PM:12:40:01/04/2026
488 جار خوێندراوەتەوە
نێچیرڤان بارزانی، بەبۆنەی سەرکەوتنی هەڵبژاردەی عێراق بۆ مۆندیالی ٢٠٢٦، پەیامێکی پیرۆزبایی ئاراستەی عێراقییەکان و وەرزشوانان کرد و رایگەیاند، ئەم دەستکەوتە مێژووییە کە دوای ٤٠ ساڵ چاوەڕوانی بەدیهات، جێگەی شانازیی هەموو عێراقییەکانە.
ئەمڕۆ چوارشەممە ١ـی نیسانی ٢٠٢٦، نێچیرڤان بارزانی، سەرۆکی هەرێم لە راگەیەندراوێکدا بڵاویکردەوە، ئەم سەرکەوتنە مژدەیەکە و دوای ٤٠ ساڵ چاوەڕوانی، شانازییەکی گەورەی بۆ عێراقییەکان تۆمار کرد.
هاوکات لە
پەیامەکەیدا نێچیرڤان بارزانی دەستخۆشی لە یاریزانان و ستافی هەڵبژاردەی عێراق
کردووە کە بە هەوڵ و دڵسۆزیی خۆیان خەونی مۆندیالیان کردە راستی.
هەروەها هیوای
سەرکەوتنی بۆ هەڵبژاردەکە لە ناو یارییەکانی مۆندیال خواستووە و هیوای وایە ئەم
بردنەوەیە ببێتە هاندەرێک بۆ تەبایی و شادیی زیاتر بۆ هەمووان.
هەڵبژاردەی عێراق
دوای ساڵی ١٩٨٦، ئەمە یەکەمجارە دەگاتە یارییەکانی مۆندیال، کە بڕیارە لە ساڵی ٢٠٢٦
لە وڵاتانی ئەمریکا، کەنەدا و مەکسیک بەڕێوەبچێت.
