هەندێک لەو خواردن و خواردنەوانەی کە ڕۆژانە دەیانخۆین بە شێوەیەکی مەترسیدار کاریگەری لەسەر دۆخی تەندروستی مێشک دروست دەکەن.

لە هەواڵێکی ماڵپەڕی "healthdirect" دا باس لەوە کراوە هەندێک خواردن و خواردنەوە هەن وادەکات ببێتە هۆی لەدەستدانی یادەوەری و دابەزینی توانای تێگەیشتن بە تێپەڕبوونی کات، ئەوانیش بریتین لە:

١. خواردنەوە گازی و شیرینکراوەکان:

ئەم خواردنەوانە بە مەترسی پلە یەک لەسەر مێشک دادەنرێن چونکە دەبنە هۆی بەرزبوونەوەی ئاستی ئەنسۆلین و هەوکردنی درێژخایەنی مێشک، ئەمەش بەشی یادەوەرییەکان لە مێشکدا بچووک دەکاتەوە.

٢. خواردنە خێرا و کاربۆهیدراتیەکان:

ئەم خواردنانە ڕێژەیەکی باش لە چەوری ناتەندروست و کاربۆهیدراتیان تێدایە، کە دەبنە هۆی گیران و تەسکبوونەوەی دەمارە گوێزەرەوە وردەکانی ناو مێشک و لە دەستدانی یادەوەری و توشبوون بە جەڵدەی مێشک.

٣. گۆشت و خواردنە لەقتوونراوەکان:

بە یەکێکی دیکە لە ماددە ژەهراوی و کوشندەکان دادەنرێت کە زیانێکی زۆر بە تەندروستی گشتی مێشک و جەستە دەگەیەنێت ئەویش بەهۆی بوونی ڕێژەیەکی زۆر لە ماددە پارێزەرەکان کە وا دەکات خواردنەکان بۆ ماوەیەکی زۆر بمێننەوە، ئەم مادانەش کار دەکەنە سەر هەوکردنی خانەکانی مێشک و پوکانەوەی ئەو بەشەی مێشک کە بەرپرسە لە یادەوەرییەکان .

٤. خواردنە سورکراوەکان:

توێژینەوەکان ئەوەیان دەرخستووە کە ئەو خواردنانەی کە سورکراوەن ڕۆیشتنی خوێن بۆ مێشک خاو دەکەنەوە لە هەمان کاتدا ئەگەرەکانی تووشبوون بە نەخۆشی زەهایمەر زیاد دەکەن.