PM:03:02:25/11/2025
816 جار خوێندراوەتەوە
وەزارەتی نەوتی عێراق ئاماری فرۆشی نەوتی مانگی رابردووی بڵاوکردەوە و دەڵێت، داهاتی فرۆشی نەوتی مانگی رابردوو زیاتر لە حەوت ملیار دۆلار بووە و وتیشی، نزیکەی شەش ملیۆن بەرمیل نەوتی هەرێم لە رێگەی بەندەری جەیهانەوە فرۆشراوە.
ئەمڕۆ سێشەممە ٢٥ـی تشرینی دووەمی ٢٠٢٥، نەوتی عێراق باسی لەوەشکردووە، مانگی رابردوو نزیکەی ١١١ ملیۆن بەرمیل نەوت هەناردەکراوە و وتیشی، کۆی فرۆشی نەوتی عێراق حەوت ملیار و ٣٠ ملیۆن دۆلار بووە.
ئاماژەی بەوەشکرد، لە مانگی رابردوودا پێنج
ملیۆن و ٨٣٤ هەزار بەرمیل نەوتی هەرێمی کوردستان لە رێگەی بۆری بۆ بەندەری
جەیهان لە تورکیا هەناردەکراوە، و وتیشی، نەوتی عێراق لە بەسرە و بەندەری جەیهان و
دەروازەی ئەردەنەوە هەناردەکراوە.
