پارێزگاری سلێمانی رایگەیاند، ناوچەكەمان بووەتە رێڕەوی ئەو جەنگەی بەرپا بووە، بەوهۆیەوە بۆ بەهار و نەورۆز هیچ بۆنە و یادكردنەوەیەكی گشتی ناكرێت.
ئەمڕۆ یەکشەممە ١٥ـی ئازاری ٢٠٢٦، هەڤاڵ ئەبوبەكر، پارێزگاری سلێمانی بۆ رۆژنامەنووسان وتی، "ناوچەكەی ئێمە بووە بە رێڕەوی ئەو جەنگە جیهانییەی بەرپا بووە و دەبێت زۆر بە وریاییەوە هەموومان مامەڵە بكەین".
ئاماژەی
بەوەشکردووە، ئاسمانی ئەم وڵاتە پڕە لە درۆن و مووشەك و فڕۆكە و هیوادارین بەزوویی
ئەم جەنگە كۆتایی بێت.
وتیشی، سیاسەتی
گشتی حكومەتی هەرێم و حكومەتی فیدڕاڵی و خۆجێیی ئەوەیە، كە بەشێك نین لەم حەنگانە
و سیاسەتی بێ لایەنییە و هیوادارین بە زوویی تەواو ببێت.
جەختیشی كردەوە،
لەگەڵ حكومەتی فیدڕاڵی قسەكراوە تاكو ئەو هەڕەشە و بۆردومانانەی لەناوخۆی وڵاتەوە
دێت كۆتاییان پێ بێت و كوردستان نەكەنە گۆڕەپانی ململانێكان.
ئاشكراشی كرد،
ئەمساڵ بۆ بەهار و نەورۆز بەبۆنەی ئەم دۆخەوە هیچ بۆنە و یادكردنەوەیەكی گشتی ناكرێت .