دوای تێپەڕبوونی ٢٠ ساڵ بەسەر بەرهەمهاتنی بەشی
یەکەمی، خێزانی سیمپسۆنەکان خۆیان ئامادە دەکەنەوە بۆ بەشی دووەمی زنجیرەکە.
کۆمپانیای دیزنی و کۆمپانیای "20th Century Fox" ڕۆژی دووشەممە ٢٩ی ئەیلول لە تۆڕی کۆمەڵایەتی ئینستاگرام رایگەیاند پاش
تێپەڕینی ٢٠ ساڵ بەسەر بەرهەمهێنان و بڵاوکردنەوەی بەشی یەکەم، بەشی دووەمی زنجیرەکە
لە ٢٣ی تەمموزی ٢٠٢٧ نمایش دەکرێت، لەگەڵ پۆستەرێکی نوێدا کە لەسەری نووسراوە
"هۆمەر گەڕاوەتەوە بۆ بینینێکی دیکە".
زنجیرەی " The Simpsons" لە ساڵی ١٩٨٩ لەلایەن
مات گرۆنینگەوە دروستکراوە، داهاتی زیاتر لە ٥٣٦ ملیۆن دۆلاری لە سەرانسەری جیهاندا
بەدەستهێناوە و پلەی PG-13ی بەدەستهێناوە.
خێزانی سیمپسۆنەکان پێکهاتوە لە چەن
کەسایەتیەکی خەیاڵیی کە لە زنجیرەیە کارتۆنێکی تەلەفیزۆنیدا هەن بە ناوی "سیمپسۆنەکان"،
ئەم خێزانە لە ژن و مێردێک بە ناوی "هۆمەر" و "مارج" و سێ
منداڵەکەیان پێکدێت کە ناویان "بارت و لیزا و ماگی"یە