PM:04:00:31/03/2026
804 جار خوێندراوەتەوە
شاسوار عەبدولواحید لە رێککەوتنەکەیان لەگەڵ یەکێتی دەڵێت، "داوای دامەزراندنی گەنجان و هەلی کار و سلفەی زەواج و پێشینیەی نیشتەجێبوونمان کردووە و هەروەها داوای گەڕاندنەوەی پلە بەرزکردنەوەی فەرمانبەران و پاشەکەوتی مووچەمان کردووە، هاوکات ئەگەر حکومەت هەڵنەبژێردرێتەوە و پەرلەمان کۆنەبێتەوە ئەم هەرێمەی ئێستا نامێنێت ".
شاسوار عەبدولواحید، سەرۆکی جوڵانەوەی نەوەی نوێ لە سیمینیارێکدا کە ئێوارەی ئەمڕۆ لە کەناڵی ئێن ئاڕ تی پەخش دەکرێت وتی، "ئەگەر حکومەت هەڵنەبژێردرێتەوە و پەرلەمان کۆنەبێتەوە ئەم هەرێمەی ئێستا نامێنێت، پارتی حەز دەکات هەموو جومگەکانی حکومەت بەدەست خۆیەوە بێت و حەز ناکات باڵانسی هێز درووستبێت".
وتیشی، " سەرۆکایەتی هەرێم و سەرۆکایەتی
حکومەت، سەرۆکی ئەنجومەنی دادوەری، دەستەی سەرۆکایەتی پەرلەمان، راوێژکاری
ئەنجومەنی ئاسایش، دەزگای زانیاری، پاراستن و ئاسایش، فەرماندەی گشتیی هێزە
چەکدارەکان و پەیوەندییەکانی دەرەوە لای پارتییە و پارتی حەز ناکات باڵانسی هێز درووستبێت و نیوەی
لێبسەنرێتەوە".
ئاماژەی بەوەشکرد، سوودمەندی یەکەم لەوەی
پەرلەمان کۆنەبێتەوە و حکومەت پێکنەیەت مەسرور بارزانی وئەم کابینەیەی حکومەتە بۆ
ئەوەی با ئارەزووی خۆی پارەی میلەت پەخشان و تەخشان بکات و پەرلەمان لێینەپرسێتەوە".
باسی لەوەشکرد، "داوامانکردووە
پاشەکەوتی مووچە، ئەگەر بڕێکی کەمیش بێت مانگانە بخرێتە سەر رەقەم حسابێک کە بتوانن
لەو رێگایەوە پارەی ئاو و کارەبا و زەڕیبەی لێبەن".
