میدیای روسیا کوژرانی سەربازێکی عێراقیان راگەیاند کە لە ریزەکانی هێزی چەکداری ڤاگنەردا بووە.

ماڵپەڕی "گڵۆباڵ فایەر پاوەر"ی جیهانی ریزبەندی ساڵانەی بۆ بەهێزترین سوپاکانی جیهان بڵاوکردەوە و بەپێی ریزبەندییەکە چەند سوپایەکی وڵاتانی عەرەبی لە پێشەنگی سوپاکاندان و عێراقیش لە پلەی ٤٥هەمدایە.

وەزارەتی بەرگری روسیا رایگەیاند، لە ئۆپەراسیۆنێکی تایبەتی هێزە ئاسمانییەکان، کۆتا کەشتی جەنگی ئۆکرانیا تێکشکێندراوە و چالاکی سێ کۆمەڵەی بە دواداچوونی ئۆکرانی پووچەڵ کراوەتەوە.

فشارەکانی ویلایەتە یەکگرتوەکانى ئەمەریکا بۆسەر تورکیا بۆ واژۆکردنی داواکاری سوید بۆ بوونی بە ئەندامی هاوپەیمانی باکوری ئەتڵەسی ناسراو بە ناتۆ زیادی کردووە و وەزیری دەرەوەی ئەمەریکاش دەڵێت، "بە تورکیامان وتووە بە زووترین کات واژۆی بکات."

رێکخراوی ناتۆ رایگەیاند، بەهۆی زیادبوونی گرژییەکانی کۆسۆڤۆ و بۆ پاراستنی هێزەکانی ئاشتیپارێز و خۆپیشاندەران، ٧٠٠ سەرباز بۆ ئەو وڵاتە دەنێرێت.

پارێزگاری ناوچەی بیلگورودی روسیا رایگەیاند، بەهۆی بۆردومانەکانی ئۆکرانیا لە نزیک ئەو ناوچەیە چوار کەس گیانیانلەدەستداوە و ٣٠٠ کەسیش ماڵەکانیان چۆڵکردووە. روسیاش دەڵێت، ئۆکرانیا مۆسکۆی بۆردومان کردووە.

فەرماندەی گروپی چەکداری ڤاگنەر رایگەیاند، گروپەکەیان نیازی هیچ کودەتایەکی سەربازی نییە و لە توانای ئەواندا نییە کودەتا بەسەر وڵاتێکی گەورەی وەک روسیا ئەنجام بدەن.

ویلایەتە یەکگرتوەکانى ئەمەریکا ئاشکرای کرد، پشتگیرى هێرش کردنە سەر روسیا ناکەن، کاتێک بە فڕۆکەى بێ فڕۆکەوان هێرش کرایە سەر باڵەخانە بەرزەکانى مۆسکۆ، بەڵام روسیا بەرپرسیارێتى جەنگى ئۆکرانیا هەڵدەگرێت.

دوای ئەوەی رەنگی ئاوی روبارێکی ئیتاڵیا لە شاری ڤینیس گۆڕا بۆ رەنگی سەوز، دوای لێکۆڵینەوە دەرکەوت ئاوەکە بە ماددەی فلۆرۆسین رەنگی گۆڕاوە.

ئاژانسی ئاڕ تی روسی رایگەیاند، بەرەبەیانی ئەمڕۆ بە فڕۆکەی بێفڕۆکەوان هێرش کراوەتە سەر مۆسکۆ و لەلایەن سیستمی بەرگریی ولاتەکەوە درۆنەکان خراونەتە خوارەوە.

لە بەیاننامەیەکی هاوبەشدا، سعودیە و ئەمریکا ئاگربەستیان بۆ ماوەی پێنج رۆژ لە سودان درێژکردەوە.

توێژینەوەیەک ئاشکرایکردووە، ژنان بەراورد بە پیاوان تەمەنیان زیاترە و زۆرتر دەژین.

دوابە دوای عێراق؛ بەپێی یاسایەک، میسڕ بڕیاریدا هەر کەسێک کە بیەوێت وڵات بەجێبهێڵێت، بە مەبەستی گەشت بێت یان مەبەستی دیکە، دەبێت بڕی ١٠٠ جونیە وەک باج بدات.

په‌رله‌مانی ئۆكرانیا ئه‌و بڕیاره‌ی په‌سه‌ند كرد كه‌ بۆ ماوه‌ی ٥٠ ساڵ سزای ئابوریی و سزای دیكه‌ به‌سه‌ر ئێراندا ده‌سه‌پێنێت.

لە دواى ١٠٠ ساڵ شارى شەنگەهاى چین، گەرمترین پلەکانى گەرماى لە شارەکەدا تۆمارکرد.

بەشێک لە ئاوی کەناڵی گەورەی ڤێنس لە ئیتاڵیا رەنگەکەی بۆ سەوز گۆڕاوە و بەرپرسانی ئەو شارەش سەرقاڵی لێکۆڵینەوەن لە هۆکارەکەی.

ئیدارەی سەربازیی کیێڤی پایتەختی ئۆکرانیا رایگەیاند، روسیا هێرشی ئاسمانی کردوەتە سەر کیێڤ و زیاتر لە ٤٠ موشەکی روسیاشیان لە ئاسمان دا تێکشکاندووە.

بەرپرسێکی تەندروستی هیندستان دوای ئەوەی مۆبایلەکەی لێکەوتووەتە ناو بەنداوێکەوە بڕیاری دەرکردووە، بەنداوەکە بەتاڵبکەنەوە و کاتێک مۆبایلەکەی دۆزیوەتەوە دەبینێت لە کارکەوتووە و لەلایەن حکومەتیشەوە لە کارەکەی دوورخراوەتەوە.

ماوەی چەند رۆژێکە لافاو چەند ویلایەتێکی ئەفغانستانی گرتووەتەوە و تا ئێستاش بەهۆی لافاوەوە ١٣ کەس گیانیانلەدەستداوە.

توێژینەوەیەک دەریخستووە، گۆڕینی کەرە و چەورییە تێرەکان بە زەیتی زەیتون دەبێتە هۆی باشترکردنی تەندروستی و درێژکردنەوەی تەمەن بۆ ساڵانێک.

بە رکابەری نێوان رەجەب تەیب ئەردۆغان و کەمال کڵیچدار ئۆغڵۆ، سبەینێ یەکشەممە، خولی دووەمی هەڵبژاردنی سەرۆکایەتی کۆماری تورکیا بەرێوەدەچێت.

سەرۆکایەتی ئۆکرانیا رایگەیاند، پڕۆسەی ئاڵوگۆری سەربازانی دەستبەسەرکراو لەنێوان روسیا و ئۆکرانیا ئەنجامدراوە، بەهۆیەوە زیاتر لە ١٠٠ سەربازی ئۆکرانیا ئازادکراون.

سەرۆکی ئۆکرانیا رایگەیاند، روسیا لە شاری دنیبرۆ بۆردوومانی نەخۆشخانەیەکی کردووە و بەهۆیەوە کەسێک گیانیلەدەستداوە و ١٥ کەسی دیکەش بریندار بوون. میدیاکانی ئۆکرانیاش دیمەنی نەخۆشخانەکەیان پاش بۆردوومان بڵاوکردەوە.

وەزارەتی بەرگری سودان داوای لەو هاوڵاتیانە کرد کە توانای هەڵگرتنی چەکیان هەیە سەردانی نزیکترین بنکەی سەربازی بکەن بۆ وەرگرتنی چەک.

چەند چاوگێکی وەزارەتی بەرگری بەریتانیا بڵاویان کردەوە، لە ماوەی پێنج مانگی ئەمساڵدا هەزار سەربازی روسی لە بەرەی جەنگی ئۆکرانیا هەڵاتون.

وەزارەتی دەرەوەی ژاپۆن سزای بەسەر چەندین کۆمپانیا و دامەزراوە و کەسایەتی روسیا دا سەپاند.

سه‌رۆكی روسیا به‌شداری له‌ كۆبوونه‌وه‌ی گشتی كۆڕبه‌ندی ئابوری ئۆراسیاى کرد و رایگەیاند، هه‌موان چاوه‌ڕوانی كه‌وتنی ئابوری روسیایان ده‌كرد، به‌ڵام ئه‌وه‌ روی نه‌دا.

سەرۆکی بێلاڕوس رایگەیاند، پڕۆسەی گواستنەوەی چەکى ئەتۆمی روسی بۆ وڵاتەکەى دەستپێکردەوە و هێشتنەوەی ئەو چەکە لە ئاسایشی تەواودا دەبێت.

وەزیری بەرگریی روسیا باسی لەوەکرد، لە دەستپێکی "ئۆپەراسیۆنی سەربازیی تایبەت"ـەوە بۆسەر ئۆکرانیا، زیاتر لە ١٢٠ هەزار سەرباز مەشقی سەربازییان پێکراوە.

بەهۆی دروستبوونی لافاو لە پارێزگای گۆر لە رۆژئاوای ئەفغانستان، حەوت کەس گیانیان لەدەستدا.

رۆژنامەی واشنتۆن پۆستی ئەمەریکی ئاشکراى کرد، هێزە شەڕکەرەکانی ڤاگنەری سەر بە سوپای روسیا دووچارى لێکترازان بوون.

رۆن دیسانتێس پارێزگاری فلۆریدای سەر بە پارتی کۆماری بە فەرمی کاندید بوونی خۆی بۆ هەڵبژاردنی ساڵی داهاتووی سەرۆکایەتی ویلایەتە یەکگرتوەکانى ئەمەریکا راگەیاند و ئەمەش دەبێتە ئاڵنگارییەکی روون بۆ دۆناڵد ترەمپ.

ویلایەتە یەکگرتوەکانى ئەمەریکا و عەرەبستانى سعودیە داوا دەکەن هێزە چەکدارەکانى سودان پابەندی رێککەوتننامەی نێوانیان بن کە لە جەددە واژۆیان کردووە.

وێنەی تەقینەوەیەکی ساختەى وەزارەتى بەرگرى ویلایەتە یەکگرتوەکانى ئەمەریکا پێنتاگۆن، گوایە لەلایەن زیرەکی دەستکردەوە دروستکراوە، بە خێرایی لە سۆشیال میدیاى جیهان بڵاوبووەوە و بووە هۆی دروستبوونی پەشۆکان و سەرلێشێوان لەناو هاوڵاتیانی ویلایەتە یەکگرتوەکانى ئەمەریکا، هەروەها دابەزینی پشکی بەشێک لە کۆمپانیاکانی ئەمەریکا و چەندین کۆمپانیای ئەو وڵاتە بە ملیاران دۆلار زیانیان بەرکەوت.

سەرۆک کۆماری چین لە کۆبوونەوەی لەگەڵ سەرۆک وەزیرانی روسیا پشتیوانی تەواوی خۆی بۆ ئەو وڵاتە لە بەرژەوەندییە هاوبەشەکان دووپات کردەوە.

ئەنجومەنی پیرانی فەڕەنسا رەشنوسی پڕۆژەیاسایەکی پەسەند کرد کە بەپێی یاساکە بەکارهێنانی ئینتەرنێت بۆ منداڵانی خوار تەمەن ١٥ ساڵ لەسەر مۆڵەتی دایک و باوک دەبێت.

بەهۆی ئەو لافاوەی لە هەفتەی رابردووەوە لە ناوچەی ئێمیلیا رۆماگنا لە ئیتاڵیا دەستیپێکردووە ١٥ کەس گیانیانلەدەستداوە.

سەرۆکی هەواڵگری ئۆکرانیا رایگەیاند، لە ماوەیەکی نزیکدا دەستدەکەن بە هێرشی پێچەوانە بۆ سەر سوپای روسیا دەشڵێت، "دەبێت روسیا لە زەوییەکانمان بچێتە دەرەوە."

پیت رایدەر وتەبێژی وەزارەتی بەرگری ویلایەتە یەکگرتوەکانى ئەمەریکا "پێنتاگۆن" رایگەیاند، هێزەکانی ئۆکرانیا گەمارۆی شاری باخمۆتی رۆژهەڵاتی وڵاتەکەیان داوە و ژمارەیەکی زۆر سەربازی روسیا کوژراون.

بەرپرسێکى باڵاى روسیا رایگەیاند، ناردنی فڕۆکەی جەنگی ئێف-١٦ بۆ ئۆکرانیا گومان لە بارەی تێوەگلانی هاوپەیمانى ناتۆ لە جەنگى وڵاتەکەى لەگەڵ ئۆکرانیادا دروست دەکات.

کەمال کڵیچدارئۆغڵۆ کاندیدی هاوپەیمانی میللەت بۆ سەرۆکایەتی تورکیا لە بەرنامەیەکی میدیاکانی تورکیا هەڵوێستی خۆی بەرامبەر کورد ئاشکرا دەکات.

یەکێتى ئەوروپا سزاى نوێى بەسەر چەند کەسایەتیەک و دامەزراوەى ئێراندا سەپاند.

به‌پێی ئه‌نجامه‌ به‌راییه‌كانی هه‌ڵبژاردنى پەرلەمانى یۆنان، پارتی دیموكراسیی نوێ كه‌ سه‌رۆك وه‌زیرانی ئەو وڵاتە سەرکردایەتی دەکات، سەرکەوتنى بەدەستهێنا.

هەڵبژاردنی پەرلەمان لە وڵاتی یۆنان بەڕێوەچوو، لایەنە بەشداربووەکان و دەنگدەرانیش لەسەر پرسى کۆچبەران دابەشبوون بەسەر دوو بەرەدا.

سەرۆکی ئەمریکا لەمیانی دیداری لووتکەی وڵاتانی جی حەوت لە شاری هێرۆشیمای ژاپۆن لەگەڵ سەرۆکی ئۆکرانیا کۆبووەوە.

بریکاری وەزیری بەرگری ئۆکرانیا رایگەیاند، دۆخی با‌خموت هه‌ستیاره‌ و یه‌كه‌ سەربازییه‌كانی ئۆکرانیا به‌رده‌وامن له‌ به‌رگری كردن.

لە شاری هێرۆشیمای ژاپۆن، دووەم رۆژی کۆبوونەوەی سەرکردەکانی جی حەوت بە ئامادەبوونی سەرۆکی ئۆکرانیا بەردەوام بوو، تێیدا چەند بڕیاریکی گرنگ سەبارەت بە پرسی ئۆکرانیا و چین درا.

فەرماندەیی کۆمەڵەی چەکداری ڤاگنەر رایگەیاند، شاری باخموتی رۆژهەڵاتی ئۆکرانیایان کۆنترۆڵکردووە و وتەبێژی سوپای ئۆکرانیاش دەڵێت، "ململانێ هێشتا بەردەوامە."

دەنگدانی گەڕی دووەمی هەڵبژاردنی سەرۆکایەتی کۆماری تورکیا، بۆ هاوڵاتیانی تورکی دانیشتووی دەرەوەی وڵاتەکە دەستیپێکردەوە.

سەرۆکانی وڵاتانی G7 گەیشتونەتە وڵاتی یابان و بڕیارە لە شاری هێرۆشیما و بە ئامادەبوونی ڤۆلۆدمێر زێلنسکی سەرۆکی ئۆکرانیا لوتکەکە ببەسترێت.

پێش بەستنی کۆنگرەی لوتکەی وڵاتانی G7، رێکخراوی ئۆکسفام رایگەیاند، وڵاتانی G7 قەرز داری وڵاتە هەژارەکانی جیهانن، بە بەهای ١٣ ترلیۆن دۆلار.

دەسەڵاتدارانی کۆڵەمبیا رایانگەیاند، توانیویانە چوار منداڵ رزگار بکەن کە پێش دوو هەفتە بەهۆی کەوتنەخوارەوە و تێکشکانی فڕۆکەکەیان لە دارستانی ئەمازۆن ونبووبوون.

ویلایەتی مۆنتانای ئەمریکا بووە یەکەم ویلایەتی ئەمریکا کە بەکارهێنانی ئەپی تیک تۆکی قەدەغە کرد.

زیادەڕەویی لە هەر خواردن و خواردنەوەیەکدا دەبێتە هۆی گرفتی تەندروستی، تەنانەت ئەگەر پێکهاتەکەی بەسوودیش بێت، پڕۆتین یەکێکە لەو پێکهاتە سەرەکیانەی بۆ جەستە پێویستە بە تایبەت بۆ دروستبوونی ماسولکەکان.

کۆمپانیای نیومۆتۆرزی تایبەت بە پیشەسازی لە مەغریب، یەکەمین ئۆتۆمبێلێکی مەغریبی هایدرۆجی دروست کرد و نرخی ئۆتۆمبێلەکەش ١٦ هەزار و ٧٠٠ دۆلارە .

سەرۆکی ئەمریکا لە لێدوانێکدا بە میدیاکانی وڵاتەکەی راگەیاند، ئێستا بێت یان داهاتوو لەگەڵ سەرۆکایەتی چین کۆدەبێتەوە و گفتوگۆیان لەگەڵ دەکات.

راوێژکاری ئاسایشی نەتەوەی ئەمریکا رایگەیاند، هەر کەسێک لە هەڵبژاردنی سەرۆکایەتی تورکیا براوە بێت ئێمە بەبێ کێشە کاری لەگەڵ دەکەین.

جێگری سەرۆکی پارتی گەلی کۆماری 'جەهەپە' رایگەیاند،هەڵبژاردنەکانی خولی دووەمی ٢٨ی ئایار ئاسانە و خەڵکی دەنگ بە کلیچدارئۆغڵو دەدەن و لەبری رژێمی تاکڕەوی، دیموکراسییان دەوێت.

نەتەوەیەکگرتووەکان هەڵسەنگاندنى بۆ دۆخى سودان کردووە و گەیشتووەتە ئەو بڕوایەى ژمارەی ئەو ئاوارانەی، سودان بەجێدەهێڵن بگاتە یەک ملیۆن کەس.

دادگای باڵاى تاوانەکانى پاریس، بە تۆمەتی گەندەڵی و بەکارهێنانی دەسەڵات سەرۆکی پێشووتری فەڕەنسای بە سێ ساڵ زیندانی سزا دا.

نووسینگەی نیشتمانی بەرەنگاربوونەوەی گەندەڵی ئۆکرانیا رایگەیاندووە، سەرۆکی دادگای باڵای ئۆکرانیا بە تۆمەتی وەرگرتنی بەرتیل بە بڕی سێ ملیۆن دۆلار؛ دەستگیرکراوە.

میسڕ بەهۆی بوونی گەورەترین کێڵگەی بەرهەمهێنانی خورما توانی رێکۆردێکی جیهانی تۆمار بکات و ناوی بخرێتە لە کتێبی گینسەوە.

بە شێوەیەکی فەرمی ئۆکرانیا بووە ئەندامی ئاسایشی ئەلیکترۆنی سەر بە هاوپەیمانیی ناتۆ و ئاڵای ئەو وڵاتە لەسەر ناوەندی ئاسایشی ئەلیکترۆنی لە تاللینی پایتەختی ئیستۆنیا بەرزکرایەوە.

بەهۆی کەوتنەوەی ئاگر لە باڵەخانەیەکی چوار قاتی لە شاری ویلینگتۆنی پایتەخی نیوزلەندا شەش کەس گیانیانلەدەستدا و دەیان کەسی دیکەش تاوەکو ئێستا لە باڵەخانەکەدا گیریانخواردووە.

وەزارەتی بەرگری ئەمریکا رایگەیاند، بۆ رووبەڕووبوونەوەی ئێران توانا سەربازیییە بەرگرییەکانیان لە ئاوەکانی کەنداودا زیاتر دەکەن و بڕیاریان داوە کەشتی جەنگی زیاتر بۆئەو کەنداوە بنێرن.

کۆشکی سپی ئەمریکا رایگەیاند، هاوکاریی بەرگریی نێوان روسیا و ئێران زیادیکردووە و ئێران بەردەوامە لەوه‌ی گەورەترین پشتیوانی سەربازیی روسیا بێت.

بە تۆمەتی سیخوڕیکردن و هاوکاریکردنی وڵاتانی بیانی، هێزە ئەمنییەکانی روسیا کارمەندێکی پیشووی کونسوڵخانەی ئەمریکایان لە روسیا دەستگیرکرد.

لە رووداوێکی هاتوچۆدا لە باکوری مەکسیک، ٢٦ کەس گیانیان لەدەستدا.

وەزارەتی بەرگری روسیا رایگەیاند دوای دوو رۆژ لە رادەستکردنی موشەکی "ستۆرم شادۆو" کە لەلایەن بریتانیا بە ئۆکرانیا درابوو خرایەخوارەوە.

پارتی نوێخواز کە پارتێکی ئۆپۆزسیۆنە توانی لە هەڵبژاردنی گشتی تایلەنددا سەرکەوتن بەدەستبهێنێت و ببێتە خاوەنی زۆرترین دەنگ.

سەرۆکایەتی هێزی بەرگری ئاسمانی ئەمریکا "نوراد" رایگەیاند، شەش فڕۆکەی روسییان لە نزیک ناوچەی بەرگری ئاسمانی ئالاسکا راگرتووە.

سەرۆکی هەرێمی بوکل دو موهون لە بورکینا فاسو رایگەیاند، بەهۆی هێرشی چەند چەکدارێک بۆسەر ژمارەیەک جوتیار کە سەرقاڵی کاری کشتوکاڵی بوون ٣٣ کەس کوژران.

بە گوێرەی دەزگای نیشتیمانی ژینگەی سەنگافورە، پلەی گەرمای ناوچەکانی سەنگافورە بە رێژەیەکی ناوەندی گەیشتووەتە ٣٧ پلەی سەدی و پێشبینی دەکرێت لە رۆژی یەکشەممە زیاتر بەرزببێتەوە. دەشڵێت، "ماوەی ٤٠ ساڵە گەرمای وا تۆمارنەکراوە".

بەهۆی کەوتنەخوارەوەی هەلیکۆپتەرێک لە ناوچەی بریانسکی روسیا دوو کەس گیانیان لەدەستدا. دەزگای خزمەتگوزاری بەپەلەی ناوخۆی روسیا رایگەیاند، فڕۆکەیەکی جەنگیش کەوتووەتە خوارەوە.

حکومەتی ئەڵمانیا بەبەهای سێ ملیار دۆلار هاوکاری نوێی سەربازی پێشکەش بە ئۆکرانیا دەکات.

زیاتر لە ٦٠ ئەندامی ئەنجومەنی نوێنەرانی ویلایەتە یەکگرتووەکانى ئەمەریکا، لەنامەیەکدا داوایەکی سەیر لە جۆو بایدن دەکەن.

وەزارەتەکانی دارایی و بانکە ناوەندییەکانی وڵاتانی کۆمەڵەی حەوت رایانگەیاند ئابوری جیهان لەبەردەم گرفتەکاندا خۆڕاگربووە.

کۆشکی سەرۆکایەتی روسیا رایگەیاند، سەرۆکی ئەو وڵاتە و سەرۆکی ئەفریقای باشوور پەیوەندییەکی تەلەفونییان ئەنجامداوە و ریککەوتوون لەسەر پەرەدان بە پەیوەندییەکانی نێوانیان.

سەندیکای پزیشکانی سودان رایگەیاند، بەهۆی رووبەڕووبوونەوە چەکدارییەکانی ئەو وڵاتەوە تاوەکو ئێستا ٥٢٤ کەس گیانیانلەدەستداوە و دوو هەزار و ٨٧٢ی دیکەش برینداربوون.

وەزارەتی دەرەوەی چین رایگەیاند، نێردەی تایبەتی حکومەتەکەی بۆ کاروباری ئۆراسیا گەشتێک بۆ روسیا و ئۆکرانیا و پۆڵەندا و فەڕەنسا و ئەڵمانیا بۆ گفتوگۆکردن بە ئامانجی دۆزینەوەی چارەسەرێکی سیاسی بۆ قەیرانی ئۆکرانیا دەستپێدەکات.

وەزیری دەرەوەی ئەمریکا رایگەیاند، بەڵین بە ئۆکرانیا دەدەن هەرکات کێشەی کەمی چەک و تەقەمەنی بۆ دروستبێت، بۆی پڕ دەکەنەوە.

سوپای سودان و هێزی پشتیوانی خێرا لە شاری جدەی سعودییە و بە سەر پەرشتی ئەو وڵاتە و ئەمریکا رێککەوتنی سەرەتایی نێوانیان واژۆکرد.

پۆلیسی ئیتاڵیا رایگەیاند، لەدوای چوار ساڵ گەڕان و هەوڵدان باندێکی قاچاخچییان دەستگیرکردووە کە لە ٢٩ کەس پێکدێت و زۆرینەی سەرکردەکانی خەڵکی هەرێمی کوردستانن و کۆچبەرانیان لە رێگای تورکیا و یۆنانەوە گواستووەتەوە بۆ ئیتاڵیا و وڵاتانی ئەوروپا.

دادگای دەستووریی پاکستان رایگەیاند، دەستبەسەرکردنی سەرۆکوەزیرانی پێشووی ئەو وڵاتەی بە نایاسایی دانا و فەرمانی کرد دەستبەجێ ئازاد بکرێت.

وەزارەتی دەرەوەی فەڕەنسا رایگەیاند، لەگەڵ چین رێککەوتن لەسەر پێویستییەکان بۆ پەرەپێدان بە پەیوەندییەکی ئابوری بەهێزتر و هاوسەنگتر.

دادوەری گشتی ئەمریکا مۆڵەتی داوە سەرمایە سڕکراوەکانی دەوڵەمەندە روسەکانی بە مەبەستی بەکارهێنانیان لە ئۆکرانیا بگوازرێنەوە.

بەهۆی پشێوییەکانی دوای دەستگیرکردنی سەرۆکوەزیرانی پێشووی پاکستان هێزەکانى سووپا بڵاوەیپێکرا.

ویلایەتە یەکگرتووەکانى ئەمریکا ژمارەی هێزە ئەمنییەکانی لەسەر سنووری خۆی لەگەڵ مەکسیک بۆ ٢٤ هەزار کەس زیادکرد.

پاش ٢٥ رۆژ و هەوڵە بەردەوامەکان بۆ ئاگربەست ئاڵۆزییەکانی نێوان سوپای سودان و هێزەکانی پاڵپشتی خێرا بەردەوامە و شاندی هەردوولاش لە سعودیە لە دانوستاندان.

وەزارەتی بەرگریی تورکیا رایگەیاند، بە نێوەندگیرى تورکیا نوێنەرانى روسیا و ئۆکرانیا لەسەر هەناردەى دانەوێڵە کۆدەبنەوە.

رۆژنامەنوسێکی ئاژانسی فرانس پرێس، بەهۆى هێرشى موشەکى روسیاوە لە رۆژهەڵاتی ئۆکرانیا کوژرا.

وەزارەتی دەرەوەی سعودیە دوای ١٢ ساڵ بڕیاریدا بە گێڕانەوەی نوێنەری دیبلۆماسی خۆی بۆ سوریا؛ ئەوەش دوای داخستنی باڵیۆزخانەکەی بەهۆی شەڕی ناوخۆی وڵاتەکەوە.

ئەنیشتاینێکی نوێ بەڕێگاوەیە؛ کچێکی تەمەن ١١ ساڵ لە مەکسیک ئاستی زیرەکی زانای بە ناوبانگى فیزیا، ئەلبێرت ئەنیشتاینی تێپەڕاندووە و لە ئێستادا سەرقاڵی خوێندنی ماستەرە لە بواری ئەندازیاریدا.

بۆ یەکەمین جار زانایانی گەردووناسی وێنەی ئەستێرەیەکیان گرت کە هەسارەیەک قووت دەدات.

وەزارەتی بەرگریی تورکیا رایگەیاند، شاندی روسیا و ئۆکرانیا لەگەڵ شاندەکانی تورکیا و رێکخراوی نەتەوەیەکگرتووەکان لە رێکەوتی ١٠ و ١١ی ٥ی ٢٠٢٣ لە ئەستەنبوڵ کۆدەبنەوە. دەشڵێت، "کۆبوونەوەکە درێژکردنەوەی وادەی رێککەوتننامەی رەوانەکردنی دانەوێڵەیش لەخۆ دەگرێت".

پۆلیسی ئەڵمانیا لە کاتی پشکنینی ئۆتۆمبیلەکان دەستی بەسەر ئۆتۆمبێلێکدا گرت کە ١٤ کەسی تیابووە و سەرجەمیان کۆچبەری نایاسایی بوون و پێنج لە کۆچبەرەکان خەڵکی عێراقن.

لە میانی وتارێکدا لە "رۆژی سەرکەوتن" سەرۆکی روسیا رایگەیاند، رۆژئاوا دەیەوێت روسیا وێران بکات. دەشڵێت، ئەوان ئامانجیان ئاشتییە.

دوای یەکێتی ئەوروپا ئەمریکاش هەڵوێستی خۆی لەبارەی گەڕانەوەی رژێمەکەی بەشار ئەسەد بۆناو کۆمکاری عەرەبی راگەیاند و دەڵێت، بڕیارەکە بە گونجاو نازانن.

وەزیری دەرەوەی چین رایگەیاند، وڵاتەکەی رەزامەند نییە لەبارەی بڵاوکردنەوەی ژێردەریایی ئەمریکییەکان لە کەنداو کە هەڵگری موشەکی تۆماهۆکن بە ئامانجی رووبەڕووبوونەوەی ئێران.

وتەبێژ لە کۆمیسیۆنی یەکێتیی ئەوروپا رایگەیاند، "هەڵوێستی خۆمان ناگۆڕین تا ئەوکاتەی رژێم هەنگاوێکی مانادار نەنێت بۆ لابردنی هەموو ئەو هۆکارانەی کە بوونەتە هۆی سەپاندنی سزاکان بەسەریدا".

لەکاتی بەڕێوەچوونی مەڕاسیمی تاجلەسەرنانی پاشا چاڕلسی سێیەمدا؛ دوو رووداوی سەرنجڕاکێش تۆمارکراون و لە تۆڕەکۆمەڵایەتییەکاندا بڵاوکراونەتەوە کە بریتین لە بێهۆشبوونی پاسەوانێک و ئەوی دیکەیان کۆنتڕۆڵنەکردنی ئەسپێکە لەلایەن یەکێک لە پاسەوانەکانی پاشاوە.

کۆمیسیۆنی یەکێتیی ئەوروپا، داواکاری یانزەیەم پاکێجی سزای سەر روسیای رەوانەی وڵاتانی ئەندام کرد، کە پاکێجە نوێیەکە سەرنج دەخاتە سەر جێبەجێکردنی سزاکان، کاریگەری و رێگریکردن لە پێشێلکردنی سزاکان.

بەبۆنەى یادى رۆژى سەرکەوتنەوە، روسیا هێرشە موشەکییەکانى بۆسەر ئۆکرانیا چڕکردووەتەوە.

لە باشوری هیندستان بەهۆی نقومبوونی بەلەمێکەوە کە هەڵگری زیاتر لە ٣٠ سەرنشین بووە، ٢٢ کەسیان گیانیانلەدەستداوە.

لە ئەنجامی ئاگرکەوتنەوە لە کانێکی ئاڵتوون لە وڵاتی پیرۆ، ٢٧ کەس گیانیانلەدەستدا.

وەزیری دەرەوەی تورکیا رایگەیاند، ئەمریکا پێشنیازی بۆ وڵاتەکەی کردووە سیستەمی ئێس-400ی روسی کە پێشتر تورکیا لە روسیای کڕیوە رەوانەی ئۆکرانیا بکات. دەشڵێت، "ئەوان پێشنیازەکەیان رەتکردووەتەوە".

دامەزرێنەری هێزەکانی ڤاگنەری روسی رایگەیاند، ئەرکەکانیان لە شاری باخموتی ئۆکرانیا کۆتاییهاتووە و ناوچەکانی ژێر دەسەڵاتیان بۆ هێزەکانی چیچان بەجێدەهێڵن.

هاوپەیمانی سێ قۆڵی کە پێکدێت لە یەکێتی ئەفریقا و دامەزراوەی فەرمی نێودەوڵەتی گەشەپێدان و نەتەوەیەکگرتووەکان رایگەیاند، پێشوازی لە دەستپێشخەری ئاشتی سعودیە و ئەمریکا دەکەن بۆ کۆتاییهێنان بە ململانێکانی سودان.

لە ویلایەتی تەکساسی ئەمریکا لە هێرشێکی چەکداریدا کەکراوەتە سەر ناوەندێکی بازرگانی نۆ کەس کوژران و حەوت کەسیش برینداربوون.

وەزیری بەرگری ئۆکرانیا رایگەیاند، پێویستییان بە چەکی نوێ و بەهێزتر هەیە چونکە هێزەکانی روسیا خۆیان لەگەڵ چەکەکانی ئێستای ئۆکرانیا راهێناوە.

ژمارەی گیان لە دەستدان بەهۆی لافاو زریان لە کۆماری کۆنگۆ ٢٠٠ کەسی تێپەڕاند و بەرپرسی ناوچەکانیش دەڵێن، "زیانەکان بە دیاریکراوی نازانرێن."

جێگری وتەبێژی سکرتێری گشتی نەتەوەیەکگرتووەکان رایگەیاند، بەهۆی ململانێ ناوخۆیی لە سودان برسێتی بووە بە هەڕەشە لەسەر ژیانی ١٩ ملیۆن کەس.

سەرۆکی ئەمریکا جارێکی دیکە هەڵەی کرد و رایگەیاند، ئۆباما ناتوانێت دووبارە خۆی کاندید بکاتەوە، چونکە ناکرێت کەسێک زیاتر لە جارێک خۆی کاندید بکات، بەڵام دۆناڵد ترامپ دەتوانێت خۆی کاندید بکات چونکە ئەو جیاوازە.

هێزی ئاسمانی ئۆکرانیا رایگەیاند، لە کاتی هێرشێکدا بۆ سەر کیێڤی پایتەخت لەم هەفتەیەدا، سیستمی بەرگری ئاسمانی ئۆکرانیا بۆ یەکەمجار مووشەکێکی هایپەرسۆنیکی روسییان خستووەتە خوارەوە. دەشڵێت، "ئەمەش پاشەکشەیەکی گەورەیە بۆ هەڵمەتی هێرشی ئاسمانی دوور مەودای کرملین".

ئەنجامی بەرایی هەڵبژاردنە ناوخۆییەکان لە بەریتانیادا راگەیەندرا و بەپێی ئەنجامەکان، پارتی کرێکارانی بەریتانیا سەرکەوتنی بەسەر پارتی پارێزگارانی دەسەڵاتداری ئەو وڵاتەدا بەدەست هێناوە. بەمەش دوای ٢١ ساڵ؛ پارتی دەسەڵاتداری بەریتانیا شکستی هێنا.

بە گوێرەی داتا جیهانیەکانی بازاڕی نەوت نرخی بەرمیلێک نەوتی خاوی برێنت بە ٧٥ دۆلار و ٣٠ سەنتە و بەوەش بەراورد بە دوێنێ نرخەکەی دوو دۆلار بەرزبووەتەوە.

بە هۆی بارانی بەخوڕ و زریان و لافاوەوە لە هەرێمی کیڤۆ لە رۆژهەڵاتی کۆنگۆ کە هاوسنوورە لەگەڵ وڵاتی رواندا زیاتر لە ١٠٠ کەس گیانیانلەدەستدا.

راوێژکاری ئاسایشی نەتەوەیی ئەمریکا رایگەیاند، سبەینێ سەردانی سعودیە دەکات بۆ گفتوگۆکردن لەگەڵ سەرکردەکانی ئەو وڵاتە و بەرپرسانی هیندستان و ئیمارات.

لە ماوەی دوو رۆژدا و بۆ جاری دووەم بە درۆن هێرشکرایە سەر روسیا و لەم هێرشەدا پاڵاوگەی نەوتی ئیلیسکی لە باشوری ئەو وڵاتە کرایە ئامانج.

وەزیری دەرەوەی چین رایگەیاند، پەکین ئامادەیە بەشداری راستەقینەبکات لە چارەسەرکردنی سیاسیانەی قەیرانی ئۆکرانیا و بە ئەو مەبەستەش ئامادەیە کار لەگەڵ مۆسکۆدا بکات.

سەرۆکی ئەمریکا دەسەڵاتی ئیدارەکەی بۆ سەپاندنی سزا بەسەر سوداندا فراوانکردوو داوای کرد خیانەت لە هاوڵاتیەکانییان نەکەن و ململانێکان رابگرن.

بەهۆی هێرشێکی چەکدارییەوە لە نزیک شاری میلادینۆڤاک لە سیربیا لە دووری ٦٠ کیلۆمەتر لە باشوری بەلگرادی پایتەختەوە هەشت کەس کوژران و ١٣ کەسی دیکەش برینداربوون.

بەهۆی هێرشێکی چەکدارییەوە بۆ سەر یەکێک لە قوتابخانەکانی هەرێمی باراچیناری خێڵەکی لە سنوری نێوان پاکستان و ئەفغانستان حەوت مامۆستا کوژران. سوپای پاکستان دەڵێت، "لە هێرشێکدا شەش سەربازیان لە سنوری نزیک ئەفغانستان کوژراون".

سەرۆکی هەواڵگری هاوپەیمانێتی ناتۆ هۆشداریدا لەوە روسیا رەنگە کێبڵەکانی ژێر دەریا تێکبدات بۆ سزادانی وڵاتانی رۆژئاوا لەسەر پشتیوانییەکانیان بۆ ئۆکرانیا.

کۆشکی کرملین رایگەیاند، واشنتۆن بەرپرسیارە و تۆمەتبارە بە ئەنجامدانی هێرشەکەی سەر کۆشکی کریملن لە مۆسکۆ نەک کیێڤ. لەبەرامبەردا کۆشکی سپی دەڵێت، "کرملین درۆ دەکات".

زۆربەمان نیوەڕوان دەمانەوێت سەرخەوێک بشکێنین، رەنگە کردەوەیەکی ئاسایی بێت بەڵام لەوانەیە هەندێک زیانی هەبێت و بێ ئاگابین لێی.

وەزارەتی دەرەوەی ئەمریکا رایگەیاند، ناکرێت بە ئاسانی ئۆکرانیا تۆمەتبار بکرێت بە 'هەوڵی تیرۆرکردنی سەرۆکی روسیا'. دەشڵیت، "ئەگەر ئۆکرانیا ئەو کارەی کردبێت ئەمریکا سەرزەنشتی ناکات."

سەندیکای پزیشکانی سودان رایگەیاند، مەترسی لەسەر ژیانی ١٢ هەزار نەخۆش دروستبووە و هەندێکی دیکەیان بەهۆی نەبوونی خزمەتگوزاری تەندروستییەوە لە ماڵەکانیاندا گیانیانلەدەستداوە.

کۆشکی سەرۆکایەتی روسیا رایگەیاند، بە فڕۆکەی بێفڕۆکەوان هەوڵدراوە سەرۆکی روسیا تیرۆر بکرێت، بەڵام شکستی هێناوە.

سەرۆکی ئەرکانی سوپای ئەمریکا رایگەیاند، پێشبینی دەکەن ئەمساڵیش جەنگی ئۆکرانیا بەردەوام بێت و روسیا و ئۆکرانیاش لەمساڵدا ناتوانن ئامانجەکانی ئەو جەنگە بەدیبهێنن.

سەرۆکایەتی حکومەتی بەریتانیا رایگەیاند، بە هۆکاری بەکارهێنان و بردنی نەعل و خاولی لە بەرژەوەندی پارتەکەی، سەرۆکوەزیرانی پێشووی ئەو وڵاتە لێپێچینەوەی لەگەڵدا دەکرێت.

وەزارەتی دەرەوەی باشوری سودان رایگه‌یاند، هه‌ردوولایه‌نی شه‌ڕ له‌ وڵاته‌كه‌دا رێككه‌وتن له‌سه‌ر راگه‌یاندنی ئاگربه‌ست بۆ ماوه‌ی حه‌وت رۆژ و دیاریکردنی شاندی دانوستانکار.

بڕیارە سەرۆککۆماری ئێران لەسەر بانگهێشتی بەشار ئەسەدی سەرۆکی سوریا و بە یاوەریی شاندێکی ئابووری و سیاسی گەشتێکی دوو رۆژە بۆ ئەو وڵاتە ئەنجام بدات.

سەرۆککۆماری تورکیا رایگەیاند، بەم زووانە دەست بە دروستکردنی فڕۆکەیەکی جەنگی نوێ دەکەن بە ناوی "قان" و شوێنگرەوە بۆ فڕۆکەی جەنگی ئێف ١٦ی ئەمریکی دەدۆزنەوە.

لە وڵاتی هۆڵەندا کەسێک تووشی رووداوێکی هاتووچۆ دەبێت و کاتێک پۆلیس دەستی بەسەر مۆڵەتی شۆفێرییەکەی گرت دەبینن ناو وێنەی بۆریس جۆنسنی سەرۆک وەزیرانی پێشووی بەریتانیای لەسەرە.

سوپای روسیا رایگەیاند، بۆردومانی تۆپخانەکانی سوپای ئۆکرانیایان کردووە و زیانێکی گەورەیان پێگەیاندوون ئۆکرانیاش رایدەگەیەنێت دەستیان بەوەڵامدانەوەی هێرشەکانی سوپای روسیا کردووە.

فەرماندەی هێزەکانی پشتیوانی خێرای سودان رایگەیاند، وەک هەڵوێستێک بۆ بانگەشە نێودەوڵەتی و ناوخۆییەکان قایلن بە درێژکردنەوەی ئاگربەست بۆماوەی ٧٢ کاتژمێری دیکە.

سەرۆکی ئۆکرانیا رایگەیاند، ئەگەر لە سەرەتای جەنگەکەدا روسەکان هێرشیان بکردایە سەر بارەگاکەی ئەوا لەگەڵ ئەو سەربازانەدا کە لەگەڵیدان تاوەکو مردن شەڕی دەکرد.

مێردمنداڵێکی ئەمریکی توانی پاسێکی قوتابیان رابگرێت و رزگاریان بکات لە کاتێکدا شۆفێرەکەی بێهۆش دەبێت.

وتەبێژی ئەنجوومەنی ئاسایشی نەتەوەیی رایگەیاند، ئەمریکا پێشوازی لە پەیوەندییە تەلەفۆنییەکەی نێوان سەرۆکایەتی چین و ئۆکرانیا دەکات. دەشڵێت، "گفتوگۆکانمان پێ باشە بەڵام زووە بۆ ئەوەی بزانین ئەو پەیوەندییە ببێتە هۆی راگەیاندنی ئاشتی لە نێوان روسیا و ئۆکرانیا."

بەهۆی کەوتنەخوارەوەی دوو هەلیکۆپتەری جەنگی سوپای ئەمریکا لە ناوەڕاستی ئالاسکا سێ سەربازی ئەمریکی کە فڕۆکەوان بوون گیانیان لەدەستدا.

کۆشکی کرملین رایگەیاند، پێشوازی لەهەر دەستپێشخەرییەک دەکەن کە ببێتە هۆی کۆتایهاتنی ململانێکان لە ئۆکرانیا.

وەزارەتی تەندروستی سودان رایگەیاند، بەهۆی ئەو شەڕەی لە وڵاتەکەدا هەڵگیرساوە تاوەکو ئێستا ٥١٢ کەس گیانیانلەدەستداوە و چوار هەزار و ١٩٣ کەسیش برینداربوون.

وتەبێژی سەرۆکایەتی ئۆکرانیا رایگەیاند، سەرۆکی ئەو وڵاتە لەگەڵ سەرۆکی چین پەیوەندییەکی تەلەفونی ئەنجامداوە و تییدا گەیشتوونەتە خاڵی هاوبەش لەنێوان دەستپێشخەری چین بۆ ئاشتی و پلانی ئۆکرانیا بۆ کۆتایهاتنی جەنگ.

حکومەتی سوید رایگەیاند، بڕیاریانداوە پێنج دبلۆماتکاری روسیا لە وڵاتەکەیان دەربکەن و بیانگەڕێننەوە روسیا.

بەهۆی بەرپرسیاربوونیان لە پێشێلکردنی مافەکانی مرۆڤ، ئەمریکا بڕیاری دا بە سەپاندنی سزا بەسەر ١١ بەرپرسی ئێرانیدا.

وەزارەتی بەرگری روسیا رایگەیاند، هێرشەکانی ئۆکرانیا بۆ سەر کەشتییەکانیان لە دەریای رەش گرەنتییەکانی پێشێلکردووە و هەڕەشەی لەسەر درێژکردنەوەی رێککەوتنامەی هەناردەی دانەوێڵەی ئۆکرانی دروستکردووە.

سەرۆکی ئەمریکا کاندید بوونی خۆی بۆ هەڵبژاردنی سەرۆکایەتی ساڵی ٢٠٢٤ی وڵاتەکەی بە فەرمی راگەیاند، بەمەش دەبێتە بەتەمەنترین کاندیدێک لە مێژووی هەڵبژاردنی سەرۆکایەتی ئەمریکا.

بەهۆی دوو تەقینەوە لە بنکەیەکی هێزە ئەمنییەکان لە ناوچەی سڤاتی پاکستان، ١٢ پۆلیس کوژراون و ٦٠ کەسی دیکەش برینداربوون.

زانایان پێشبینی ئەوە دەکەن شەپۆلێکی موگناتیسی ئاستی "G4" لە خۆرەوە روو لە زەوی بکات و بەهۆیەوە شەبەنگی جەمسەری لە ناوچە کەمەرییەکان دەربکەوێت.

مرۆڤەکان بە بەردەوامی کار دەکەن و زۆرجار بیر لەو پارەیە ناکەنەوە کە لە ماوەی ساڵێکدا توانیویانە بەدەستی بهێنن، شرۆڤەکاران تویژینەوەیەکیان ئەنجامداوە کە ژمارەی ساڵانی پێویست بۆ کەسێک لە چەند وڵاتێکی جیاوازدا نیشاندەدات هەتا بتوانێت لەو وڵاتەی تێدا نیشتەجێیە یەک ملیۆن دۆلار کۆبکاتەوە.

دەزگای روپێوی جیۆلۆجی ئەمریکا لە راپۆرتێکدا رایگەیاند، بومەلەرزەیەکی بەهێز بەگوڕی ٧.٣ پلە بەپێی پێوەری رێختەر ناوچەکانی دوورگەی کیرمادیکی لە نزیک نیوزلەندا هەژاندووە.

هێشتا گرژیی و ئاڵۆزییەکانی ڕوبەڕووبوونەوەی سوپا و هێزەکانی فریاکەوتنی خێرا بەردەوامی هەیە و لەگەڵ بەرزبوونەوەی ئاماری گیان لەدەستدانەکانیش، بایدن داوای وەستاندنی بێ مەرجی ئەو گرژیانە دەکات.

سەرۆکی ئۆکرانیا ئاماژەی بەوەدا، ڤلادیمیر پوتین بە شکست لە خاکی ئۆکرانیا دەردەچێت، هەروەک چۆن سەدام حسێن سەرۆکی پێشووتری عێراق، كوه‌یتی بەجێهێشت.

سەرۆکی ئۆکرانیا رایگەیاند، سزا بەسەر ٣٢٢ کۆمپانیادا دەسەپێنن کە پێداویستییەکانی سوپای روسیا دابین دەکەن.

توێژینەوەیەکی نوێ دەریخستووە، ئەگەری هەیە لە ساڵی ٢٠٢٤ خۆر بگاتە لوتکەی سوڕی چالاکبوونی، واتە ساڵێک زووتر لە پێشبینییە فەرمییەکان، بەڵام تا ئێستا نەگەیشتووەتە ئەو ئاستە.

حکومەتی ئەڵمانیا رایگەیاند، بریاریان داوە موچەی فەرمانبەرانی کەرتی گشتی بە رێژەی ٥.٥٪ زیاد بکەن وەک قەرەبوویەک هەڵئاوسانی ئابوری ئەو وڵاتە.

ئەمینداری گشتی ناتۆ هۆشداریدا لە زیادبوونی ململانێکانی چەکی ئەتۆمی و دەڵێت،"دەبێت خۆمان بۆ کردەوە لە جیهانێکی مەترسیدارتردا ئامادە بکەین".

هۆزى هونزا کە ژمارەیان نزیکەی ٩٢٠ هەزار کەسە، هۆزێکی موسڵمانن لە نزیک چیای قەرەکۆرام لە باکوری پاکستان دەژین، لە شوێنێک کە پێی دەوترێت "دۆڵی نەمرەکان"، چونکە تێکڕای تەمەنیان لە ١٠٠ ساڵ کەمتر نییە، و زۆربەشیان تا تەمەنی ١٥٠ ساڵی دەژین.

وەزیری بەرگریی ئەمریکا رایگەیاند، ئەو تانکانەی جۆری M1 Abrams کە وڵاتەکەی دەیداتە ئۆکرانیا لەم نزیکانەدا دەگەنە ئەڵمانیا بەمەبەستی مەشق و راهێنان لەسەریان. هاوکات، ئیسپانیاش شەش تانکی جۆری لیوپاردی رەوانەی ئۆکرانیا کرد.

وتەبێژی وەزارەتی دەرەوەی روسیا رایگەیاند، بەرامبەر دەرکردنی بەکۆمەڵی دبلۆماتکارانی وڵاتەکەی لەلایەن حکومەتی ئەڵمانیاوە لەو وڵاتە، مۆسکۆ زیاتر لە ٢٠ دبلۆماتکاری ئەڵمانیا دەردەکات.

بەپێی میدیا جیهانییەکان لە هەڵبژرادنی سەرۆکایەتی ساڵی ٢٠٢٤ـدا ١٣ کەس پلانی خۆکاندیکردنەوەیان هەیە و لە نێویشیاندا سەرۆکی و پێشوو و ئێستای ئەو وڵاتەش هەن.

کۆشکی کریملین رایگەیاند، سەرۆکی روسیا و شازادەی جێنشینی سعودیە لە پەیوەندییەکی تەلەفونیدا گفتووگۆیان لەبارەی بڕیارەکەی ئۆپیک پڵەس بۆ کەمکردنەوەی نرخی نەوت کردووە.

دوای چەند مانگێک لەو تۆمەتانەی رووبەڕووی کرانەوە سەبارەت بە بێ ڕێزیەکانی لەبەرامبەر فەرمانبەرانی وەزارەتەکەی و کۆمەڵێک کرێکار لە وەزارەتەکانی سەر بە حکومەت، وەزیری دادی بەریتانیا دەستی لە کارکێشایەوە.

هێزەکانى وەڵامدانەوەى خێرا رایگەیاند، لە کاتژمێر شەشى ئەم بەیانییەوە بەشێوەیەکى کاتى و بۆ ماوەى ٧٢ کاتژمێر ئاگربەستیان راگەیاندووە.

سەرۆکی ئۆکرانیا و ئەمینداری گشتی ناتۆ لە کیێڤی پایتەخەتی ئۆکرانیا کۆبووەنەوە و باسیان لە بەردەوامی پەیوەندییەکان و پابەندبوون بە پارێزگاریکردن لە ئۆکرانیا لەلایەن ناتۆوە کرد.

ئەمریکا داوا لە وڵاتە خاوەن ئابورییە گەورەکان دەکات بەشداربن لە هاوکاری کردنی ئەو وڵاتانەی هەولی بەرەنگاربوونەوەی گۆڕانی کەشوهەوا دەدەن.

وەزیری کۆچی سوید دەڵێت، لە ماوه‌ی پێنج ساڵی ڕابردودا دەزگای کۆچی سوید زیاتر لە سێ هەزار مافی پەنابەرێتی لە پەنابەران وەرگرتوەتەوە و نیازی زیادکردنی ژمارەکەشی هەیە، دەشڵێت، دۆسیه‌كانیان کەموکوڕی زۆری تیابوە.

بەرپرسی سیاسەتی دەرەوە و ئاسایشی یەکێتی ئەوروپا رایگەیاند، سەقامگیری ئابوریی عێراق گرنگی ستراتیجی هەیە بۆ یەکێتی ئەوروپا.

لەکاتێکدا، هەریەک لە سەرۆکی چین و وەزیرەکان و دەزگاى هەواڵگرى و گەورە بەرپرسانى ئەو وڵاتە سەردانی روسیایان کردووە و دەڵێن، بۆ نێوەندگیرى روسیا و ئۆکرانیایە، بەڵام ئەوروپا و ئەمریکا دەڵێن، هەردوو وڵات کاسەکانیان ژێرکاسەى دیکەى لەژێردایە و گومانیان لە جموجەڵەکانیان هەیە.

وەزیری بەرگری ئۆکرانیا رایگەیاند، سیستمی بەرگری پاتریۆتی دژەموشەک گەیشتووەتە وڵاتەکەی. دەشڵێت، "لە ئێستادا ئاسمانی وڵاتەکەی لەهەمووکاتێک ئارامترە".

سندوقی نەتەوە یەکگرتووەکان بۆ دانیشتووان "UNFPA" پێشبینیکرد تا ناوەڕاستی ئەمساڵ ژمارەی دانیشتوانی هیندستان بە جیاوازی سێ ملیۆن کەس پێش چین بکەوێت. دەشڵێت، "خەریکە هیندستان ببێتە جەنجاڵترین وڵاتی جیهان".

پۆڵەندا و ئۆکرانیا گەیشتوونەتە رێککەوتن لەسەر دەستپێکردنەوەی پرۆسەی گواستنەوەی دانەوێڵەی ئۆکرانیا.

وەزارەتی بەرگری ئەمریکا رایگەیاند، پێشبینی دەکرێت چەند کاتژمێرێکی دیکە مانگێکی دەستکردی دەزگای ئاسمانی ناسا بکەوێتە سەر زەوی و ڕێژەی مەترسی لە ئەنجامی کەوتنەخوارەوەی ئەو مانگە زۆر نزمە.

سندوقی دروای نێودەوڵەتی پێشبینی دەکات چین لە ماوەی پێنج ساڵی داهاتوودا گەورەترین بەشداربێت لە گەشەسەندنی ئابووری جیهان و پشکەکەی دەتوانێت دوو هێندە زیاتر بێت لە پشکی ئەمریکا.

بەرپرسێکی باڵای وەزارەتی دەرەوەی ئەمریکا رایگەیاند، وڵاتانی کۆمەڵەی حەوت هاوڕان لەسەرئەوەی پێویستە بەڕووی هەر زۆرەملێیەک یاخود هەوڵێکی چین بوەستنەوە بۆ سەپاندنی دەسەڵاتی خۆی لە تەنگەی تایواندا.

چەند چاوگێکی ئاگادار رایانگەیاند، تایوان ٤٠٠ موشەکی هارپوونی دژە کەشتی ئەمەریکی دەکڕێت بۆ رووبەڕووبوونەوەی زیادبوونی هەڕەشەکانی چین.

لە هەرێمی ماهاراشترای هیندستان ١٣ کەسی بەشداربووی رێوڕەسمێک بەهۆی لێدانی خۆرەوە گیانیانلەدەستدا و بەشێکیش لە بەرشداربووان لە هۆش خۆیان چوون.

لیژنەی نیشتمانی دیموکراتەکانی ئەمریکا و کارمەندانی کۆشکی سپی، خۆیان ئامادە دەکەن بۆ کاندیدکردنەوەی جۆ بایدن سەرۆکی ئێستای ئەمریکا و ئەگەری هەیە لە ٢٥ی مانگدا رابگەیەندرێت.

تێکچوونی گەدە برییتییە لە هەرسنەکردنی خواردن، هەستێکی ناخۆش و ئازاربەخشە، هۆکاری سەرهەڵدانی ئەو ئازارەش ئەمانە دەگرێتەوە،"زۆرخۆری، خێرا نان خواردن، خواردنی چەور، توون یان خواردنەوەی کافاین وەک (قاوە).

بۆ پاراستنی بەکارهێنەرانی لە هەر هەڕەشەیەکی ئەو کەسانەی دەیانەوێت تاوانی ئەلیکترۆنی دژی بەکارهێنەرانی ئەپڵیکەیشنەکە ئەنجامبدەن، وەتسئاپ چەند تایبەتمەندییەکی نوێ زیاد دەکات.

گرژیەکانی سودان پێی نایە رۆژی سێیەمەوە و سەندیکای پزیشکانی ئەو وڵاتەش رایگەیاند، تاوەکو ئێستا ٩٧ کەس بەهۆی گرژیەکانەوە گیانیان لەدەتسداوە و زیاتر لە هەزار کەسیش بریدار بوون.

فینلەندا بەدرێژایی سێ کیلۆمەتر دەستی کردووە بە دروستکردنی پەرژینێک لە هەردوو بەری خاڵی پەڕینەوەی ئیماترا لەسەر سنوور لەگەڵ روسیا لە رۆژهەڵاتی وڵاتەکە.

هەردوو وڵاتی پۆڵەندا و هەنگاریا بڕیاریاندا لەپێناو پارێزگاری لەبەرهەمی ناوخۆ هاوردەکردنی گەنم و بەرهەمە کشتوکاڵییەکانی دیکە لە ئۆکرانیاوە قەدەغەبکەن.

فەرماندەیی ناوەندیی ئەمەریکا رایگەیاند، لە دوو هێرشی گروپە چەکدارەکانی سەربە ئێران لە مانگی ئازاری رابردوو لە سوریا بۆ سەر هێزەکانیان ٢٣ سەربازیان توشی برینی مێشک بوون.

ئەمڕۆ ئەڵمانیا سێ وێستگەی ئەتۆمی لە وڵاتاکەی خۆی داخست و کۆتایی بە بەرنامەی ٦٠ ساڵەی ئەتۆمی خۆی هێنا کە لەماوەی رابردوودا یەکێک لە گەورەترین خۆپیشاندانەکانی ئەوروپای هەڵگیرساند.

سەرۆکی ئەمریکا رایگەیاند، بڕیاری خۆی داوە و بەم زووانە بە فەرمی کاندیدبوونی خۆی بۆ هەڵبژاردنی سەرۆکایەتی رادەگەیەنێت.

ململانێی چەکداری لە نێوان هێزەکانی پشتیوانی خێرا و سوپای سودان لە خەرتومی پایتەخت دروستبوو لە ئەنجامدا فەرماندەی هێزەکانی پشتیوانی خێرا برینداربوو. سوپای سودانیش دەڵێت، "سەرجەم فرۆکەخانەکان لە ژێر کۆنترۆڵی خۆماندایە."

بە گوێرەی راپۆرتێکی تەلەفزیۆنی "NHK"ی ژاپۆنی کەسێک بە تۆمەتی هەوڵی کوشتنی سەرکوەزیران، لەلایەن پۆلیسی وڵاتەکەوە دەستگیرکراوە.

پەیمانگای جیۆفیزیای ئەمریکی رایگەیاند، بومەلەرزەیەکی بەهێز بە گوڕی حەوت پلەی رێختەر کەناراوەکانی دەریای باکوری دورگەی جاوەی لە ئیندۆنیزیا هەژاند.

کۆمیسیۆنی یەکێتی ئەوروپا دڵنیاییدا لە خۆ ئامادەکردنی یەکێتی ئەوروپا بۆ سەپاندنی پاکێجی ١١هەمین سزاکانیان بۆ سەر روسیا. هاوکات، گروپی چەکداری ڤاگنەری خستە لیستی سزاکانییەوە.

وەزارەتی بەرگریی ئەمریکا (پنتاگۆن) رایگەیاند، دزەپێکردنی ژمارەیەک بەڵگەنامەی نهێنی هەواڵگریی وه‌زاره‌ته‌كه‌ کارێکی تاوانکاریی مەبەستدارە.

لە گرتەیەکی ڤیدیۆییدا دەردەکەوێت هێزێکی نوسینگەی لێکۆڵینەوەی فیدڕاڵی ئەمریکا "ئێف بی ئای" و پۆلیسی فیدڕاڵی گومانلێکراوێک بە تۆمەتی دزەپێکردنی چەند بەڵگەنامەیەکی نهێنی وەزارەتی بەرگری ئەمریکا "پنتاگۆن" دەستگیردەکەن.

سەرۆکی ئەمریکا رایگەیاند، نیگەرانە لە دزەپێکردنی بەڵگەنامە نهێنییەکان. دەشڵێت، "ئاگادارنیم لەوەی بەڵگەنامەکان پەیوەندییان بەو دۆخەوەبێت کە لە ئێستادا دەگوزەرێت یان نا".

حکومەتی نەرویج رایگەیاند، ١٥ کارمەندی باڵیۆزخانەی روسیایان بەتۆمەتی سیخوڕی رەوانەی وڵاتەکەیان کردووەتەوە.

کۆشکی کرملین رەتی کردەوە گرفت و ناکۆکی لەنێوان سەرکردەکانی وەزارەتی بەرگری و دەگازی هەواڵگری روسیادا هەبێت، ئەوەش دوای دزەپێکردنی بەڵگەنامە نوێیەکان لەپنتاگۆنەوە سەبارەت بەو بابەتە.

وشەی نهێنی یەکەم خاڵی بەرگرییە لە دەستگەیشتن بە هەژمار و ئامێر و فایلە چالاکەکان، وەکو دەزانین وشەی نهێنی بەهێز یارمەتی پاراستنی داتاکان دەدات هەتا وشەی نهێنی بەهێزتر بێت داتاکان پارێزراوتر دەبن.

ئەنجومەنی وەزیرانی ئیتاڵیا باری لەناکاوی لەسەر دۆسیەی کۆچکردن راگەیاند، کە ماوەی شەش مانگ دەخایەنێت و بڕی زیاتر لە ٥ ملیۆن دۆلاری بۆ تەرخان کردووە. لە رێگەی ئەو پرۆسەیەشەوە دەیەوێت ژمارەیەکی زۆری پەنابەران بگەڕێنێتەوە بۆ نیشتیمانی خۆیان.

کۆمپانیای مێتا دەیەوێت هاوشیوەی تێلەگرام خزمەتگوزاری کەناڵی هەواڵی لە بەرنامەی وەتسئاپسدا زیاد بکات و ئاسانکاری بۆ بەکارهێنەران بکات لە کاتی بەشداریکردن لەو کەناڵانەدا.

سەرۆکی ئەمریکا رایگەیاند، دووبارە خۆی بۆ هەڵبژاردنی سەرۆکایەتی ساڵی ٢٠٢٤ کاندید دەکاتەوە.

بەگوێرەی زانییارییەکانی پەیامنێری ئێن ئاڕ تی لە کەرکوک، بەهۆی رووداوێکی هاتوچۆوە لە جۆری پێکدادان کەسێک گیان لەدەستدا و کەسێکی دیکەش بە سەختی برینداربوو.

سەرۆکی فەرەنسا رایگەیاند، لەسەر وڵاتانی ئەوروپا پێویستە پەیوەندییەکانیان لەگەڵ ئەمریکا کەمبکنەوە و کەمتر پشت بە دراوی دۆلار ببەستن و بەشدار نەبن لە قەیرانی تایوان کە ناکۆکی لە نێوان چین و ئەمریکا دروست کردووە.

هێزی دەریایی ئەمریکا ریگەیاند، بەهۆی گرژییەکانیان لەگەڵ ئێران و بە مەبەستی ئاشتی و سەقامگیری ناوچەکە، ژێر دەریاییەکیان ناردووەتە کەنداو کە لە توانایدایە ١٥٤ موشەکی جۆری تۆماهۆک هەڵبگرێت.

لەماوەی دوو رۆژی رابردوودا چین چەندین کەشتی جەنگی و فڕۆکە هەڵگری ناردە ئاوەکانی نزیک تایوان و دەستی کردەوە بە نمایشە سەربازییەکانی لە نزیک کەنار ئاوەکانی دورگەی تایوان.

ئەمریکا کەشتییەکی ژێردەریایی ئەتۆمی رەوانەی رۆژهەڵاتی ناوەڕاست کرد و هێزی دەریایی ئەمریکاش دەڵێت، ژێردەیایییەکە توانای هەڵگرتنی ١٥٤ موشەکی رێنماییکراوی هەیە.

دوای سەردانەکانی سەرۆکی تایوان بۆ ئەمریکا، سوپای چین دەستی بە مانۆڕێکی سەربازیی هاوبەشی هێزەکانی زەمینی و ئاسمانی و دەریایی وڵاته‌كه‌ لە دەوروبەری دوورگەی تایوان كرد.

سەرۆکی تایوان رایگەیاند، ماوەی سێ ڕۆژە چین دەستیکردووەتەوە بە مانۆڕە سەربازیەکانی، وەزارەتی بەرگری تایوانیش دەڵێت، لە گەرووی تایوان هەشت کەشتی و ٤٢ فڕۆکەی جەنگەی بەکارهاتوون.

ریزبەندی دەوڵەمەندترین کەسایەتییەکانی ساڵی ٢٠٢٣ لە جیهاندا، لەلایەن رۆژنامەی فۆربسی ئەمریکییەوە بڵاوکراوەتەوە، سەرۆکوەزیرانی ئێستای لوبنانیش لە ریزبەندی دەوڵەمەندترینەکانی جیهان و وڵاتانی عەرەبیدایە.

شەپۆل و زریانێکی بەهێزی بەفر بارین وڵاتی کەنەدای گرتووەتەوە و بەهۆیەوە هێڵەکانی کارەبا بچراون و زیاتر لە یەک ملیۆن کەس بێکارەبا بوون.

رێکخراوی نەتەوەیەکگرتووەکان بۆ خۆراک و کشتوکاڵ ناسراو بە "فاو" رایگەیاند، نرخی ماددە خۆراکییەکان لە جیهاندا دادەبەزێت. دەشڵێت، "ماوەی١٢ مانگە نرخی خۆراک بەردەوامە لە دابەزین بەشێوەیەک بەڕێژەی ٢٠.٥٪ دابەزیووە".

ئیدارەی سەرۆکی ئەمریکا رایگەیاند، ئەو کێشانەی کە ئەمریکا لە پرۆسەی کشانەوە لە ئەفغانستاندا دووچاری هاتوون، تاڕادەیەکی زۆر بەهۆی بێ پلانی ئیدارەی دۆناڵد تڕەمپەوە بووە.

دەسەڵاتدارانی چین سزایان بەسەر سەرۆکی نوێنەرایەتی ئابوری و کەلتوری تایوان و هەردوو دامەزراوەی رۆناڵد ریگن و هیدسۆنی ئەمریکیدا سەپاند.

بەهۆی ئەو شەپۆلی بەفربارین و زریان و گەردەلولە بەفرینەوە رووی لەکەنەدا کردووە لانی کەم دوو کەس گیانیان لەدەستداوە و زیاتر لە ملیۆنێک هاوڵاتیش بێ کارەبابوون.

سەرۆکی فەڕەنسا و هاوتا چینییەکەی لە پەکین داوایان کرد بە زووترین کات دەستبکرێت بە دانوستانی ئاشتی بۆ ئۆکرانیا و رەتیان کردەوە چەکی ئەتۆمی بەکاربهێندرێت.

سێ ئەندامی کۆنگرێسی ئەمریکی بە ئامانجی سەقامگیرکردنی نرخی دۆلار لە جیهاندا پڕۆژە یاسای "گەڕاندنەوەی پێوەری زێڕ"یان پێشنیازکردووە تا پەیوەندی نێوان بەهای دۆلار و زێر بگەڕێننەوە.

حکومەتی ژاپۆن رایگەیاند، هێلیکۆپتەرێکی سەربازی کەوتووەتە دەریاوە کە ١٠ سەرنشینی هەڵگرتبوو. دەشڵێت، "سەرجەم سەرنشینەکانی بێسەوروشوێن بوون و گەڕان بەدوایاندا بەردەوامە".

وتەبێژی کرملین رایگەیاند، ناتۆ لە سنورەکانی روسیا نزیک دەبێتەوە. دەشڵێت، "هەر جارێک ناتۆ لە سنورەکانمان نزیک دەبێتەوە بۆ دڵنیابوون لە ئاسایشمان، رێوشوێنی پێویست دەگرینەبەر".

کۆمیسیاری باڵای نەتەوە یەکگرتووەکان بۆ مافەکانی مرۆڤ رەخنەی لە بڕیاری قەدەغەکردنی کارکردنی ژنانی ئەفغانستانی لەگەڵ رێکخراوی نەتەوە یەکگرتووەکان گرت.

سەرۆکی ئۆکرانیا رایگەیاند، لە بەرگریکردن لە شاری باخموتى رۆژهەڵاتى وڵاتەکە بەردەوامن بەڵام لە ئەگەری گەمارۆدانیاندا کشانەوە لە شارەکە هەڵدەبژێرن.

سەرۆکی ئەمریکا ئاماژەی بەوە کرد، پێویستە کۆمپانیاکانی تەکنەلۆجیا بەرپرسیارێتیی بگرنە ئەستۆ بەرامبەر ئەو مەترسییانەی زیرەکی دەستکرد دروستیان دەکات، وتیشی، پێویستە کۆنگرێس بۆ ئەو مەبەستە هەنگاو بگرێتەبەر.

وەزیری دەوڵەتی بەریتانیا بۆ کاروباری کۆچبەران، لە ئەنجامی دۆسیەیەک بە تۆمەتی تیژڕەوی، بە شەش مانگ قەدەغەکردنی لێخوڕینی ئۆتۆمبێل و هەزار و ٦٣٩ پاوەند سزادرا.

سەرۆکی پێشووی ئەمریکا لە دوای دەستگیکردنی رایگەیاند، هەموو ئەو تۆمەتانەی ئاڕاستە کراوە تاوەکو نەتوانێت بەشداری لە هەڵبژاردنەکانی ساڵی داهاتوو بکات. دەشڵێت، " ئەگەر من سەرۆک بوومایە جەنگی نێوان روسیا ئۆکرانیا هەڵنەدەگیرسا."

بە گوێرەی دوایین زانیارییەکان، سەرۆکی پێشووی ئەمریکا دادگای مانهاتنی بەجێ هێشتووە و بە کەفالەت ئازادکراوە لە دوای ئەوە لەلایەن دادگای مانهاتنەوە ٣٤ تۆمەتی ئاڕاستە کرا

دوای ئەوەی دۆناڵد تڕەمپ سەرۆکی پێشووی ئەمریکا برایە بەردەم دادگا، لە ئێستادا هۆڵی دادگای بەجێهێشت. وتیشی، "لە سەرجەم ئەو تۆمەتانەی ئاڕاستەمکراوە بێ تاوانم".

وابڕیارە ئەم شەو لەسەر چەند دۆسییەک دۆناڵد ترەمپ سەرۆکی پێشووی ویلایەتە یەکگرتووەکانی ئەمریکا دادگای بکرێت و ئەو پارێزەرەی بەرگری لێدەکات عێراقییە.

بەمەبەستی بردنە بەردەم دادگای نیۆیۆرک، دۆناڵد تڕەمپ سەرۆکی پێشووی ئەمریکا لەلایەن پۆلیسەوە دەستگیرکرا. تڕەمپ دەڵێت، "هەرگیز ناتوانم باوەڕ بەوەبکەم ئەم جۆرە کارە لە ئەمریکا روودەدات".

بەفەرمی وڵاتی فینلەندا لە یادی ٧٤ ساڵەی پەیمانی باکوری ئەتڵەسی "ناتۆ" بوو بە ٣١ەمین ئەندامی رێکخراوەکە. روسیاش هەڕەشەی بەکارهێنانی چەکی ئەتۆمی کرد.

ئەمڕۆ ٧٤ ساڵ بەسەر دامەزراندنی پەیماننامەی ئەتڵەسی باکور ناسراو بە ناتۆ تێدەپەڕێت.

کۆشکی سپی ئەمریکا لەبارەی بڕیاری کەمکردنەوەی لەناکاوی بڕی بەرهەمهێنانی نەوتەوە لەلایەن رێکخراوی ئۆپیک پلەسەوە رایگەیاند، بڕیارەکە ژیرانە نییە.

بڕیارە لە چەند رۆژى داهاتوودا ئیبراهیم رەئیسى سەرۆککۆمارى ئێران لەسەر بانگهێشتى پادشاى سعودییە بگاتە ئەو وڵاتە و لەسەر چەند بابەتێک گفتوگۆ بکەن.

سکرتێری گشتی ناتۆ رایگەیاند، سبەینێ ئەندامبوونی فینلەندا لە ناتۆ رادەگەیەندرێت، بەمەش ئەو وڵاتە دەبێت بە ٣١ـەم ئەندام لە ناتۆ و ئاڵای فینلەندا لە بارەگای ناتۆ بەرز دەکرێتەوە.

لە هەڵبژاردنە گشتییەکانی فینلەندادا پارتی هاوپەیمانی نیشتیمانی زۆرینەی دەنگەکانی بەدەستهێنا و پارتی دەسەڵاتداری ئەو وڵاتەش پلەی سێیەمی بەدەستهێنا و سەرۆکوەزیران پیرۆزبایی لە ئۆپۆزسیۆن و پارتە براوەکانی دیکە کرد.

سەرۆکی هێزەکانی ڤاگنەری سەر بە روسیا ئاڵای وڵاتەکەی لە باڵەخانەی بەڕێوەبەرایەتی گشتی شاری باخموتی ئۆکرانیا هەڵکرد. ئۆکرانیاش رایگەیاند، تاوەکو ئێستا ئەو شارە لەژێر دەستی سوپای ئۆکرانیادایە.

بەپێی ئەنجامە سەرەتاییەکانی هەڵبژاردنە گشتییەکانی فینلەندا کە دوێنێ بەڕێوەچوو، پارتی هاوپەیمانی نیشتمانی راستڕەو لە پێشەنگەدایە.

وەزارەتی دەرەوەی روسیا رایگەیاند، لە پەیوەندییەکی تەلەفۆنیدا وەزیری دەرەوەی ئەو وڵاتە لەگەڵ هاوتا ئەمریکییەکەی بابەتی دەستگیرکردنی رۆژنامەنوسەکەیان تاوتوێ کردووە، کە روسیا بە تۆمەتی سیخوڕی بۆ ئەمریکا دەستگیرکرا.

نوێنەری باڵای سیاسەتی دەرەوە و ئاسایشی یەکێتی ئەوروپا رایگەیاند، یەکێتی ئەوروپا رووبەڕووی هەر پێشێلکارییەک دەبێتەوە کە روسیا لە ماوەی سەرۆکایەتیکردنی ئەنجومەنی ئاسایشی نێودەوڵەتی بیگرێتەبەر.

بەهۆی ئەو زریانە بەهێزەی رووی لە ویلایەتەکانی باشور ناوەندی رۆژهەڵاتی ئەمریکا کردووە ٢٢ کەس گیانیانلەدەستدا و چەندان کەسیش بێسەروشوێن بوون.

نوێنەری باڵای نەتەوە یەکگرتووەکان بۆ کاروباری چەکداماڵین رایگەیاند، مەترسی بەکارهێنانی چەکی ئەتۆمی لە ئێستادا زیاترە لە هەر کاتێک لە قووڵایی جەنگی ساردەوە. دەشڵێت، "جەنگی ئۆکرانیا نوێنەرایەتی توندترین نموونەی ئەو مەترسییە دەکات".

دەستەی شاهانەی مەککە و شوێنە پیرۆزەکانى سعودیە رایگەیاند، لە ماوەى ١٠ رۆژی مانگی رەمەزاندا، حەوت ملیۆن و ٤٠٠ هەزار کەس بۆ بەجێگەیاندنی عەمرە سەردانی شاری مەککەیان کردووە.

سەرەڕای داواکارییەکانی ئۆکرانیا بۆ راگرتنی، روسیا سەرۆکایەتی ئەنجومەنی ئاسایشی گرتەدەست و بۆ ماوەی مانگێک سەرۆکایەتی ئەنجومەنەکە دەکات.

وەزارەتی بەرگری تایوان رایگەیاند، لە ماوەی ٢٤ کاتژمێری رابردوودا نۆ فڕۆکەی چینی و فرۆکەیەکی بێفرۆکەوانى دیکەیان گەرووی تایوانیان بەزاندووە.

نوێنەری بێلاروسیا لە نەتەوە یەکگرتووەکان رایگەیاند، کڵاوەی ئەتۆمی جێگیرکراوی روسیا لە خاکی ئەو وڵاتەدا لە ژێر کۆنترۆڵی روسیادا دەبێت.

سکرتێری گشتی ناتۆ رایگەیاند، لە چەند رۆژی داهاتوودا ئالای فیلاند لە ریزی ئاڵای وڵاتەکانی ناتۆدا هەڵدەکرێت و دەبێتە بەشێک لە رێکخراوەکە.

دوای راگەیاندنی پلانی ئاشتی جەنگی ئۆکرانیا لەلایەن چینەوە، بەرپرسی سیاسەتەکانی دەرەوەی یەکێتی ئەوروپا رایگەیاند، چین ناتوانێت لە جەنگی ئۆکرانیادا نێوەندگیری بکات.