ئەکتەرێکی بەناوبانگی ئەمریکی بڕیاریداوە گورچیلەیەکی ببەخشێت

ئەکتەری بەناوبانگی ئەمریکی جێسی ئایزنبێرگ رایگەیاند کە بڕیاری داوە بە مەبەستی خێرخوازی گورچیلەیەکی ببەخشێتە کەسێکی نەناسراو.

لە چاوپێکەوتنیکیدا لە بەرنامەی " TODAY" باسی لەوە لەوە کرد کە هەمیشە خوێنبەخشێکی زۆر بەخشندە بووە، بەڵام ئێستا بەخشینەکەی دەباتە ئاستێکی دیکە بە بەخشینی یەکێک لە گورچیلەکانی بۆ کەسێکی نەناسراو.

ئەو ئەکتەرە گەنجە رایگەیاند " ئەمە هەنگاوێکی سەلامەتە و بێ مەترسییە و بەتەواوی نایابە، پێموایە خەڵک درک بە گرنگی ئەم کارە دەکەن"

ئەکتەرە تەمەن ٤٢ ساڵەکە ئاماژەی بەوەشکرد بە بەردەوامی ئارەزووی کاری خێرخوازی دەکات و بە پەڕۆشەوە ئەنجامی دەدات.

ڕاپۆرتەکان ئاماژە بەوە دەکەن کە لە مانگی ئەیلولی ٢٠٢٤ەوە نزیکەی ٩٠ هەزار کەس لە لیستی چاوەڕوانی چاندنی گورچیلەدان.

ئایزنبێرگ بە ڕۆڵەکانی لە فیلمەکانی " The Social Network" و "Now You See Me" ناسراوە.