لە ئەمڕۆوە پشووی فەرمی لە هەرێم کۆتایی دێت و بەو هۆیەشەوە بەرنامەی کارکردنی مۆلیدە ئەهلییەکان دەگۆڕێت.
لە هەشت رۆژی رابردوودا بەهۆی پشووەوە بەرنامەی کارکردنی مۆلیدەکان گۆڕا و ئەو یەک کاتژمێرەی لە بەیانیاندا کارەبایان دەدا بە هاوڵاتییان نەما، کە لە کاتژمێر ٧ بۆ ٨ی بەیانی کارەبا دەدرا بە هاوڵاتییان.
پێشتر بەرنامەی کارکردنی مۆلیدەکان بە جۆرێک بوو، لە بەیانیاندا یەک کاتژمێر
کارەبایان دەدایە هاوڵاتییان و نیوەڕوانیش لە کاتژمێر ١٢ی نیوەڕۆ تاوەکو ١ی شەو لەکاتی
نەبوونی کارەبای نیشتیمانیدا کاریان دەکرد.
لە ماوەی هەشت رۆژی رابردوودا، بەهۆی پشووەوە بەرنامەی کاریان گۆڕابوو
و کاتژمێری بەیانیان کارەبا نەدەدرا بە هاوڵاتییان و نیوەڕوان لە کاتژمێر ١١ کار
بە مۆلیدەکان دەکرا، لە ئێستاشدا بەهۆی کۆتایی هاتنی پشووەوە بەرنامەی کارکردنیان
دەگۆڕێت و وەک پێشووتری لێدێتەوە.
لەگەڵ ئەوەشدا، هۆشداری دراوەتە سەرجەم مۆلیدە ئەهلییەکان لەکاتی
نەبوونی کارەبای نیشتیمانیدا بە ١٠ خولەک کارەبا بدەنە هاوڵاتییان ئەگەر نا رووبەڕووی
سزای یاسایی دەبنەوە.