PM:05:57:17/02/2026
1100 جار خوێندراوەتەوە
سەرۆکی جوڵانەوەی نەوەی نوێ دەڵێت، پیرۆزبای ١٥ ساڵی دامەزراندنی کەناڵی ئێن ئاڕ تی دەکات، دەشڵێت، کەناڵێکی راگەیاندنە کە هەر لە سەرەتای دەستپێکردنیەوە رووبەرووی ئاستەنگ و بارودۆخی نەخوازراو بووەتەوە، کە زۆرێک لە دامەزراوەکانی تر ئەزموونیان نەکردووە ئەمەش لە ئەنجامی پابەندبوونە بە پیشەیبوونی و گەیاندنی راستیەکانە بە شێوازێکی شەفافانە.
ئەمڕۆ سێشەممە ١٧ـی شوباتی ٢٠٢٦، سروە عەبدولواحید، سەرۆکی جوڵانەوەی نەوەی نوێ لە راگەیەندراوێکدا وتی، لە رۆژانی سەرەتایدا زیاتر لە جارێک کەناڵەکە تووشی داخستن و سوتاندن بووەوە، بەڵام بەردەوام بوو و پەیامی میدیایی خۆی پاراست کە پشتگیری لە مافەکانی هاوڵاتیان دەکرد و پابەندبوو بە خستنەرووی راستییەکان بە شێوەیەکی پیشەیی و سەربەخۆ.
وتیشی، بەو بۆنەیەوە گەرمترین پیرۆزبایی و پێزانین ئاڕاستەی سەرجەم کارمەندانی
کەناڵەکە دەکەن، کە سەرەڕای تەحەدییەکان پابەندبوونی خۆیان بە بنەماکانەوە
نیشانداوە و هەموو مافێکیان هەیە شانازی بەو کاریگەری و متمانەیە بکەن کە لەنێو
بینەراندا بەدەستیانهێناوە.
