووسینگەی سەرۆکوەزیرانی ئیسرائیل رایگەیاند، سەرۆکی ئەمریکا بانگهێشتی سەرۆکوەزیرانی ئیسرائیلی کردووە، ئامانجی سەردانەکەی ناتانیاهۆ بۆ کۆشکی سپی، پرسی ئاگربەستە لە غەززە و چەند پرسێکی دیکەیە پەیوەست بە ناوچەکە.

سکای نیوزی عەرەبی بڵاویکردەوە، فڕۆکەوانێکی هێزی ئاسمانی ئەمریکا رۆژی سێشەممە لە کەوتنەخوارەوەی فڕۆکەیەکی جەنگی ئێف ٣٥ی لە بنکەیەکی ئاسمانی لە ئەلاسکا رزگاری بوو.

توێژینەوە نوێیەکانی ئوسترالیا دەریدەخەن کە شیری وشتر دەتوانێت چەند سوودێکی سەرنجڕاکێشی تەندروستی پێشکەش بکات، بەتایبەتی بۆ سیستەمی بەرگری جەستە.

سەرۆکی رووسیا رایگەیاند، ئامادەی گفتوگۆ و دانوستانن لەگەڵ ئۆکرانیا، بەڵام نایانەوێت لەگەڵ سەرۆکی ئۆکرانیا کۆببنەوە چونکە بڕوایان وایە شەرعییەتی لەدەستداوە.

سەرۆکی ئەمریکا رایگەیاند، واژۆی لەسەر بڕیاری دامەزراندنی سیستمێکی بەرگریی موشەکی بۆ ئەمریکا کردووە، کە هاوشێوەی سیستمی گومەزی ئاسنینی ئیسرائیل بێت.

وتەبێژی حکوومەتی ئیسرائیل رایگەیاند، بڕیارە حەماس لەچوارچێوەی ئاگربەستەکەدا، ٢٦ بارمتە وەکو قۆناغی یەکەم بداتەوە ئیسرائیل.

هێزی ئاسمانی ئۆکرانیا رایگەیاند، ٦٥ فڕۆکەی بێفڕۆکەوانی روسیایان لە ئاسمانی وڵاتەکەیان خستووەتە خوارەوە شەوی رابردوو.

لە چوارچێوەی هەوڵەکان بۆ نەهێشتنی کۆچبەری نایاسایی لەلایەن سەرۆکی ئەمریکا سێیەم فڕۆکەی سەربازی ئەمریکا بە ژمارەیەک کۆچبەرەوە لە گواتیمالا نیشتەوە.

دامەزراوەیەکی ئەمریکی دەڵێت، چاوەروان دەکرێت عێراق ببێتە گۆرەپانى شەڕی ئابوری نێوان ترەمپ و چین، عێراقیش دەیەوێت خۆی لە ئاگری توڕەیی ترەمپ بپارێزێت بۆیە هەریەک لە سودانى و بانکی ناوەندی عێراق پێشوازییەکى گەرمیان لە شاندی ژووری بازرگانى ئەمریکا کرد و بەڵێنی پشتیوانیکردنى هاتنى کۆمپانیا ئەمریکیەکانیان داوە.

کۆشکی سپی رایگەیاند، ئاگربەستى حزبوڵای لوبنان و ئیسرائیل تاوەکو ١٨ـی شوبات درێژکراوەتەوە، ئەوەش دوای ئەوەی ئیسرائیل پابەند نەبوو بە کشانەوەی هێزەکانی لە باشووری لوبنان.

سەرۆکی ئەمریکا رایگەیاند، سەرۆکی روسیا داوای کردووە بیبینێت و لەسەر راگرتنی جەنگی ئۆکرانیا گفتوگۆ بکەن، وتیشی ئامادەیە بۆ دیداری لەگەڵ پوتن.

وەزارەتى دەرەوەى ئەمریکا رایگەیاند، گۆرینی رەگەز قەدەغەیە و چیتر پاسپۆرت نادەن بەو کەسانەى رەگەزى سێهەم.

وەزیری دەرەوەی ئەمریکا رایگەیاند، بەپێی فەرمانی دۆناڵد ترەمپ جگە لە یارمەتییەکان بۆ میسر و ئیسرائیل تەواوی یارمەتییەکانی ئەمریکا بۆ تەواوی وڵاتانی دیکە راگیراون.

دوای دەستبەکاربوونی ترەمپ فرۆکە جەنگیەکانی ئەمریکا یەکەم دەستەی لە کۆچبەری نایاسایی لە ئەمریکاوە بۆ گواتیمالا گواستەوە.

سەرۆکی روسیا رایگەیاند، ئامادەن بۆ ئەوەی لەگەڵ ئیدارەی نوێی ئەمریکا پەیوەندییەکی تازە دروست بکەن و لەبارەی ئۆکرانیاشەوە گفتوگۆ بکەن. دەشڵێت، گومانیان هەیە کە ئەمریکا سزای زیاتر بەسەر روسیادا بسەپێنێت.

پارێزگاری مۆسکۆ رایگەیاند، سیستمی بەرگریی وڵاتەکەی چەندین درۆنی "ئۆکرانیا"ـی لە ئاسمانی شارەکە خستووەتە خوارەوە.

سەرۆکی ئەمریکا لە چاوپێکەوتنێکدا رایگەیاند، بە نیازە جارێکی دیکە پەیوەندیی بکات بە کیم جۆنگ ئونی، سەرۆکی کۆریای باکوور، ئەوەش دوای ئەوەی لە خولی یەکەمی سەرۆکایەتی ترەمپدا پەیوەندییکی کارکردنیان دروست کرد.

کاندیدانی ٩٧ـەمین خولی خەڵاتەکانی ئۆسکار راگەیەنران و بڕیارە لە مانگی ئاداری ئەمساڵ خەڵاتەکان دابەش بکرێن.