کارمەندێکی بەشی پەیوەندیەکان لە وڵاتی سوید بەشێوەیەکی سەیر خۆی لە ئەرکەکانی دەدزێتەوە بەپەیوەندیکردن لەڕێگەی تەلەفونی شوێنی کارەکەیەوە بە مۆبایلەکەی خۆیەوە.
ھەواڵێکی ماڵپەری سۆمەریە نیوز باس لەوەدەکات کە کارمەندێکی بەشی پەیوەندییەکان لە یەکێک لە کۆمپانیاکان بۆ ئەوەی وەڵامی کڕیارەکان نەداتەوە و پەیوەندییەکەی بگوازرێتەوە بۆ ھاوپیشەکانی و سەرقاڵ دەربکەوێت.
ھەواڵەکە باس لەوەش دەکات گەنجە تەمەن ٢٨ ساڵەکە لە ماوەی دوو مانگدا ٣٢ جار پەیوەندی بۆ مۆبایلەکەی خۆیەوە کردووە و خۆی سەرقاڵ نیشانداوە و بە کۆی گشتی ٥٥ کاتژمێر ئەو کارەی کردووە کە ئەوەش یەکسانبووە بە حەوت ڕۆژی کاری و بەو ھۆیەوە لێپرسراوی بەشەکەی لەکارەکەی دەریکردووە.