رۆژانە چەندین کەس بۆ زانینی کێشی جەستەیان جارێک یان دوو جار دەچنە سەر کێشانە و چاودێری
دەکەن، ئەم رێگەیە بە گونجاوترین رێگەی چاودێریکردنی کێشی جەستە دادەنرێت.
بەڵام چەندین توێژینەوە ئاماژە بەوە دەدەن کە رۆژانە چوونە سەر کێشان و چاودێریکردنی
بەردەوامی کێشی جەستە کارێكێ هەڵەیە و دەبێت هەفتانە تەنها یەک جار ئەم کارە
بکرێت، وەک لە بابەتێکی ماڵپەڕی "فوشیا" باس کراوە.
لە بابەتەکەی ماڵپەڕی "فوشیا" ئاماژە بەم کاتانە دراوە کە نابێت
تیایاندا بچینە سەر کێشانە:
- دوای تەواو بوون لە راهێنانی وەرزشی، خۆ کێشان دروست نیە چونکە جەستە
چەندین شلەی لەدەستداوە بەهۆی ئارەق کردنەوەوە.
- راستەوخۆ دوای گەشتکردن بە فڕۆکە، ئەمەش بەهۆی ئەوەی جەستە بۆ ماوەیەکەی
کاتی باڵانسی خۆی لەدەست دەدات.
- دوای خواردنی ژەمێکی سوێر چونکە خوێی ناو خواردنەکە ئاوێکی زۆر لە
جەستەدا سەرف دەکات.
- لە کاتی بەڕۆژو بووندا.
- هەفتەیەک پێش سووڕی مانگانە، بەهۆی گۆڕانکاری لە هۆرمۆنەکاندا ئەگەری
زیاد بوونی کێشی جەستە هەیە لەو کاتانەدا.