بەڕاست شەپۆلی رۆکێت؟
PM:07:44:15/03/2026
164 جار خوێندراوەتەوە
ئارێز عەبدوڵا
+
-
کەناڵەکانی راگەياندن
کاريگەريەکی گەورەيان لەسەر زمانی کوردی هەيە، بڵاوکردنەوە و دووبارە و چەند بارەکردنەوەی رۆژانەی ناو و دەستەواژە و چەمکەکان لای گوێگر
و خوێنەر و بينەر راست بن يان چەوت جێگير دەکەن.
لەوەتی شەڕی ئەمريکا
و ئيسڕائيل - ئێرانە رۆژ نييە لە زۆربەی هەرەزۆری کەناڵەکان چەندين جار گوێمان لە
(شەپۆڵی روکێت يان مووشەک) نەبێ!
بەکارهێنانی دەستەواژەی شەپۆڵی مووشەکی
هەڵەيە٠ هەر يەکێك لەم دەستەواژانە بەکار بێت راستە: گورزە، شێلکە، ژمارەيەک، کۆمەلێك.
ئەو شەپۆڵە
دايک و باوك عارەبە ئەوەندە دووبارە و دەبارە کراوەتەوە، هەواڵساز و پێشکەشکاران بە
چاولێکەری يەکتری بەکاری دەهێننەوە!
شەپۆڵ تەنيا بۆ
ئاو و با و موگناتيس، بەکار دێ، چونکە جولەی ماددەيەکی نەرمی نەژمێردراوە.
ئايا رۆکێت دەژمێردرێن
يان نا؟
بێگومان رۆکێت
و فڕۆکە و فيشەك دەژمێدرێن، بۆيە دەبێ دەستەواژەی گونجاويان بۆ بەکار بێت.
ئەمڕۆ لە کەناڵێکی
زەبەلاحی کوردی بيست جار پتر گوێم لە دەستەواژەی شەپۆڵی مووشەک و دوو جاريش شەپۆڵی
دەستگيرکردن بوو!
ئەی هاوار شەپۆڵی
دەستگيرکردن کەی کوردييە؟!
هيوادرام نووسەر
و رۆژنامەنووس و پێشکەشکارەکان چاوکراوەتر و باشتر ئاگاداری پاراستنی پاراويی و رەسەنايەتی
زمانەکەيان بن.
شەپۆڵ: گورزە،
شێلکە، کۆمەلێك، ژمارەيەك