PM:05:16:12/02/2026
1580 جار خوێندراوەتەوە
بەپێی زانیارییەکانی پەیامنێری ئێن ئاڕ تی، کەمێک پێش ئێستا لە پڕۆژەیەکی نیشتەجێبوون لە سلێمانی، تەرمی ژنێک دۆزراوەتەوە و بە وتەی پۆلیسیش شوێنەواری فیشەکی پێوەیە و لێکۆڵینەوەیان لە رووداوەکە دەستپێکردووە.
ئەمڕۆ، پێنجشەممە، ١١ـی شوباتی ٢٠٢٦، چاوگێک لە پۆلیسی سلێمانی رایگەیاند، لە پڕۆژەیەکی نیشتەجێبوون لە سلێمانی، ژنێکی ٤١ ساڵان کوژرا.
ئاماژەی بەوەشکردووە، "تا ئێستا تۆمەتبار
دەستگیرنەکراوە و پەراوی لێکۆڵینەوە لە رووداوەکە کراوەتەوە".
بەپێی زانیارییەکان، ژنە کوژراوەکە، خەڵکی رۆژهەڵاتی
کوردستانە و تەرمەکەی بۆ پشکنین براوەتە پزیشکی دادی سلێمانی و دواتر رادەستی کەسوکارەکەی
دەکرێتەوە.
بە وتەی چاوگە
ئەمنییەکانیش، " ئەو ژنە لەماڵی خۆیدا نەکوژراوە، بەڵکو چووەتە ماڵی کەسێکی
تر بۆ کارێکی تایبەت، بکوژەکە دوای کەوتووەو لەناو ئەو پڕۆژەی نیشتەجێبوونە تەقەی
لێکردووەو کوشتویەتی ".
