PM:04:30:12/02/2026
1320 جار خوێندراوەتەوە
وەزارەتی دارایی دەڵێت، رۆژی شەممە مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەش دەکرێت.
ئەمڕۆ پێنجشەممە ١٢ـی شوباتی ٢٠٢٦، وەزارەتی دارایی هەرێم لە راگەیەندراوێکدا بڵاویکردەوە، رۆژی شەممە ( ١٤ ی شوباتی ٢٠٢٦) مووچەی مانگی کانوونی دووەمی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دابەش دەکرێت.
لە راگەیەندراوەکەدا هاتووە، لەهەمان رۆژدا مووچەی مانگی کانوونی دووەمی سەرجەم
ئەو فەرمانبەرانە دابەش دەکرێت کە لەدوای ( ٢٠٢٤/٧/١ ) بەشێوەی گرێبەست و هەمیشەیی
لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی
ناوخۆی هەرێمی کوردستان خەرج دەکرێت.
