لە گرتە ڤیدیۆیەکدا کە لە کامێرای چاودێرییەوە تۆمارکراوە، مامۆستایەکی بەریتانی زلە و شەق لە ئەسپێک دەدات، بەو هۆیەوە لێکۆڵینەوەی لەگەڵدا کراو لە کارەکەی دورخرایەوە.

رۆژنامەی دەیلی مەیلی بەریتانی ئاماژەی بەوەکردووە، ئەو مامۆستا بەریتانییە ناوی سارە مۆڵدزە و تەمەنی ٣٧ ساڵە، بەهۆی زلە و شەقلێدان لە ئەسپێک کارەکەی لەدەستداوە.

گرتە ڤیدیۆکەی لە تۆڕە کۆمەڵایەتییەکان بڵاوکراوەتەوە و کاردانەوەی توندی خەڵکی و ڕێکخراوەکانی پاراستنی مافی ئاژەڵانی لێکەوتووەتەوە.

لەدوای شەش هەفتە لە لێکۆڵینەوە لەگەڵ مامۆستاکە و راستی ڤیدیۆکە دواجار بڕیاری دورخستنەوەی مامۆستاکە لە کارەکەی دەرکراوە، جگە لەوەش نامەی تایبەت بۆ مامۆستاکە نێردراوە و هەرەشەی کوشتنی لێکراوە، هەر ئەوەش وایلێکردووە لەو شوێنەی کە لێی نیشتەجێیە باربکات و ماڵەکەی بەجێبهێڵێت.

ئ.ل