توێژەرانی زانکۆی کالیفۆرنیائامێرێکیان دروستکردووە کە چاکبوونەوەی برینەکان بە ڕێژەی 25% خێراتر دەکات بە بەراورد بە چارەسەرە ئاساییەکان.

توێژەران ئاماژەیان بەوەکردووە، سەرکەوتووبوون لە داهێنانی ئامێرێکی زیرەک کە بە a-Heal ناسراوە، کە تەکنەلۆژیای مایکرۆ کامێرا و بایۆئێلکترۆنیکی تێکەڵ دەکات هەروەها پشت بە سیستەمێکی پێشکەوتووی زیرەکی دەستکرد دەبەستێت، ئەمەش پشتڕاستی دەکاتەوە کە یارمەتی دابینکردنی چارەسەری کەسی دەدات بۆ هەر برینێک بە پشتبەستن بە قۆناغەکەی و پێداویستییەکانی نەخۆشەکە.

هەروەها ئامێرەکە بە شێوەیەکی زیرەک و یەکگرتوو کاردەکات، کە کامێراکەی هەر دوو کاتژمێر جارێک وێنەی برینەکە دەگرێت و ئەم وێنانەش بە مۆدێلێکی زیرەکی دەستکرد شیکاری دەکرێن کە بە "پزیشکی زیرەک" ناسراوە.

پرۆفیسۆر مارکۆ ڕۆلاندی، سەرۆکی تیمی توێژینەوەکە دەڵێت " ئامێرەکە دەستنیشانکردن و پرۆسەی چارەسەرکردن خێراتر دەکات، هیوادارن ئەم داهێنانە بەشداربێت لە خێراکردنی چاکبوونەوەی برینە قورسەکان و سووتاوی"

ئامێرەکە دەتوانێت داتای چاکبوونەوە لە ڕێگەی ڕووکارێکی ئۆنلاینەوە بگوازێتەوە، ئەمەش ڕێگە بە پزیشکان دەدات چاودێری حاڵەتەکە بکەن و دەستوەردان بکەن لەکاتی پێویستدا.