ئەنجومەنی باڵای نەوەی نوێ سەرۆک و جێگری سەرۆکی فراکسیۆنی لە پەرلەمانی کوردستان هەڵبژارد.
ئەنجومەنی باڵای نەوەی نوێ لە راگەیەنراوێکدا ئاماژەی بەوەدا، "بڕیارماندا بە دیاریکردنی کاوە عەبدولقادر وەک سەرۆکی فراکسیۆنی نەوەی نوێ و مژدە مەحمود وەک جێگری سەرۆکی فراکسیۆنەکە لە پەرلەمانی کوردستان."
باسی ئەوەشکردووە، "ئەنجومەنی باڵای نەوەی
نوێ و فراکسیۆنی نەوەی نوێ لە هەرێم و بەغدا دوپاتی دەکەنەوە کە جوڵانەوەکە و فراکسیۆنەکانمان
بەردەوام دەبن لە خزمەتی هاوڵاتیان و شەڕکردن لەسەر ماف و قوتی خەڵک و بەردەوامبوون
لەسەر هەڵوێستەکانمان."
ئەوەش لەکاتێکدایە، لە کۆتایی مانگی
رابردوودا، کازم فاروق سەرۆکی پێشووی فراکسیۆنی نەوەی نوێ لە پەرلەمانی کوردستان وتی،
دەست لەکاری پەرلەمان دەکێشێتەوە و واز لە موچەی خانەنشینی دەهێنێت و دەگەڕێتەوە بۆ
نەخۆشخانەی هیوا بۆ خزمەتکردن.