سەرۆک کۆماری عێراق رایگەیاند، سەرۆک کۆماری هەموو عێراقییەکان دەبێت بەبێ جیاوازیی و کار بۆ پاراستنی سەروەری وڵات و بەرژەوەندییەکانی گەل دەکات.
عەبدولەتیف رەشید سەرۆک کۆماری عێراق لە هەژماری تایبەتی خۆی لە تۆڕە کۆمەڵایەتییەکان پەیامێکی بڵاوکردەوە و تیایدا هاتووە، "سوپاسی خۆم ئاراستەی نوێنەرانی گەلی عێراق و سەرجەم هێزە سیاسییەکان دەکەم بۆ پێدانی متمانەیان بەمن".
ئاماژەی بەوەشداوە، بەڵێندەدات سەرۆک
کۆماری هەموو عێراقییەکان دەبێت بەبێ جیاوازیی و کار بۆ پاراستی سەروەری وڵات و بەرژەوەندییەکانی
گەل دەکات.
ئەمە لەکاتێکدایە، دوێنێ پێنجشەممە، لە دانیشتنی پەرلەمانی عێراق تایبەت
بە ھەڵبژاردنی سەرۆک کۆمار و لە گەڕی دووەمی هەڵبژاردنەکەدا، عەبدولەتیف رەشید کاندیدی
هاوبەشی پارتی و یەکێتی بە بەدەستهێنانی ١٦٢ دەنگ بووە پێنجەمین سەرۆک کۆماری عێراق.
لە بەرامبەردا، بەرهەم ساڵح کاندیدی یەکێتی ٩٩ دەنگی بەدەستهێنا و نەیتوانی
بۆ خولێکی دیکەی سەرۆکایەتی کۆمار متمانەی پەرلەمان بەدەست بهێنێتەوە.