خێزانی فۆدین بەهۆی خراپی دراوسێکانیانەوە ناچارن کۆشکە گرانبەهاکەیان بۆ فرۆشتن دابنێن.

لە ئێستادا دایک و باوکی فیل فۆدن لە موڵکێکدا نیشتەجێن کە یاریزانەکە لە ساڵی 2021 کڕیویەتی، ئەستێرەکەی یانەی مانچستەر سیتی ساڵانێکی زۆر لەگەڵ دایک و باوکیدا لەوێ ژیاوە، پێش ئەوەی لەگەڵ ڕێبێکا کوکی هاوسەری و سێ منداڵە بچووکەکەیان ڕوو لە ماڵێکی دیکە بکەن.

ڕۆژنامەی زە سەنی بەریتانی لە ڕاپۆرتێکدا باسی لەوەکردووە، بنەماڵەی فۆدن لە ساڵی 2022 دا بە هۆی دەنگە دەنگ و هەراسانکردنی لە ڕادەبەدەریان لەلایەن دراوسێکانی نیشتەجێی ئەو گەڕەکەوە راپۆرتیان بە پۆلیس داوە و ئێستا وا دیارە ئەم بابەتە بووەتە کێشە بۆ ئەوان، خێزانەکە گەیشتوونەتە ئەو ئەنجامەی کە باشترین بڕیار لەم کاتەدا فرۆشتنی کۆشکەکەیە.

فۆدن لە ساڵی 2021 ئەو کۆشکەی بە نزیکەی دوو ملیۆن و 800 هەزار ملیۆن پاوەند کڕیووە لە نزیک شاری چێشێر، ئەم کۆشکە گەورەیە خزمەتگوزارییەکانی وەک، مەلەوانگە، گۆڵف، چەندان تایبەتمەندی تری تێدایە و ئێستا بۆ فرۆشتن دانراوە.

ئەم رووداوە لە کاتێکدایە یاریزانەکەی هەڵبژاردەی ئینگلتەرا و مان سیتی هەفتەیەکی سەختی تێپەڕان بەهۆی ئەوەی لە یاری دێربی شاری مانچستەر لەلایەن هاندەرانی مان یونایتدەوە سووکایەتی پێکرا و بووە سەردێڕی زۆرێک لە رۆژنامەکان.