هەموومان ئامانجێکمان هەیە لە ژیاندا کە دەمانەوێت پێی بگەین، خاڵێكی سەرکەوتن هەیە کە دیاریمان کردووە و خەونی پێوە دەبینین.

بۆ گەیشتن بە خاڵی سەرکەوتن پێنج نهێنی هەیە کە دەبێت هەموو کەسێك بیگرنە بەر و جێبەجێی بکەن، جا ئامانجەکەیان لە هەر بوارێکدا بێت، وەك لە بابەتێکی ماڵپەڕی "لوبنان ٢٤"دا باسکراوە، بەم جۆرە:

١. ئارامگربە لەکاتی شکست هێناندا

سەرکەوتنی ئاسان بوونی نیە، بەبێ شکستیش سەرکەوتن بوونی نابێت، بۆیە ئەو کەسەی کە خۆڕاگر دەبێت لەکاتی شکست هێناندا دەگات بە خاڵی سەرکەوتن.

٢. متمانەبەخۆبوون:

بۆئەوەی بە پلیکانەکانی سەرکەوتندا سەربکەویت دەبێت متمانەبەخۆبوونت هەبێت، بڕوای تەواوت بە بیرکردنەوە و بڕیارەکانت و هەنگاوەکانت هەبیت.

٣. وەرزشکردن بە بەردەوامی:

وەرزشکردن و پارێزگاریکردن لە جوانی و ڕێکی جەستە رۆڵێکی گرنگ دەبینێت بۆ رووبەڕووبوونەوەی تەمبەڵی و زیادبوونی چالاکی جەستە و مێشك.

٤. رێزگرتن لە کەسانی دیکە:

ئەگەر ویستت رێزت لێبگیرێت و پشتگیری بکرێت ئەوا دەبێت رێز لە راوبۆچوونی کەسانی دیکە و بیرۆکەکانیان وەربگرن.

٥. گەشتکردن:

گەشتکردن و کرانەوەی رێچکە نوێیەکان و فێربوونی بەهرەی نوێ لەگەڵ زیادکردنی زانیاری گشتی و تێکەڵبوون بە کۆمەڵگەکانی دیکە و فێربوون لێیانەوە یەکێکی دیکەیە لە نهێنییەکانی سەرکەوتن.