PM:03:09:13/03/2026
812 جار خوێندراوەتەوە
دەسەڵاتی فڕۆکەوانی عێراق، داخستنی ئاسمانی عێراقی بۆ ماوەی ٧٢ کاتژمێری دیکە درێژکردەوە.
ئەمڕۆ هەینی ١٣ـی ئازاری ٢٠٢٦، دەسەڵاتی فڕۆکەوانی عێراق لە بڵاوکراوەیەکدا رایگەیاند، داخستنی ئاسمانی عێراق بەڕووی هەموو فڕۆکەکانی هاتن و رۆشتن بۆ ماوەی ٧٢ کاتژمێری دیکە درێژکرایەوە، کە لە کاتژمێر ١٢ـی پاشنیوەڕۆی ئەمڕۆ دەستیپێکردووە و لە کاتژمێر ١٢ـی شەوی دووشەممە کۆتایی دێت، ئەمەش وەک رێکارێکی خۆپارێزی کاتییە.
ئاماژەی بەوەشکرد، ئەم بڕیارە لەسەر بنەمای هەڵسەنگاندنی بەردەوامی دۆخی
ئەمنی و پێشهاتەکانی ناوچەکەیە، و بەپێی پێشهاتە نوێیەکان هەڵسەنگاندنی بۆ دەکرێتەوە
هەروەها، هێڵە ئاسمانییەکان و لایەنە پەیوەندیدارەکان لە هەر بڕیارێکی نوێ ئاگادار
دەکرێنەوە.
