پزیشکان بەردەوام رێنمایی خەڵکی دەکەن بۆ پاراستن و مانەوەی ددانەکانیان بە تەندروستیی، چونکە بوونی هەر گرفتێک لە دداندا ئازار و هەوکردن دروست دەکات، لە هەمان کاتدا بۆ چارەسەرکردنی تێچووی زۆری دەوێت.

ماڵپەڕی ناشیۆناڵ وۆرد نیوز لە بابەتێکی تەندروستیدا حەوت خووی رۆژانەی خستووەتە ڕوو کە زیان بە ددانەکان دەگەیەنن، ئەوانیش:

یەکەم: نەشۆردنی ددانەکان بە باشی و رێگەی دروست، کە پێویستە رۆژی دووجار ددانەکانت بە فڵچە و هەویریی ددان بشۆیت.

دووەم: بەکارنەهێنانی پەتی ددان، کە پێویستە رۆژی جارێک بۆ نێوان ددانەکانت بەکاریبهێنیت.

سێیەم: جگەرەکێشان، هۆکارە بۆ زەردبوون و کۆبوونەوەی بەکتریا لەناو دەم و کلۆربوونی ددان.

چوارەم: زۆر خواردنی شیرینی و نە شۆردنی ددان لە دوای خواردنی شیرینی.

پێنجەم: زۆر خواردنی مزرەمەنییەکان کە بە تێپەڕبوونی کات زیان بە مینای ددان دەگەیەنێت.

شەشەم: نەخواردنەوەی ئاو بە بڕی پێویست، چونکە شێداری جەستە جگە لەوەی سوودی بۆ هەناو هەیە بۆ تەندروستیی ددانەکانیش بەسوودە.