PM:06:22:28/03/2026
1012 جار خوێندراوەتەوە
جێگری سەرۆکی حکومەتی ماوەبەسەرچوو دەڵێت، "بە ئامانجگرتنی ماڵی نێچیرڤان بارزانی لە دهۆک، پەرەسەندنێکی مەترسیدارە و بە توندی ئیدانەی دەکەین".
ئەمڕۆ شەممە ٢٨ـی ئازاری ٢٠٢٦، قوباد تاڵەبانی، جێگری سەرۆکی حکومەتی ماوەبەسەرچوو، بە توندی سەرکۆنەی هێرشکردنە سەر ماڵی نێچیرڤان بارزانی لە شاری دهۆک کرد و رایگەیاند، ئەم کارە "پەرەسەندنێکی مەترسیدارە".
وتیشی، بیری حکومەتی فیدراڵی دەخەینەوە گروپە چەکدارە لە یاسادەرچووەکان
بوونەتە سەرچاوەی هەڕەشە بۆسەر سەقامگیری و ئاسایشی هەرێمی کوردستان و عێراق.
جەختیشی کردەوە کە ئەگەر دەستبەجێ رێگری لەو
"ئاژاوەگێڕانە" نەکرێت و رووبەڕووی سزا نەبنەوە، ئەوا لە داهاتوودا
دەبنە هەڕەشەیەکی زۆر گەورەتر بۆ سەر دامودەزگا فەرمییەکان و بەرپرسانی بەشەکانی
دیکەی عێراقیش.
