چوالە میوەیەکی بەهارییە و دەوڵەمەندە بە ماددەی ئاسن و ڤیتامینات بەتایبەتی ڤیتامین A ، چەندین سوودی تەندروستی بە جەستە دەبەخشێت.

لە بابەتێکی ماڵپەڕی "Healthline" ئاماژەی پێکراوە، چوالە دەوڵەمەندە بە دژە ئۆکسێنەر و ڤیتامین لەوانە ڤیتامین C، ڤیتامین E، ئاسن، کالیسیۆم، مەگنیسیۆم، ڕیبۆفلاڤین و L-carnitine هەروەها پرۆتین و ڕیشاڵ دابین دەکات، و ڕێژەی گلایسیمیکی کەمی هەیە، ڕێگری دەکات لە هەڵوەرینی قژ و گەشەی قژ باشتر دەکات، سوودێکی زۆری بۆ جەستە و دڵ هەیە.

پسپۆران کۆمەڵێک سوودی تەندروستی چوالەیان ئاشکراکردووە، کە ئەمانەن:

١. تەندروستی پێست باشتر دەکات، رێگری لە دروستبوونی چرچ و پەڵەی ڕەش دەکات.

٢. بە شێوەیەکی کاریگەر کارەکانی مێشک و ئاستی هزری بەرز دەکاتەوە.

٣. یارمەتی دابەزاندنی کێش دەدات.

٤. خوێنبەرەکان لە ئەگەری پچڕان یان تێکچوون دەپارێزن.

٥. ڕێژەیەکی بەرزی فسفۆری تێدایە کە یارمەتی بەهێزکردنی ددان و پووک دەدات.

٦. وەک چارەسەرێکی سروشتی نایاب کاردەکات بۆ پاراستنی ئاستی pH لە جەستەدا.

٧. بڕێکی زۆر ڕیشاڵی تێدایە، ئەمەش وادەکات پرۆسەی هەرسکردن ئاسانتر بێت.