زۆربەی کەس دەیانەوێت کێشی جەستەیان کەم بکەنەوە، بەڵام بەرامبەر خۆراکەکان لاوازن و ناتوانن کێشیان داببەزێنن و نازانن لە راسیتیدا کۆمەڵێک خواردن هەن یارمەتییان دەدات بۆ دابەزینی کێش.

بەپێی راپۆرتێکی ماڵپەریEatthis، چوار خواردن هەن کە دەوڵەمەندن بە پڕۆتین و دژە ئۆکسان و ڤیتامینەکان، یارمەتی دەدەن بە تێری بمێنیتەوە و لەهەمان کاتدا کێشت داببەزێت، بەم جۆرە:

شۆفان:

شۆفان هەڵبژاردەیەکی باشە، بەتایبەت بۆ نەخۆشانی شەرکەی جۆری دووەم، بڕێکی باش ماددە ریشاڵییەکانی تێدایە، ئەوەش یارمەتی کەمکردنەوەی کێشت دەدات و پەرە بە کۆئەندامی هەرست دەدات و دڵت دەپارێزێت.

گوێز:

گوێز خواردنێکە زوو تێرت دەکات، برێکی باس ڤیتامین، چەوری تەندروست و ماددەی ریشاڵی تێدایە، توێژینەوەکانیش سەلماندوویانە خواردنی بڕێک لە گوێز لە هەفەتەیەکدا، یارمەتی ژنان دەدات تەمەنیان درێژبێت.

سەوزەوات:

خواردنی سەوزەی تازە باشترین بژاردەیە، بەڵام ئەگەر کەسێک سەزەوی تازەی دەست نەکەوت دەتوانێت سەوزەی بەستوو بخوات.

ماسی سەلەمۆن:

سەلەمون دەوڵەمەندە بە ئۆمێگا ٣، جەستەی مرۆڤ بە شێوەیەکی سروشتی ئەم چەورییە تەندروستانە بەرهەم ناهێنێت، بۆیە زۆر گرنگە دڵنیا بیت لەوەی لە خۆراک و تەواوکەرە خۆراکییەکانەوە دەستت دەکەوێت، ئۆمیگا ٣ یارمەتی پاراستنی تەندروستی و درەوشاوەیی و گەشەی قژ دەدات.