PM:12:51:01/04/2026
756 جار خوێندراوەتەوە
كەشناسیی هەرێم رایگەیاند، ئەمڕۆ ئاسمان ساماڵ و پەڵە هەور دەبێت هەندێک کات دەگۆرێت بۆ نیمچە هەور، بەڵام لە کاتەکەکانی دوای نیوەرۆی سبەی پێنجشەممەوە ئاسمان بۆ هەوری تەواو دەگۆرێت و شەپۆلی بارانبارین دەستپێدەکاتەوە.
ئەمڕۆ چوارشەممە ١ـی نیسانی ٢٠٢٦، بەڕێوەبەرایەتی گشتی كەشناسیی هەرێم لەڕاگەیەندراوێكدا بڵاویكردەوە، ئەمڕۆ ئاسمان ساماڵ و پەڵە هەور دەبێت هەندێ کات دەگۆرێت بۆ نیمچە هەور. هەروەها پلەکانی گەرما بەرز دەبێتەوە بە ( ٢ - ٤ ) پلە بە بەراورد لە تۆمارکراوی دوێنێ.
ئاماژەی بەوەشكرد،
سبەی پێنج شەممە ئاسمان لەنێوان پەڵە هەور و نیمچە هەور دەبێت، پاشان بۆ کاتەکەکانی
دوای نیوەرۆ ئاسمان بۆ هەوری تەواو دەگۆرێت و شەپۆڵی بارانبارین دەستپێدەکاتەوە. بەڵام
پلەكانی گەرما کەمێک بەرز دەبێتەوە لە تۆمارکراوەکانی ئەمڕۆ.
لەبارەی دەسپێكردنەوەی
بارانبارینەوە کەشناسی دەڵێت، "سبەی سەرەتا لەسەر سنووری پارێزگای دهۆک نمەباران
و بارانێکی مامناوەند دەبێت، پاشان شەپۆلەکە درێژ دەبێتەوە بۆ هەولێر و سلێمانی و
هەڵەبجە. كە باران بەشێوەیەکی نمەباران و بارانی ما ناوەند دەبێ. رێژەی بارانبارین
لە سنوری دهۆک زیاتر دەبێت بەراورد بە پارێزگاکانی دیكە.
