هەندێک کەس چ بەهۆی ئارەزوو نەکردن لە خواردنی نانی بەیانی یان خەوتن یاخود کارکردنەوە نانی ئەو ژەمە ناخۆن، کە زیانی تەندروستیی بۆ جەستە دەبێت و مەترسیی توشبوون بە نەخۆشییەکانی دڵ زیاتر دەکات.

لە ماڵپەڕی "healthline" بڵاوکراوەتەوە، نانی بەیانی یەکێکە لە ژەمە سەرەکییەکانی ڕۆژ و گرنگی تایبەتی هەیە بۆ جەستە، لە کۆمەڵێک نەخۆشی دوریدەخاتەوە و تەواوی ڕۆژەکەش هەست بە چالاکی و وزە دەکەیت، لەم بارەیەوە پسپۆران ئاماژەیان بە زیانەکانی نەخواردنی نانی بەیانی کردووە بۆ جەستە،بەم شێوەیە دەبێتە ھۆی کەم خۆراکی و کەم خوێنی، بەتایبەتی ئەو نەخۆشیانەی لەئەنجامی کەمی پێکھاتەی ترشی فۆلیک و خوێن و کانزا بڵاودەبێتەوە بەرھەمی چالاکیەکانی جەستە کەم دەکاتەوە.

نەخواردنی نانی بەیانی دەبێتە ھۆی پوکانەوەی مۆخ، چونکە بڕی پێویست خۆراک ناگات بە شانە و خانەکان ئەمەش ھۆکارە بۆ کەمبونەوەی توانای ئەو کەسە بۆ ئەنجامدانی کارەکانی هەروەها بەھۆی زیادبوونی رێژەی شەکر و پەکخستنی مژینی پڕۆتین و ماددەی خۆراکی بۆ گەشەی مێشک لە ئەنجامدا دەبێتە ھۆی رەقبونی دەمارەکانی مێشک و مەترسی توشبوون بە جەڵتەی مێشکی لێدەکەوێتەوە.

هۆکارە بۆ زیادبوونی کێشی جەستە بەهۆی ئەوەی ئارەزووی خواردنی لە ژەمەکانی تردا زیاددەکات لەگەڵ ئەوەشدا گرفتەکانی پێست زیاد دەکات و نیشانەکانی پیری خێراتر دەردەکەون.