دوای بەرزبوونەوەی بەرجاوی نرخەکەی، ئەمڕۆ نرخی ئۆنسەیەک زێڕ بەروارد بە دوێنێ نزیکەی ٢٠٠ دۆلار دابەزی و نرخی مسقاڵێک زێڕی عەیارە ٢١ـیش بە ٨٥٢ هەزار دینار مامەڵەی پێوەدەکرێت.

ئەمڕۆ چوارشەممە ٢٢ـی تشرینی یەکەمـی ٢٠٢٥، نرخی ئۆنسەیەک زێڕ بە چوار هەزار و ١٣٦ دۆلار مامەڵەی پێوەدەکرێت، بەراورد بە دوێنێ نرخەکەی ١٩٦ دۆلار دابەزی، نرخی زیویش لە نزمبووەوە و و ئۆنسەیەک لەو کانزایە بە ٤٨ دۆلار و ٩٦ سەنت مامەڵەی پێوەکرا.

ئابووریناسان هۆکاری سەرەکی بەرزبوونەوەی نرخی زێڕ دەگەڕێننەوە بۆ گرژییە بازرگانییەکانی نێوان ئەمریکا و چین و چاوەڕوانییەکان بۆ کەمکردنەوەی سوودی بانکی لە ئەمریکا.

سەبارەت بەو بابەتە سەرۆکی بەشی ستراتیجی لە کۆمپانیای راوێژکاریی (بلوو لاین فیوچەرز) وتوویەتی، "زێڕ دەتوانێت بە ئاسانی بەردەوام بێت لە بەرزبوونەوەی و چاوەڕوانکراوە نرخەکەی تا کۆتایی ساڵی ٢٠٢٦ بگاتە سەرووی پێنج هەزار دۆلار."

لە بازاڕەکانی هەرێمیش بەهای زێڕ بەم شێوەیە:

زێڕی عەیارە ١٨ بە ٧٣١ هەزار دینارە

زێڕی عەیارە ٢١ بە ٨٥٢ هەزار دینارە

زێڕی عەیارە ٢٢ بە ٨٩٣ هەزار دینارە