ئەو کەسانەی توشی سکچوون بوون پێویستە گرنگی بە جۆرییەتی خواردنەکانیان
بدەن، بۆ ئەوەی زووتر لەو نەخۆشییە چاک ببنەوە و لە زیانەکانی بەدوربن.
کامەران رەسوڵ ژاژڵەیی پسپۆڕی زانستی خۆراک لە پەرەی فەرمی خۆی لە فەیسبوک
ئاماژەی بەو خواردن و خواردنەوانە کردووە کە لە کاتی سکچووندا بخورێن، ئەوانیش:
یەکەم: ماست، سەرچاوەیەکی
باشی پڕۆبایۆتیکەکانە کە یارمەتی گەشەکردنی بەکتریا بەسوودەکانی ناو ڕیخۆڵە دەدات
جگە لە بوونی بڕێکی باش لە ئاو و خێرا هەرسکردنی .
دووەم: مۆز، بە هۆی
ئاسان هەرسکردنی و بوونی بڕێکی باش ماددەی پێکتین کە جۆرێکە لەو ماددە ڕێشاڵیانەیە
کە بە ئاسانی دەتوێنەوە، ماددەی ئەنیولین کە دەوڵەمەنده بە پڕۆبایۆتێکەکان بێجگە لە
بوونی کانزای پۆتاسیۆم .
سێیەم: پەتاتەی کوڵاو یان
برنجی کوڵاو بێ تێکردنی زەیت یا ڕۆن.
چوارەم: شۆربای مریشک یان ئاوی
مریشک ( پێویستە پێستەکەی لاببرێت پێش کوڵاندنی)، سینگی مریشک یان قەل یان قاز بە کوڵاوی .
پێنجەم: بلوبێری و شلیک و تووتڕک .
شەشەم: هەرمێ و سێو:
دوای لێکردنەوەی توێکڵەکەی لەگەڵ شەرەبەتی فرێشی هەرمێ و سێو و کێوی .
حەوتەم: چای گوڵەبەیبوون
و چای نەعنا و چای زەنجەبیل و گیراوەیجاترە .
هەشتەم: شۆڤان .
ئەو پسپۆرە ئەو خواردن و
خواردنەوانەی خستووەتە ڕوو کە نابێت لە کاتی سکچووندا بخورێن، ئەوانیش:
یەکەم: ئەو خواردنەوانەی ماددەی
کافاینیان تێدایە وەک چا و قاوە.
دووەم: خواردنەوە گازییەکان و
کهول .
سێیەم: خواردنی چەور و
سوورکراوە .
چوارەم: شیرینی و ئەو خواردنەوانەی شەکر و ماددەی شیرینکردنی دروستکراوەی وەک سۆربیتۆڵی تێدایە .
پێنجەم: پاقلەمەنییەکان و بڕۆکلی و قەرنابیت و بیبەر و سەوزە گەڵاتۆخەکان .
شەشەم: شیر و هەندێک لە شیرەمەنییەکان وەکقەیماغ و پەنیر بە تایبەت لەو کەسانەی کێشەی هەرسنەکردنی لاکتۆزیان هەیە .
کامەران رەسوڵ رایگەیاندووە، ئەو کەسانەی سکچوونیان هەیە گرنگی بە خواردنەوەی بڕی زیاتر
لە ئاو و گیراوەی دیکسترۆلایت و شلەمەنی ڕێگاپێدراو
بدەن بۆ خۆپاراستن لە وشکبوونەوەی جەستە، لەگەڵ خواردنی چەند ژەمێکی سووک هەنگاوێکی
بنەڕەیەتییە لە کاتی سکچوون دا .
ئ.ل