سعودیە چەند رێنماییەکی بۆ مانگی رەمەزان دەرکرد و رایگەیاند، تۆمارکردنی ڤیدیۆ و وێنەگرتنی پێشنوێژ و نوێژخوێنان قەدەغەیە و کامێراکان تەنها بۆ مەبەستی ئەمنی و رێکخستنن.
عەبدوللـەتیف ئال شێخ، وەزیری کاروباری ئیسلامیی سعوودیە، چەند رێنمایی نوێی بۆ ڕێکخستنی مزگەوتەکان لە مانگی رەمەزاندا دەرکرد، گرنگترین بڕیار، قەدەغەکردنی وێنەگرتنی پێشنوێژ و نوێژخوێنانە لە کاتی ئەنجامدانی نوێژەکاندا.
وەزیر جەختی کردەوە کە کامێراکان تەنیا بۆ مەبەستی ئەمنی و رێکخستنن، نەک بۆ
بڵاوکردنەوەی گرتەی ڤیدیۆیی و خۆدەرخستن (ریا) لە سۆشیاڵمیدیادا.
هەروەها رێنماییەکان جەخت لە پابەندبوونی تەواو بە کاتەکانی بانگ بەپێی ڕۆژژمێری
"ئومولقورا" دەکەنەوە و بڕیار دراوە ماوەی نێوان بانگ و قامەت بۆ نوێژەکانی
بەیانی و مەغریب تەنیا ١٥ خولەک بێت بۆ ئاسانکاریی نوێژکەران. هاوکات داوا لە پێشنوێژەکان
کراوە لە نوێژەکانی تەراویح و قیامدا درێژدادڕێت نەکەن تا نوێژخوێنان تووشی
ماندووبوونی زۆر نەبن.
وەزارەتی کاروباری ئیسلامی، تیمی چاودێریی راسپاردووە بۆ بەدواداچوونی ئەم
بڕیارانە و رایگەیاندووە کە هیچ کەمتەرخەمییەک قبووڵ ناکرێت، بە ئامانجی پاراستنی
کەشێکی ئارام و پڕ لە خوداپەرستی لە مزگەوتەکاندا.