سەرۆک کۆماری تورکیا و سەرۆکی ئۆکرانیا لە ئەنقەرە کۆبوونەوە بۆ تاوتوێکردنی دوایین پێشهاتەکانی جەنگی سێساڵە و ئەنجامدانی ئاگربەست لەگەڵ رووسیا.
ئەمڕۆ پێنجشەممە ١٥ـی ئایاری ٢٠٢٥، رەجەب تەیب ئەردۆغان سەرۆک کۆماری تورکیا و ڤلۆدیمێر زیلینسكی، سەرۆکی ئۆکرانیا سەبارەت بە ئاگربەستی نێوان ئۆکرانیا و رووسیا لە ئەنقەرە کۆبوونەوە.
هەروەها، چاوەڕوان دەکرێت لە کۆبونەوەکەدا، ئەردۆغان و زیلینسکی و شاندی رووسیا
دوایین پێشهاتەکانی پەیوەست بە جەنگی رووسیا و ئۆکرانیا تاووتوێ بکەن و ئاگربەست
رابگەێندرێت.
پێشتریش کرێملن رایگەیاند، پوتن بەشدار نابێت
لە کۆبونەوەکەی ئیستانبوڵ لە بری خۆی راوێژکارەکەیی و جێگری وەزیری بەرگری و
بەڕێوەبەری دەزگای هەواڵگری دەنێرێت بۆ دانوستانەکە.
هاوكات، زیلینسکی لە چەند رۆژی رابردوودا وتی،
ئامادەیە بۆ هەموو جۆرە دانوستانێک کە کۆتایی بە جەنگ و ئاڵۆزییەکان بهێنێت.