خواردن کاریگەری ئەرێنی لەسەر تەندروستی بە گشتی
هەیە، بە پێچەوانەوە تێکچوونی خواردن دەبێتە هۆی قەڵەوی یان و کاریگەری نەرێنی لەسەر
تەندروستی جەستە دروست دەکات.
گەشەکردن لە تەمەنی هەرزەکاریدا بە ڕێژەیەکی زۆر
خێرا ڕوودەداته هەر بۆیە پێویستی بە ماددە خۆراکییە سودبەخشەکان زیاتر دەبێت، بەپێی ئەوەی کە
ماڵپەڕی " Health Shots" بڵاویکردووەتەوە،
پسپۆڕان ئامۆژگاری ئەوە دەکەن کە ئەم ماددە خۆراکیانەی خوارەوە بخرێتە ناو خۆراکی
هەرزەکارانەوە بۆ ئەوەی تەندروست و چالاک بن، لەوانەش:
١. پرۆتینی بێ چەوری: سەرچاوەکانی وەک
مریشک، ماسی، گەنمەشامی پرۆتینی بێ چەوری پێویست بۆ گەشەی ماسولکە و شانەکان دابین
دەکەن.
٢. چەوری تەندروست: پێویستە بۆ تەندروستی دڵ، کەمکردنەوەی کۆلیسترۆڵ و
باشتر ڕێکخستنی شەکری خوێن.
٣. بەرهەمە شیرەمەنیەکان: کالیسیۆم
توخمێکی سەرەکییە بۆ گەشەی ئێسک، بۆیە پێویستە شیری کەم چەوری یان بەرهەمە شیرەمەنیەکانی
وەک ماست هەڵبژێریت.
٤. دانەوێڵەی تەواو: خواردنەکانی وەک
نانی دانەوێڵەیی و برنجی قاوەیی تەندروستی جەستە باشتر دەکات و چەندین ڤیتامین و
کانزا دابین دەکات.
٥. سه‌وزه‌ومیوه: پڕن لە ڤیتامین و کانزا و
دژە ئۆکسێنەرەکان، بۆیە پێویستە هەرزەکاران سەوزە و میوەی جۆراوجۆر بخۆن، وەکو توو
و سپێناخ و گێزەر و پرتەقاڵ.
٦. ئەو خۆراکانەی دەوڵەمەندن بە ئاسن: یارمەتی
دروستبوونی ئاسایی خڕۆکە سوورەکانی خوێن دەدات و ئەرکی هیمۆگلۆبین بەرز دەکاتەوە کە
ئۆکسجین دەگوازێتەوە بۆ هەموو جەستە.
٧.چەرەسات: ماددە خۆراکییە پێویستەکان و چەوری
تەندروست و پرۆتینی زۆریان تێدایە،کە چەندین سوودی هەیە بۆ مێشک و گەشەی جەستە.
A.A