PM:05:51:03/03/2026
676 جار خوێندراوەتەوە
دوای بڕیارەکەی قائیمقامیەتی سلێمانی بۆ هەڵکردنەوەی مۆلیدە ئەهلییەکان، خاوەن مۆلیدەکان لەبەردەم سەندیکای کۆمەڵەی مۆلیدە ئەهلییەکان گردبوونەوە و ناڕەزایەتیان دژی بڕیارەکە دەربڕی و وتیان، "تا گرێبەستیان بۆ نەکەن کار بە مۆلیدەکان ناکەن".
ئەمڕۆ سێشەممە ٣ـی ئازاری ٢٠٢٦، نەبەز مەجید، نوێنەری خاوەن مۆلیدە ئەهلییەکانی سلێمانی وتی، "هەر مۆلیدەیەک ملیۆنێک بۆ ملیۆن و ٥٠٠ هەزار دینار خەرجی هەیە، پێشوەختە پێتناڵێت لەپڕدا پێتدەڵێت بڕۆ ئیش بکە، خۆ ئاوا نابێت، دەبێت گرێبەستی ساڵێک دوو ساڵی بۆ بکەی و بەرنامەی بۆ دابنێی".
ئاماژەی بەوەشکرد، نەدەبوو حکومەت گرێبەستی پێشوویان هەڵبووەشێنێتەوە و لەکاتێکی
وەک ئەمڕۆدا ئیشیان پێ بکردایەوە.
ئەمڕۆ سێشەممە ٣ـی ئازاری ٢٠٢٦، قائیمقامیەتی سلێمانی بڕیاریدا موەلیدەکان
لە کاتژمێر ٤ـی پاشنیوەڕۆ بۆ ١ـی شەو و پارشێوانیش لە کاتژمێری چواری بەرەبەیان
تاوەکو کاتژمێر پێنج هەڵبکرێنەوە، ئەگەر کارەبای نیشتیمانی نەبوو.
