ڤیدیۆیەك بەڕاددەیەکی زۆر بەتۆڕە کۆمەڵایەتییەکاندا بڵاوبووەتەوە کە بەرجەستەی ئازار و نەهامەتی لوبنانییەکان دەکات لە ئێستادا و لە ڤیدیۆکەدا پیاوێکی لوبنانی دەرکەوتووە کە بە ماتۆڕسکیلەکەی ژنە نەخۆشەکەی دەگوازێتەوە بۆ یەکێك لە نەخۆشخانەکان.

وەك لە ڤیدیۆکەدا دەردەکەوێت ئەو پیاوە لوبنانییە بە یەکێك لە دەستەکانی شۆفێری دەکات و بە دەستەکەی دیکەی موغەزی بۆ هاوسەرەکەی گرتووە کە بە کانۆلاکەی دەستییەوە بەستراوە و دەیگوازێتەوە بۆ نەخۆشخانە، وەك لە هەواڵێکی ماڵپەڕی "العربیة"دا باسکراوە.

بەکارهێنەرانی تۆڕە کۆمەڵایەتییەکان هاوسۆزییان دەربڕیوە بۆ ئەو ڤیدیۆیە و بەڕاددەیەکی زۆر بەتۆڕە کۆمەڵایەتییەکاندا بڵاوبووەتەوە و بەشێکی زۆریان هاوخەم بوون بۆ ئەو دۆخەی لوبنانی تێدایە.

جێی باسە سیستمی تەندروستی لە لوبنان بەرەو رووخان دەچێت و بەشێکی زۆری نەخۆشخانەکانی ئەو وڵاتە کێشەی کەمبوونەوە و نەمانی ماددەی پزیشکیان هەیە، هەروەها کارەبا بە بەردەوامی دەبڕێت بەهۆی کەمبوونەوەی ماددەی پیترۆڵییەوە کە لوبنان لە ئێستادا نییەتی.