حەسەن یاسین پزیشکی نەشتەرگەریی جوانکاریی لە لوبنان رایگەیاندووە، شتێکی جوان نییە کە سمت و ڕان زۆر گەورە بکرێت، هەروەک مەروە راتب و هونەرمەندی مەغریبی دنیا بەتمە کردوویانە.

ئەو پزیشکە لە لێدوانێکدا بە ماڵپەڕی فۆشیای ڕاگەیاندووە، ئاساییە خانمان نەشتەرگەریی جوانکاریی بکەن بەڵام بە مرجێک سادە بێت و زیادەڕەوی تێدا نەکرێت، بۆ ئەوەی مێینەبوون و سەرەنجڕاکێشییان لەدەستنەدەن.

ئەو پزیشکە ڕوونیکردووەتەوە، مەروە راتب و دنیا بەتمە نەشتەرگەریی لابردنی چەوری کەمەریان کردووە، چەورییەکەیان کردووەتە ڕان و سمتیان، لەگەڵیدا فیلەریشیان بەکارهێناوە.

ماڵپەڕەکە ئاماژەی بەوەکردووە، وێنەکانی ئەم دوواییەی مەروە راتب تۆڕە کۆمەڵایەتییەکانی تەنیوە بە جۆرێک کە جەستەیەکی نامۆی هەبووە، هەوادارەکانی ئاشکرایانکردووە نەشتەرگەریی گەورەکردنی سمت و رانی کردووە، لەگەڵ گەورەکردنی سنگی، لەلایەکی تریشەوە وێنە نوێیەکانی دنیا بەتمە کە لە ئینستاگرام بڵاویکردبووەوە تێیدا سمت و ڕانی گەورەبووە و لەچاو وێنەکانی پێشتری بە تەواوی گۆڕاوە.

ئ.ل