PM:10:39:07/09/2026
1132 جار خوێندراوەتەوە
سەرۆک کۆماری تورکیا دەڵێت، تەواوی وڵاتانی ناوچەکە و ئابووریی جیهان باجی ئەو شەڕ و ئاڵۆزییانە دەدەن، کە بەهۆی پێشێلکاری و کردەوە سەربازییەکانی ئیسرائیلەوە لە رۆژهەڵاتی ناوەڕاستدا دروستبووە.
ئەمڕۆ دووشەممە ٧ـی ئەیلولی ٢٠٢٦، رەجەب تەیب ئەردۆغان، سەرۆک کۆماری تورکیا رایگەیاند، تەواوی وڵاتانی ناوچەکە و جیهان باجی ئاڵۆزییە سەربازییەکان و هێرشەکانی ئیسرائیل دەدەن، وتیشی، ئیسرائیل بە ئامانجگرتنی ناوچەکە و تێکدانی یاداشتی لێکتێگەیشتنەکان و سەقامگیریی هەرێمی و نێودەوڵەتیی خستووەتە مەترسییەوە.
ئەردۆغان
باسی لە دواین ئاڵۆزی و پێکدادانە سەربازییەکانی رۆژهەڵاتی ناوەڕاست کرد و وتی، ئیسرائیل
هۆکاری سەرەکیی تێکدانی ئاسایشی ناوچەکەیە، ئەوەش بەهۆی سنووربەزاندن و کردەوە
سەربازییەکانیەوە، بەجۆرێک نە بوار بۆ ئاشتی دەهێڵێتەوە و نە رێگە بە سەقامگیریی
ئابووری و سیاسی دەدات.
جەختیشی
کردەوە، باجی ئەم شەڕە تەنها بەرۆکی لایەنە بەشداربووەکان ناگرێتەوە، بەڵکو تەواوی
وڵاتانی ناوچەکە و ئابووریی جیهانیش پێوەی دەناڵێنن و باجەکەی دەدەن.
داواشی
لە کۆمەڵگەی نێودەوڵەتیی کرد، رێگە لە هەڵکشانی زیاتری گرژییەکان بگرن تاوەکو
کارەساتی گەورەتری لێنەکەوێتەوە.
