پیاسەکردن یەکێکە لە سادەترین و کاریگەرترین ڕاهێنانەکان بۆ باشترکردنی تەندروستی، پێویستی بە هیچ ئامێرێکی تایبەت و کارامەیی ئاڵۆز نییە.

بەپێی هەواڵێکی ماڵپەڕی "eremnews" شارەزایانی تەندروستی پێشنیاری ئەوە دەکەن کە ڕۆژانە ٣٠ خولەک بە پێ بڕۆین، کە یەکسانە بە ١٥٠ خولەک لە هەفتەیەکدا، ئەم بڕە کاتەش بەسە بۆ یارمەتیدانی کەمکردنەوەی مەترسی تووشبوون بە نەخۆشییەکانی دڵ و باشترکردنی باری دەروونی و ڕێکخستنی ئاستی شەکر لە خوێندا.

درێژکردنەوەی کاتەکانی ڕۆیشتن بۆ ٤٥ خولەک دەتوانێت سووتانی چەوری زیاد بکات و زیاتر پشتگیری لە کارکردنی دەروونی بکات بە باشترکردنی باری دەروونی و پاراستنی لەشجوانی.

هەڵبژاردنی نێوان ٣٠ بۆ ٤٥ خولەک بەندە بە ئامانجە کەسییەکان و بارودۆخی تەندروستی خۆتەوە، بەم شێوەیە:

- ٣٠ خولەک: گونجاوە بۆ پاراستنی تەندروستی گشتی و ئاسانە بۆ جێبەجێکردن.

- ٤٥ خولەک: بژاردەیەکی باشتر بۆ ئەوانەی دەیانەوێت کێشیان دابەزێنن یان توانای دەروونییان باشتر بکەن.

پێش دەستپێکردنی هەر بەرنامەیەکی نوێی وەرزشکردن، باشتر وایە ڕاوێژ بە پزیشک بکەیت، بەتایبەتی بۆ ئەو کەسانەی کە بارودۆخی تەندروستی تایبەتیان هەیە.