PM:01:27:13/03/2026
1220 جار خوێندراوەتەوە
سێنتکۆم رایگەیاند، بەهۆی كەوتنەخوارەوەی فڕۆكەیەكی ئەمریكی لە عێراق چوار سەربازیان گیانیان لەدەستداوە و دوو سەربازی دیکەش بێسەروشوێنن.
ئەمڕۆ هەینی ١٣ـی ئازاری ٢٠٢٦، فەرماندەیی ناوەندی هێزەکانی ئەمریکا (سێنتکۆم) لە راگەیەندراوێکدا بڵاویکردەوە، بەرەیانی ئەمڕۆ ، فڕۆکەیەکی سووتەمەنیهەڵگر لە جۆری KC-135ی ئەمریکی لە رۆژئاوای عێراق کەوتەخوارەوە، کە شەش ئەندامی دەستەی فڕۆکەکەی تێدابووە، چواریان گیانیان لەدەستداوە.
ئاماژەی بەوەشکرد، تا ئێستا هۆکاری
کەوتنەخوارەوەی فڕۆکەکە ئاشکرانەبووە و لە ئێستادا سەرقاڵی لێکۆڵینەوەن، بەڵام
پەیوەندی بە تەقەی دۆستانە یان دوژمنکارانە نەبووە.
باسی لەوەشکرد، دوو فڕۆکەوانەکەی تر
بێسەروشوێنن و هێزەکانی ئەمریکا لە ئێستادا بەدوایاندا دەگەڕێن و هەوڵی
رزگارکردنیان دەدەن.
