مەکتەبی سیاسیی پارتی دیموکراتی کوردستان جەخت لەسەر پتەوکردنی هەماهەنگیی سەرجەم لایەنە سیاسییەکانی هەرێم دەکاتەوە بۆ چارەسەرکردنی کێشەکان و پاراستنی قەوارەی هەرێم، لە کاتێکدا یەکێتی و نەوەی نوێ ئامادەیی خۆیان بۆ پێکهێنانی کابینەی نوێی حکومەت رادەگەیەنن.
ئەمڕۆ پێنجشەممە ١٠ـی ئەیلولی ٢٠٢٦، مەکتەبی سیاسیی پارتی رایگەیاند، جەخت لەسەر هاوهەڵوێستیی لایەنەکان دەکەینەوە بۆ چارەسەرکردنی کێشەکان و پاراستنی قەوارەی دەستووری و سیاسیی و دەستکەوتەکانی هەرێمی کوردستان.
لە راگەیەندراوەکەدا
مەکتەبی سیاسیی پارتی ئاماژەی بەوەش کردووە، ئەم تەبایی و هەماهەنگییە فاکتەری
بنەڕەتییە بۆ چارەسەرکردنی کێشە و گیروگرفتەکان، هەروەها پاراستنی قەوارەی
دەستووری و سیاسیی هەرێمی کوردستان و دەستکەوتەکانی گەلی کوردستان.
ئەم داوایەی
پارتی لە کاتێکدایە کە دوێنێ چواشەممە ٩ـی ئەیلول، شاندێکی باڵای جووڵانەوەی نەوەی
نوێ و یەکێتیی نیشتمانیی کوردستان کۆبوونەوەیەکی هاوبەشیان ئەنجامدا، لە دوای
کۆبوونەوەکەش هەردوولا رایانگەیاند، بە تەواوی ئامادەن بۆ پێکهێنانی کابینەی نوێی
حکومەتی هەرێمی کوردستان لەسەر بنەمای ئەنجام و ئیستحقاقی هەڵبژاردنەکان.
هاوكات
هەردوو لایەنەکە هۆشدارییاندا لە دواخستنی ئەم پرۆسەیە و ئاماژەیان بەوە کرد، هەر
لایەنێک ببێتە هۆکاری پەکخستن یان دواخستنی پێکهێنانی حکومەت، بەرپرسیارێتیی
تەواوی بەرامبەر خەڵک و هەر پەرەسەندن و دەرئەنجامێک دەکەوێتە ئەستۆ کە لە
داهاتوودا روودەدات.