PM:03:56:13/09/2026
1512 جار خوێندراوەتەوە
وەزارەتى خوێندنى باڵای هەرێم چەند ڕێکارێکی رەفتاری پیشەیی مامۆستایانی زانکۆ و رەفتاری قوتابیان و خوێندکارانی زانکۆ بڵاوکردەوە و ئاشکرای کرد، ئەگەر مامۆستای زانکۆ هاوسەرگیری لەگەڵ خوێندکاری خۆی ئەنجام بدات، پێویستە مامۆستاکە بگوازرێتەوە بۆ دەرەوەی بەش و کۆلێژ مافی وانه وتنەوەی لەو بەشه نابیت.
ئەمرۆ یەکشەممە ١٣ـی ئەیلوولی ٢٠٢٦، وەزارەتی خوێندنی باڵا لە راگەیەندراوێکدا بڵاویکردەوە، لە پێناو دیاریکردنى ستاندارەکانى رەفتارى پیشەیی مامۆستایانی زانکۆ و رەفتارى خوێندکارانى زانکۆ لە خوێندنى بەرایی و خوێندنى باڵا و بۆردى کوردستانى وەزیری خوێندنی باڵا (ڕێکاری رەفتاری پیشەیی مامۆستایانی زانکۆ و رەفتاری قوتابیان/خوێندکارانی زانکۆ)ی واژۆ کرد.
ئاماژە
بەوەشکراوە، ئامانج لە دەرکردنی ئەم رێکارە بریتییە لە پاراستنى بەرژەوەندی گشتى و
فەراهەمکردنى شەفافیەت و یەکسانى و دادپەروەرى و دیاریکردنی ئاکار و رەفتارى پیشەیی
رەسەن لە نێوان مامۆستایانی زانکۆ و رەفتاری قوتابیان/خوێندکاران لە قۆناغەکانى پڕۆسەى
خوێندندا، لە گشت زانکۆ و ئەنجومەن و دەستە و کۆلێژی زانکۆیی و پەیمانگە حکومی و
تایبەتەکانی هەرێم.
بۆ
بینینى دەقى (ڕێکاری رەفتاری پیشەیی مامۆستایانی زانکۆ و رەفتاری قوتابیان/ خوێندکارانی
زانکۆ) کلیک لەسەر ئەم بەستەرەى خوارەوە بکە؛
