PM:07:55:10/09/2026
284 جار خوێندراوەتەوە
وەزارەتی بازرگانیی عێراق دەستپێکردنی پرۆسەی دابەشکردنی بەشەخۆراکی شەشەمی ئاردی مانگانەی راگەیاند و ئاشکرایکرد، لە قۆناغی یەکەمدا ناوچە هەژارنشینەکان سوودمەندی یەکەم دەبن.
ئەمڕۆ پێنجشەممە ١٠ـی ئەیلولی ٢٠٢٦، وەزارەتی بازرگانیی عێراق رایگەیاند، پرۆسەی دابەشکردنی بەشەخۆراکی شەشەمی ئارد و پڕکردنەوە و دابەشکردنی گەنم بەسەر سەرجەم ئاشەکاندا دەستی پێکرد.
بەڕێوەبەری
گشتیی کۆمپانیای گشتیی پێشەسازیی دانەوێڵەش ئاماژەی بەوە کرد، کۆمپانیاکەیان لە
هەمان رۆژدا پرۆسەی بڕین و بەشکردنی گەنمی بەسەر سەرجەم ئاشەکاندا دەستپێکردووە،
بڕیاریشە لە رۆژی یەکشەممە (١٣ـی ئەیلولی ٢٠٢٦) پرۆسەی بڕینی ئەلیکترۆنی بۆ
بریکارەکانی خۆراک لە بەغدا و تەواوی پارێزگاکان دەستپێبکات، بە مەرجێک لە قۆناغی
یەکەمدا پێشینە بدرێت بە ناوچە هەژارنشینەکان تاوەکو بە زووترین کات پێیان بگات.
