PM:08:07:14/01/2026
1332 جار خوێندراوەتەوە
زانکۆی سلێمانی ئاگاداری مامۆستایان و خوێندکاران دەکات، ئۆتۆمبێلەکانیان لە شەقامە سەرەکییەکانی دەرەوەی زانکۆ رانەگرن، بەپێچەوانەوە توشی سزای دارایی دەبنەوە.
ئەمڕۆ چوارشەممە ١٤ـی کانونی دووەمـی ٢٠٢٦، سەرۆکایەتیی زانکۆی سلێمانی لە راگەیەندراوێکدا بڵاویکردەوە، لەپێناو بەرژەوەندیی گشتی و رێکخستنی هاتووچۆ و بەمەبەستی کەمکردنەوەی قەرەباڵغی و نەهێشتنی ئاستەنگیی هاتووچۆ، هاتووچۆی سلێمانی رێکارەکانی هاتووچۆ لە شەقامە سەرەکییەکانی دەوروبەری زانکۆ جێبەجێدەکات.
ئاماژە بەوەشکراوە، بۆ ئەوەی دووربن لە سزای
دارایی و وەک ئەرکێکی شارستانی، تکایە ئۆتۆمبێلەکانتان تەنها لە گەراج و شوێنە تەرخانکراوەکانی
زانکۆ رابگرن، چونکە راگرتنی ئۆتۆمبێل لەسەر شەقامە سەرەکییەکانی دەرەوەی زانکۆ قەدەغەیە
و لێپرسینەوەی یاسایی بەدوادادێت.
