کۆمەڵێك تایبەتمەندی هەن لە پیاواندا کە هەرگیز لەلای ژنان مایەی قبوڵکردن نین و تەنانەت وایانلێدەکات بیربکەنەوە لەوەی لەو پیاوە دووربکەونەوە.

ماڵپەڕی "الیوم السابع" ئاماژەی بە پێنج لە دیارترینی ئەو رەفتار و خووە خراپانەی پیاوان کردووە کە کاریگەرییان لەسەر پەیوەندی سۆزدارییان دەبێت و وادەکەن ئەو ژنەی لەگەڵیاندایە بیر لە دوورکەوتنەوە و جیابوونەوە بکاتەوە، بەم جۆرە:

رەزیل:

رەزیلی یەکێکە لە خراپترین خوو و رەفتارەکان کە بە دڵنیاییەوە وادەکات بەرامبەر بێزارببێت و بیر لە دوورکەوتنەوە بکاتەوە، رەزیلی تەنها لە ڕووی ماددییەوە نیە بەڵکو دەکرێت لەڕووی سۆزداری و دەربڕین و هەست و خۆشەویستییەوە بێت.

درۆ:

ئەگەر پیاوێك هەموو تایبەتمەندییەکی باشی هەبێت بەڵام لەگەڵ ئەوەدا خووی درۆ کردنی هەبێت، ئەوا بە دڵنیاییەوە هەموو تایبەتمەندییە باشەکانی دەشارێتەوە و تەنانەت متمانە لەدەستدەدات و دەکرێت نزیکترین کەسەکانی و لەوانەش خۆشەویستەکەی لێی دووربکەوێتەوە.

دەرنەبڕینی هەستەکان:

ئەم تایبەتمەندییە بە روخێنەر دادەنرێت لە پەیوەندی هەموو ژن و پیاوێکدا، ئەو پیاوەی کە هەستەکانی دەرنابڕێت جا بە هەر هۆکارێك بێت، ئەوا وێنەی لەچاوی ئەو ژنەدا تێكدەشکێت و تەنانەت وایلێدێت ژنەکە بیربکاتەوە کە لێی دووربکەوێتەوە بەهۆی ئەوەی وابیردەکاتەوە ئەم پیاوە بۆ ژیانی ناگونجێت.

خیانەت:

خیانەتکردن کۆتا خاڵە و لەدوای ئەوە هیچ شتێك پەیوەندییەکە چاكناکاتەوە، ئەمە وادەکات ژنێك بە تەواوی واز لە پیاوێك بهێنێت و هەرگیز بۆی نەگەڕێتەوە.

گومانکردنی زۆر:

گومانکردنی خراپ بە وتە و رەفتار یەکێکە لەو شتانەی کە زیاتر لە هەر شتێکی دیکە ژنان بێزار دەکات و وایان لێدەکات بیر لە دوورکەوتنەوە بکەنەوە.