هاوکات بەشێکی تری هێرشەکانی دوێنێشەو بۆ سەر ناوچەکانی دهۆک ، چیای مەقلوب، چیای کۆڕەک، رۆڤیا، بەردەرەش، سنوری مەخمور، ئاکرێ،خەبات، سۆران، چۆمان، حاجی ئۆمەران و سپیلک بوون و کرانە ئامانج و چاوگێکیش بە ئێن ئاڕتی وت، سێ جار ماڵی نێچیرڤان بارزانی لە دهۆک بە درۆن هێرشکراوەتە سەری و یەکێتی ئەوروپا و وەزیری دەرەوەی تورکیاش ئیدانەی هێرشەکەیان کرد.

لە سلێمانیش دەنگی تەقینەوە بیستراوە و بەڵام بەهیچ شیوەیەک پشتراستنەکراوتەوە ئامانجەکەی کوێ بووە و لە کوێی داوە.

مەسعود بارزانیش راگەیاندراوێکی بڵاوکردەوە و وتی،لە سەرەتای ئاڵۆزییەکانەوە ٤٥٠ جار هەرێمی کوردستان بە ئامانج گیراوە و پێنج جاریش بارەگاکانیان بە ئامانج گیراون و وتیشی، ئەو هێرشانە شەڕفرۆشتنێکی ئاشکرایە دەبێت چارەسەر بکرێت.

لە کەرکوک و موسڵیش هێرشی ئاسمانی کرایە سەر بارەگای حەشدی شەعبی و پۆلیسی عێراق و بەهۆی هێرشەکانەوە حەشدی شەعىی رایگەیاند، سێ چەکداریان کوژران و چوار چەکداری دیکە برینداربوون و وەزارەتی ناوخۆی عێراقیش وتی، لە موسڵ لە ئەنجامی هێرشێک دوو پۆلیس كوژران و پێنجی دیکە برینداربوون و بەپێی ئامارێکیش لە سەرەتای ئاڵۆزییەکانەوە ٧٩ چەکداری حەشدی شەعىی کوژراون.