رێژەیەکی زۆر لە خەڵک بەدەست ئاوی سپی چاوەوە دەناڵێنن و ئەم نەخۆشیەش یەکێکە لە نەخۆشیەکانی تێکچوونی چاو دادەنرێت، ئەستەمی بینین و لێڵی بۆ تووشبوو دروست دەکات.

ماڵپەڕی "allaboutvision"، تیشكی خستۆتە سەر گرنگترین ئەو ئامۆژگارییانەی كە دەبێت بگیرێنەبەر بۆ ئەوەی تووشی ئاوی سپی چاو نەبن، هەروەها هۆكارەكانی مەترسی بۆ تووشبوون بە هەوكردن ​​و شێوازەكانی چارەسەركردن، بەم جۆرە:

ئەو کەسانە کێن کە مەترسی تووشبوونیان بە ئاوی سپی چاویان لەسەرە؟

-کەسانی بەساڵاچوو کە کێشیان زیادە.

-نەخۆشانی شەکرە زیاتر تووشی دەبن.

- ئەو نەخۆشانەی فشاری خوێنیان بەرزە.

- ئەوانەی جگەرە دەکێشن.

ئەو کەسانەی کە خۆراکی تەندروست ناخۆن و تووشی بەدخۆراکی بوون.

- بەرکەوتنی درێژخایەن بە تیشکی خۆر.

چارەسەری ئاوی سپی چاو چۆنە؟

دوو جۆر ڕێگە هەیە بۆ چارەسەرکردنی ئاوی سپی چاو، لەوانە:

لەبەرکردنی چاویلکەی پزیشکی کە ڕەنگە یارمەتیدەرێکی بەرچاو بێت لە کەمکردنەوەی نیشانەکانی ئاوی سپی چاو.

نەشتەرگەرییەکی ١٥ خولەکی، کە لەو ماوەیەدا چاویلکەی تووشبوو دەردەهێنرێت و دەگۆڕدرێت بە عەدەسەی دەستکرد.

ئەو ئامۆژگارییانە چین بۆ خۆپاراستن لە ئاوی سپی چاو؟

-رێجیمێکی تەندروست پەیڕەو بکە کە دەوڵەمەندە بە سەوزە و میوە، هەروەها باشترە کە دەوڵەمەند بێت بە ڤیتامین C و A.

-واز لە جگەرەکێشان بهێنە،

-دوور بکەوەرەوە لە بەرکەوتنی ڕاستەوخۆی تیشکی خۆر.

- ڕزگاربوون لە کێشی زیادە.

وەرزشکردن یەکێکە لە گرنگترین ئامۆژگارییەکان.

بەردەوام پشکنینی چاو ئەنجام بدە.

ر.ئ